Hovi Star

Vikipediya, açıq ensiklopediya
Jump to navigation Jump to search
Picto infobox music.png
Hovav Sekulets
ivr. חובב סקולץ
Hovi Star 2016-cı ildə
Hovi Star 2016-cı ildə
Sənətçi məlumatları
Doğum adı Hovav Sekulets
ivr. חובי סטאר
Doğum tarixi
19 noyabr 1986 (1986-11-19) (32 yaş)
Doğum yeri Hayfa, İsrail
Vətəndaşlığı Flag of Israel.svg İsrail
Peşələri müğənni, bəstəkar, aktyor

Üslubpop
LəqəbiHovi Star
Musiqi alətivokal
Fəaliyyət illəri2006–h.h.
IMDbID 7987969
VikiAnbarda Commons-logo.svg əlaqəli mediafayllar

Hovav Sekulets (ivr. חובב סקולץ‎; d. 19 noyabr 1986, Hayfa, İsrail) və ya səhnə adı ilə Hovi Starİsrail müğənnisi, bəstəkarı və aktyoru. O, İsraili 2016 Avroviziya Mahnı Müsabiqəsində təmsil etmişdir.

Həyatı və musiqi karyerası[redaktə | əsas redaktə]

Hovav Sekulets 19 noyabr 1986-cı ildə İsrailin Hayfa şəhərində anadan olmuşdur. O, altı yaşında ikən İsraildə keçirilən uşaqlar üçün musiqi yarışmalarına qatılmışdır. Hərbi xidmət zamanı Hovi İsrail Müdafiə Qüvvələri orkestrının tərkibində yer almışdır. İfaçı eyni zamanda açıq şəkildə geydir. O, musiqi ilə yanaşı həm də qrim artistidir.

2009-cu ildə Hovi İsrailin Kokhav Nolad musiqi yarışmasında iştirak etmişdir. Yarışmada ümumilikdə yeddinci yeri qazanan ifaçı həmin ildə eyni zamanda ölkəsində keçirilən uşaqların mahnı festivalında özünün bəstələdiyi "Little boy, big boy" mahnısı ilə çıxış etmişdir. Növbəti ildə Hovi Kokhav Nolad musiqi yarışmasına aparıcı olaraq dəvət olunmuşdur. Aparıcılıq etdiyi müddətdə o, həm də musiqi karyerasını davam etdirmiş və ifaçının "Playing dangerous" və "Boyfriend" kimi sinqlları buraxılmışdır.

Musiqiyə bir illik fasilə verdikdən sonra Hovi "W.S.I.L." mahnısı ilə yenidən İsrail səhnəsinə geri dönmüş və tur çərçivəsində dünyanın bir çox ölkələrində konsert proqramları ilə çıxış etmişdir.

Bəstəkar olaraq Hovi bir çox İsrail müğənniləri üçün mahnılar yazmışdır. O, eyni zamanda bir çox xarici filmlərin ivrit dilinə olan dublyajlarında səs aktyoru olaraq rol almışdır.

2015-ci ildə Hovi Star İsrailin 2016 Avroviziya Mahnı Müsabiqəsi üçün təşkil etdiyi milli seçim turunda iştirak etmiş və nəticədə bütün rəqiblərini geridə qoyaraq qələbə qazanmışdır.[1] İfaçının Avroviziya səhnəsində ifa etdiyi "Made of Stars" mahnısı 2016-cı ilin mart ayında videoklip ilə birlikdə təqdim olunmuşdur.

Hovi müsabiqənin 12 may tarixində baş tutan ikinci yarımfinal mərhələsində 4-cü səhnə almışdır. Nəticədə isə 147 xalla 7-ci yerdə qərarlaşaraq, müsabiqənin final mərhələsinə vəsiqə qazanmışdır. Finalda bir daha öz mahnısını ifa edən Hovi 26 ölkə təmsilçisinin mübarizə apardığı şouda 135 xal toplayaraq, 14-cü yerdə qərarlaşmışdır. Finalda İsrail təmsilçisinin Almaniyadan 12 xal qazanması şounun yadda qalan məqamlarından biri olmuşdur.

Diskoqrafiya[redaktə | əsas redaktə]

Sinqllar[redaktə | əsas redaktə]

Mahnı adı İl
"משחק באש" (Playing With Fire) 2009
"בויפרנד" (Boyfriend) 2010
"W.S.I.L"
(Nimrod Qabay ilə duet)
2011
"Something That I Want"
(Alon Şarr ilə duet)
2014
"Made of Stars" 2016

İstinadlar[redaktə | əsas redaktə]

  1. "Hovi Star to represent Israel in Stockholm". Eurovision.tv. http://www.eurovision.tv/page/news?id=hovi_star_to_represent_israel_in_stockholm. İstifadə tarixi: 4 mart 2016.
Əvvəlki:
Nadav Qedj
"Golden Boy"
İsrail Avroviziya Mahnı Müsabiqəsində
EuroIsrael.svg

2016
Sonrakı:
İmri Ziv
"I Feel Alive"