Rihanna

Rihanna
Sənətçi məlumatları
Doğum adı	Robyn Rihanna Fenty
Doğum tarixi	20 fevral 1988 (1988-02-20) Saint Michael, Barbados
Doğum yeri	Port of Spain General Hospital[d], Port of Spein, Trinidad və Tobaqo
Vətəndaşlığı	Trinidad və Tobaqo
Mənşə	Barbados
Peşələri	Müğənni, söz yazıçısı, aktrisa, modelyer, filantrop
Partnyoru	Kris Braun və Dreyk
Üslub	Pop, R&B
Ləqəbi	Rihanna, Ri, RiRi və Rihanna
Səs tembri	Metso-soprano
Fəaliyyət illəri	2005 – günümüz
Albom şirkəti	Westbury Road Entertainment, Roc Nation
rihanna.com
Vikianbarda əlaqəli mediafayllar

Robyn Rihanna Fenty — (d. 20 fevral 1988, Saint Michael, Barbados), Barbadoslu müğənni və söz yazıçısıdır. 2005-ci ildə ilk albomu olan Music of the Sun'ı çıxartdı. Albomun çıxış parçası olan "Pon de Replay" Billboard Hot 100-də 2-ci sıraya qədər yüksəlmiş və böyük uğurlar əldə etmişdir. 2006-cı ildə isə "A Girl Like Me" adını verdiyi ikinci albomunu çıxartdı. Bu albom sayəsində bir çox mükafat almış və albomdakı "SOS" mahnısı Billboard Hot 100-də 1 nömrəyə qədər yüksəlmişdir. Sonraki il çıxartdığı "Good Girl Gone Bad" albomunda görünüş ve tərzini dəyişdirərək möhtəşəm bir çıxış edən Rihanna, özündən hər yerdə söz etdirməyi bacardı. Albomdakı "Umbrella", "Shut Up and Drive", "Don't Stop the Music" ən məşhur Rihanna hitləri sırasına daxil oldu. Bunlardan "Umbrella" mahnısı ilə ilk Grammy Mükafatını qazanan Rihanna, Entertainment Weekly tərəfindən də, "2008-in Divası" seçildi. Öz füsünkar səsi və gözəlliyi ilə musiqisevərlərin sevimlisinə çevrilən Rihanna'nın əsl adı Robyn Rihanna Fenty'dir. 1988-ci il fevralın 20-də Barbadosun Saint Michael şəhərində dünyaya göz açan Rihanna'nın uşaqlığı isə Bridgetown şəhərində keçib. Atası Ronald Fenty və anası Monica Fenty də Barbadosda yaşayır. Rihanna'nın 2 özündən balaca Rorrey və Rajad adlı qardaşları var. Təhsilinə Barbadosdakı "Charles F.Broome Memorial" ibtidai məktəbində başlamış və 15 yaşında "Combermere" adlı musiqi məktəbinə gedərək iki sinif yoldaşıyla birlikdə musiqi qrupu qurmuşdur. 2003-cü ildə yoldaşları Rihanna'nın qrupunu həmin vaxt Barbadosda tətil edən musiqi prodüseri Evan Rogers'a tanıtdılar. Evan Rogers qrupa səs testi etdikdən sonra "Rihanna bir dəqiqə mənimlə gəl, digər ikiniz gedə bilərsiniz." deyərək otağında Rihanna'dan Destiny's Child qrupunun "Emotion" və Mariah Carey'in "Hero" mahnısını dinlədi. Bundan sonra prodüser böyük partnyoru ilə Rihannaya ilk studiya yazımlarını həyata keçirməkdə kömək edir. ABŞ-da yazılan mahnı bir neçə musiqi şirkətinə göndərildi. Bu nüsxələrdən biri Jay-Z'ə də gəlib çıxdı və o, Rihannan'ı "Def Jam" şirkətinə qəbul etdi. Lazımı sınaqlardan uğurla çıxan Rihanna şirkətlə müqavilə imzalayır. Beləliklə, müğənninin həyatında sözün əsl mənasında dönüş baş verir. O anası ilə birliktə Barbadosdan ABŞ-a köçür və çalışmalarını sürətləndirir. Nəhayət 2005-ci ilin 30 avqust tarixində "Music of the Sun" adlı ilk studiya albomunu pərəstikşarlarına təqdim edir. Sözügedən albom nəinki ABŞ-da, eyni zamanda Avropada da böyük rəğbətlə qarşılandı. İlk single'ı "Pon de Replay" olmuş və həmin mahnı Billboard Hot 100-də 2-ci pilləyə qədər yüksəlmişdir. Bundan başqa çartlara başçılıq etməyə başlayan albom ABŞ və Kanada çartlarının Top 10-luğuna da düşdü. Müğənninin ikinci single'ı isə "If It's Lovin' That You Want" oldu. Bugünə qədər 8 Grammy Mükafati və 14 nömrə 1 single-ı olan müğənni ümumilikdə 130-dan çox mükafat qazanmışdır.

