İmri Ziv

Vikipediya, açıq ensiklopediya
Jump to navigation Jump to search
İmri Ziv
ivr. אימרי זיו
İmri Ziv Avroviziya 2017-nin açılış mərasimində
İmri Ziv Avroviziya 2017-nin açılış mərasimində
Ümumi məlumatları
Doğum adı İmri Ziv
ivr. אימרי זיו
Ləqəbi IMRI
Doğum tarixi 12 sentyabr 1991 (1991-09-12) (26 yaş)
Hod-ha-Şaron, İsrail
Vətəndaşlıq Flag of Israel.svg İsrail
Üslublar
Peşəsi müğənni
Musiqi aləti vokal
Fəaliyyət illəri 2009–h.h.

İmri Ziv (ivr. אימרי זיו‎; d. 12 sentyabr 1991, Hod-ha-Şaron, İsrail) və ya sadəcə IMRIİsrail müğənnisi. O, İsraili 2017 Avroviziya Mahnı Müsabiqəsində təmsil etmişdir.

Həyatı[redaktə | əsas redaktə]

İmri Ziv 12 sentyabr 1991-ci ildə İsrailin Hod-ha-Şaron şəhərində anadan olmuşdur. O ibtidai təhsilini İlan Ramon adına orta məktəbdə almışdır. Hərbi xidmətdə ikən İmri İsrail Silahlı Qüvvələrinin Təhsil və Gənclik Korpusu Dəstəsinin orkestrində musiqi ilə məşğul olmuşdur. Ali təhsil olaraq o, Herzliya şəhərində yerləşən Daxili İntizam Mərkəzi kollecində kommunikasiya elmləri ixtisası üzrə təhsil almışdır. İmri ivrit, ingilisispan dillərində sərbəst danışa bilir.

Musiqi karyerası[redaktə | əsas redaktə]

2012-2016: Başlanğıc[redaktə | əsas redaktə]

2012-ci ildə İmri Ziv İsrailin The Voice səs yarışmasında iştirak etmişdir. 20152016-cı illərdə İmri İsrailin Avroviziya təmsilçilərini dəstək vokalçı olaraq səhnədə müşayiət etmişdir.

2017-hal-hazırda: Avroviziya Mahnı Müsabiqəsi[redaktə | əsas redaktə]

2017-ci ildə İmri Ziv İsrailin IBA telekanalının Avroviziya üçün təşkil etdiyi HaKokhav HaBa 2017 adlı milli seçim turunda iştirak etmişdir. Uzun sürən seçim turlarında İmri Lady Gaga, Rihanna, Aerosmith, BeyonceKelli Klarksondan mahnılar ifa etmişdir. Nəticədə yarışmada qalib gələrək, İmri Ziv İsraili Ukraynanın paytaxtı Kiyevdə keçirilən Avroviziya 2017-də təmsil etmək hüququ qazanmışdır[1]. İmrinin Avroviziya səhnəsində ifa edəcəyi mahnı "I Feel Alive" ilk dəfə 9 mart tarixində dinləyicilərə təqdim olunmuşdur. Mahnıda İsrailin milli musiqi ritmlərindən də istifadə olunmuşdur.

Uzun məşqlərdən sonra İmri 11 may tarixində baş tutan müsabiqənin ikinci yarımfinal mərhələsində 18-ci nömrə altında səhnə almışdır. Nəticədə o 207 xalla 3-cü yeri tutaraq, Avroviziya 2017-nin finalına yüksəlməyə nail olmuşdur. Finalda mahnısını bir daha ifa edən müğənni ümumi nəticədə 39 xalla 23-cü yerdə qərarlaşmışdır.

Diskoqrafiya[redaktə | əsas redaktə]

Sinqllar[redaktə | əsas redaktə]

Mahnı adı İl
"I Feel Alive" 2017

İstinadlar[redaktə | əsas redaktə]

Əvvəlki:
Hovi Star
"Made of Stars"
İsrail Avroviziya Mahnı Müsabiqəsində
EuroIsrael.svg

2017
Sonrakı:
Netta Barzilay
"Toy"