Nadav Qedj
| Nadav Qedj | |
|---|---|
 Nadav Qedj 2015-ci ildə | |
| Ümumi məlumatlar | |
| Doğum adı |
Nadav Qedj ivr. נדב גדג' |
| Doğum tarixi | 2 noyabr 1998 (25 yaş) |
| Doğum yeri | |
| Vətəndaşlığı | |
| Milliyyəti | Netanya, İsrail |
| Musiqiçi məlumatları | |
| Fəaliyyəti | müğənni |
| Fəaliyyət illəri | 2015-ci ildən |
| Janr | pop musiqisi |
 Vikianbarda əlaqəli mediafayllar | |
Nadav Qedj (ivr. נדב גדג'; 2 noyabr 1998, Paris) — İsrail müğənnisi. O, İsraili 2015 Avroviziya Mahnı Müsabiqəsində təmsil etmişdir.
Həyatı[redaktə | mənbəni redaktə et]
Nadav Qedj 2 noyabr 1998-ci ildə Fransanın paytaxtı Paris şəhərində yəhudi ailəsində anadan olmuşdur. O İsrailin Netanya şəhərində yaşayır. 2016-cı ildə İsraildə hərbi xidmətə yollanmışdır.
Musiqi karyerası[redaktə | mənbəni redaktə et]
2015–2016: Avroviziya Mahnı Müsabiqəsi[redaktə | mənbəni redaktə et]
2015-ci ildə Nadav Qedj İsrailin IBA telekanalının Avroviziya üçün təşkil etdiyi HaKokhav HaBa 2017 adlı milli seçim turunda iştirak etmişdir. Uzun sürən seçim turlarında Nadav Rihanna, Stivi Uander, Beyonce, Castin Timberleyk və Bruno Marsdan mahnılar ifa etmişdir. Nəticədə yarışmada qalib gələrək, ifaçı İsraili Avstriyanın paytaxtı Vyanada keçirilən Avroviziya 2017-də təmsil etmək hüququ qazanmışdır[1]. Nadavın Avroviziya səhnəsində ifa edəcəyi mahnı olan "Golden Boy" ilk dəfə 12 mart tarixində dinləyicilərə təqdim olunmuşdur. Mahnıda İsrailin milli musiqi ritmlərindən də istifadə olunmuşdur və bu ölkənin Avroviziya tarixindəki ilk bütövlüklə ingilis dilində səslənən mahnısı olmuşdur.
Uzun məşqlərdən sonra Nadav müsabiqənin 21 may tarixində baş tutan ikinci yarımfinal mərhələsində 9-cu səhnə almışdır. Nəticədə o 151 xalla 3-cü yeri tutaraq, İsraili dörd illik aradan sonra Avroviziya finalına yüksəldə bilmişdir. Finalda mahnısını bir daha ifa edən müğənni ümumi nəticədə 97 xalla 9-cu yeri tutmuşdur.
Avroviziyadan sonra Nadav Qedjin Koka-Kola üçün yazılmış "Summer Together" mahnısı təqdim olunmuşdur. Daha sonra ifaçının 2015-ci ilin sonlarında "Good Vibes" və "Jump" sinqlları təqdim olunmuşdur. 2016-cı il ərzində Nadavın "Make You Mine" və "Hold the City" sinqlları və eyni zamanda öz adını verdiyi debüt albomu işıq üzü görmüşdür.
Diskoqrafiya[redaktə | mənbəni redaktə et]
Albomlar[redaktə | mənbəni redaktə et]
| Albom adı | İl |
|---|---|
| Nadav Guedj | 2016 |
Sinqllar[redaktə | mənbəni redaktə et]
| Mahnı adı | İl |
|---|---|
| "Golden Boy" | 2015 |
| "Good Vibes" | |
| "Jump" | |
| "Make You Mine" | 2016 |
| "Hold The City" | |
| "Elle M'rend Fou" |
İstinadlar[redaktə | mənbəni redaktə et]
- ↑ "Israel: Nadav Guedj wins "The Next Star", will sing at Eurovision". Wiwibloggs. 17 fevral 2015. 2021-09-26 tarixində arxivləşdirilib. İstifadə tarixi: 18 mart 2015.
| Əvvəlki: Mey Feynqold "Same Heart" |
İsrail Avroviziya Mahnı Müsabiqəsində  2015 |
Sonrakı: Hovi Star "Made of Stars" |
| Foto, video və audio | |
|---|---|
| Tematik saytlar | |
| Lüğətlər və ensiklopediyalar | |
| Normativ yoxlama |