Rihanna həmçinin 6 Oktyabr 2012-ci il tarixində Bakı Crystal Hall-da möhtəşəm bir konsert vermişdir.

Albomları

• Music of the Sun[1] (2005)

Rihanna, Def Jam ilə müqavilə imzaladıqdan sonra 3 ay boyunca studiyada Evan Rogers, Carl Sturken, Stargate və Poke & Tone ilə birlikdə çalışdı. 30 Avqust 2005-ci ildə satışa çıxan albomun ilk single-ı "Pon de Replay" 24 May 2005-də təqdim edildi və Billboard Hot 100 ilə İngiltərə Single Çartında 2-ci pilləyə qədər yüksəldi və 15 ölkədə dünyaca məşhur bir hit oldu. Albom ilk həftəsində ABŞ-da 69.000 kopya sataraq Billboard 200 listinə 10 nömrədən giriş etdi. 500.000 kopya satan albom RIAA-dan Sertifikatlı "Qızıl Mükafatı" qazanmışdır.

• A Girl Like Me[2] (2006)

Daha sonra Rihanna, ikinci albomunu hazırlamağa başladı. Albomun hazırlıq işləri davam edərkən ilk single "SOS" paylaşıldı və Rihanna bu mahnı sayəsində ABŞ'dakı ilk 1 nömrəsinə çatdı. 2006-nın aprel ayında "A Girl Like Me" adını verdiyi ikinci albomunu çıxartdı. Albom ilk həftəsində 115.000 kopya sataraq Billboard 200 listinə 5 nömrədən giriş etdi. RIAA-dan Sertifikatlı "Platin Mükafatı" qazandı. Albomu tanıtmaq məqsədilə "Live in Concert" adını verdiyi ilk turuna çıxdı və ABŞ, Kanada, Yamayka olmaqla 3 ölkədə 27 konsert verdi.

• Good Girl Gone Bad[3] (2007)

Rihannanın ikinci albomunun çıxmasının üstündən 1 il keçərkən üçüncü albomu Good Girl Gone Bad'i yayınladı. Bu albomu ilə bəstələrini təzələdi və yepyeni rəqs parçaları hazırladı. Musiqi hazırlayıcıları Timbaland, Will.i.am, Sean Garrett və qurduğu xəyallar köməyilə yeni bir tərəfə doğru irəlilədi. Saçlarını qısa kəsdirdi və qaraya boyatdı. Albomda "RiRi" üsyankar görüntü içərisində idi. Rihanna albom üçün; "Mən insanları hər zaman rəqs etdirmək, eyni zamanda da duyğulandırmaq istəyirəm və hər albomda fərqli bir stilə keçdiyimi hiss edirəm.." sözlərini dedi.Albom ilk həstəsində 162.000 kopya sataraq Billboard 200 listinə 2 nömrədən giriş etdi.Jay-Z ilə duet olan "Umbrella" mahnısı 7 həftə Billboard Hot 100-də 1 nömrədə qalaraq həmin ilin ən uzun müddət 1 nömrədə qalan 3 mahnısından biri oldu.

• Good Girl Gone Bad: Reloaded[4] (2008)

Rihanna 2008-də Good Girl Gone Bad albomunun davamı olan Good Girl Gone Bad: Reloaded'ı çıxartdı. Bu albomda sadəcə 2 yeni mahnı var idi və digər mahnıların hamısı Good Girl Gone Bad albomunda yer alan mahnılar idi. Albom ilk həftəsində 63.000 kopya satdı və Billboard 200 listinə 7 nömrədən giriş etdi. Albomdakı 2 yeni mahnı olan "Take a Bow" və "Disturbia" Billboard Hot 100-də 1 nömrəyə qədər yüksəldi.

• Rated R[5] (2009)

8 fevral 2009-cu ildə Rihannanın Grammy Mükafatlarında göstərəcəyi performansı ləğv edildi. Daha sonra Chris Brown tərəfindən şiddətə məruz qaldığı anlaşıldı. TMZ.com'un yayınladığı şəkildə Rihannanın üzü bərbad vəziyyətdə idi və fotoşəkillər müzakirə edilməyə başlandı. Rihanna, 22 iyun 2009 tarixində ifadə vermək üçün Los Angelesdə məhkəməyə getdi, ancaq Chris Browndan şikayətçi olmadı.Daha sonra Rihannanın mənəvi atası sayılan Jay-Z, Chris Brownu 6 ay müddətliyinə həbs etdirdi və Chris Brownun Rihannaya 50 metr məsafədən daha çox yaxınlaşmaması əmri verildi. 2 il sonra isə bu əmr ləğv edildi və Rihanna "Biz ikimizdə müğənniyik, mükafat mərasimlərində və daha bir çox yerdə eyni mühitdə olduğumuz üçün bu qadağa həm onun, həm də mənim üçün çətin olurdu." deyə söylədi.

Rihanna'nın dördüncü albomu "Rated R" 2009 noyabrında çıxdı. Rolling Stone albomu "Rihanna səs dönüşü etdi və bu onun ən yaxşı R&B albomlarından biridir" deyərək rəylədi. Albom ilk həftəsində 181.000 kopya sataraq Bilboard 200 listinə 4 nömrədən giriş etdi. Daha sonra isə RIAA tərəfindən də platin mükafat aldı. 2010-cu ilin aprel ayında "Last Girl on Earth" adlı 3-cü dünya turuna çıxdı və 67 konsert verərək 40 milyon dollar qazanc əldə etdi. Albomda yer alan "Rude Boy" Billboard Hot 100-də 1 nömrə olmağı bacardı və Rihanna hitlərinə adını yazdırdı. Yanvar 2010'da Rihanna iki ədət "Barbados Musiqi Mükafatı" qazandı və 2010 NRJ Musiqi Mükafatlarında "İlin Beynəlxalq Qadın Sənətçisi" seçildi.

• Loud[6] (2010)

Bu albom üçün Rihanna saçlarını qırmızı rəngə boyatdı. Albom ilk həftəsində 207.000 kopya sataraq Billboard 200 listinə 3 nömrədən giriş etdi. Albomun 2-ci single'ı "What's My Name" Billboard Hot 100-də 1 nömrə olduqdan sonra albomun ilk single'ı "Only Girl" də Billboard Hot 100-də 1 nömrə oldu və bu Billboard Hot 100 tarixində bir ilk idi. 2011-in aprel ayında "S&M" mahnısının remix versiyasında Britney Spears ilə duet oxudu və bu mahnıda Billboard Hot 100-də 1 nömrə oldu. Albomu tanıtmaq məqsədilə "Loud" adlı 4-cü dünya turuna çıxmış və 98 konsert verərək 90 milyon dollar qazanc əldə etmişdir.

• Talk That Talk[7] (2011)

Rihanna sürətini kəsmədən 2011 noyabrında yeni albomu Talk That Talk'ı çıxartdı. Albom ilk həftəsində 198.000 kopya satdı və Billboard 200 listinə 3 nömrədən giriş etdi. Albomun ilk single'ı "We Found Love" Billboard Hot 100-də 10 həftə 1 nömrədə qaldı və həmin ilin ən uzun müddət 1 nömrədə qalan mahnısı oldu.Bu mahnı sayəsində Rihanna 6-cı Grammy mükafatını da qazandı.

• Unapologetic[8] (2012)

Albom ilk həftəsində 238.000 kopya sataraq Billboard 200 listinə 1 nömrədən giriş etdi və Rihannanın ilk həftəsində ən çox satan albomu oldu. Albomun ilk single'ı "Diamonds" Billboard Hot 100-də 1 nömrəyə qədər çıxmış və böyük bir hit olmuşdur. Albom çıxmazdan 1 ay əvvəl Azərbaycanda də 20.000 nəfər insan qarşısında konsert proqramı ilə çıxış etmişdir. 2013-ün mart ayında albomu tanıtmaq məqsədilə "Diamonds World Tour" adlı 5-ci dünya turuna çıxmış və 96 konsert verərək 141 milyon dollar qazanc əldə etmişdir. Unapologetic albomu sayəsində Rihanna, "Ən Yaxşı Müasir Albom" kateqoriyasında 7-ci Grammy Mükafatını qazanmışdır.

• Anti[9] (2016)

Səkkizinci albomu olan "Anti" 28 Yanvar 2016-cı ildə yayımlanmışdır. Anti ilk həftəsində 166 min kopya sataraq Rihannanın Billboard 200 albom listində birinci nömrəyə çıxmış ikinci albomudur. Albomun ilk single'ı "Work" Billboard Hot 100-də 9 həftə 1 nömrədə qalaraq Rihannanın 14-cü dəfə bu pilləyə yüksəlmiş single'ı oldu. Növbəti single-lar olmaq üzərə isə "Kiss It Better" "Needed Me" və "Love on the Brain" mahniları seçilmişdir. Həmçinin "Anti" musiqi tarixində ən qısa zamanda RIAA-dan Sertifikatlı "Platin Mükafatı" qazanmış ilk albomdur. Albomu dəstəkləmək məqsədi ilə Rihanna 12 Mart tarixində ABŞ-ın Jacksonville şəhərində "Anti World Tour" adlı dünya turuna başlamış və 27 Noyabr tarixində Abu Dhabi şəhərində başa çatmışdır.

Son olaraq Rihanna 29 Aprel 2016'da Calvin Harrisin yeni mahnısı olan "This is What You Came For"-u səsləndirdi.

Klipləri

• Pon de Replay
• If It's Lovin' That You Want
• SOS
• Unfaithful
• We Ride
• Umbrella
• Shut Up and Drive
• Don't Stop The Music
• Hate That I Love You
• Rehab
• Take a Bow
• Disturbia
• Wait Your Turn
• Russian Roulette
• Hard
• Rude Boy
• Rockstar 101
• Te Amo
• Only Girl (In The World)
• What's My Name
• S&M
• California King Bed
• Man Down
• Cheers (Drink To That)
• We Found Love
• You Da One
• Where Have You Been
• Diamonds
• Stay
• Pour It Up
• What Now
• FourFiveSeconds
• American Oxygen
• B**** Better Have My Money
• Work
• Kiss It Better
• Needed Me
• Sledgehammer
• This Is What You Came For

Rihanna Günü

Vətəni Barbadosda ad günündən bir gün sonra, yəni 21 fevral hər il "Rihanna Günü" kimi qeyd olunur və bu gün Barbadosda hər yerdə tətil olur.

Rihanna və sosial media

Rihanna'nın Twitter səhifəsini 70 milyon, Instagram səhifəsini 48 milyon, rəsmi Facebook səhifəsini isə 81 milyondan çox insan izləyir. 23 milyon abunə və 25 ədəd VEVO sertifikatı ilə də, Youtube'un lideridir.

Turlar

• Rihanna: Live in Concert Tour[10] (2006)
• Good Girl Gone Bad Tour[11] (2007–2009)
• Last Girl on Earth Tour[12] (2010–2011)
• Loud Tour[13] (2011)
• 777 Tour[14] (2012)
• Diamonds World Tour[15] (2013)
• The Monster Tour[16] (2014)
• Anti World Tour[17] (2016)

Filmlər

• Bring It On: All or Nothing[18] (2006)
• Battleship[19] (2012)
• Katy Perry: Part of Me[20] (2012)
• This Is the End[21] (2013)
• Annie[22] (2014)
• Home[23] (2015)
• Valerian and the City of a Thousand Planets[24] (2017)
• Bates Motel[25] (2017)

Xarici keçidlər

• http://www.facebook.com/Rihanna
• http://www.twitter.com/rihanna
• http://www.youtube.com/user/RihannaVEVO
• http://www.youtube.com/user/rihanna
• http://www.instagram.com/badgalriri
• http://rihanna.tidal.com
• https://lyrics.az/rihanna/