Mahmood

Vikipediya, açıq ensiklopediya
(Alessandro Mahmud səhifəsindən istiqamətləndirilmişdir)
Jump to navigation Jump to search
Alessandro Mahmud
it. Mahmoud
Mahmood 2.jpg
Mahmud 2019-cu ilin fevralında
Sənətçi məlumatları
Doğum adı Alessandro Mahmud
Doğum tarixi 12 sentyabr 1992 (1992-09-12) (26 yaş)
Doğum yeri Milan, İtaliya
Vətəndaşlığı Flag of Italy.svg İtaliya
Mənşə Flag of Egypt.svg Misir
Peşələri müğənni, bəstəkar

Üslub
Ləqəbi Mahmud
Musiqi aləti vokal
Fəaliyyət illəri 2012–h.h.
Albom şirkəti Universal Music
mahmood.it
Commons-logo.svg Vikianbarda əlaqəli mediafayllar

Alessandro Mahmud (d. 12 sentyabr 1992, Milan, İtaliya) və ya sadəcə MahmudƏrəb əsilli İtaliya müğənnisi və bəstəkarı.[1] O, ifa etdiyi "Soldi" mahnısı ilə 2019 Sanremo musiqi festivalında qələbə qazanaraq, İtaliyanı İsraildə keçirilən 2019 Avroviziya Mahnı Müsabiqəsində təmsil etmək hüququ əldə etmişdir.[2] Mahmud Sanremoda iştirak haqqını festivaldan öncə gənc ifaçılar üçün keçirilən şouda "Gioventù bruciata" mahnısı ilə qələbə qazanaraq, əldə etmişdir.[3] O, daha öncə İtaliyanın X Factor musiqi yarışmasının altıncı mövsümündə iştirak etmişdir.

Bioqrafiya[redaktə | əsas redaktə]

Alessandro Mahmud 12 sentyabr 1992-ci ildə İtaliyanın Milan şəhərində anadan olmuşdur. Onun anası italyan, atası isə misirlidir. O, hələ kiçik yaşlarından musiqi ilə maraqlanmağa başlamışdır.

2012-ci ildə Mahmud İtaliyanın X Factor musiqi yarışmasının altıncı mövsümünə qatılmış və Simona Venturanın komandasında yer almışdır. Mahmudun yarışmadakı iştirakı yarışmanın üçüncü mərhələsində sona çatmışdır. Bu təcrübənin ardınca o, özü üçün mahnılar bəstələyib, ifa etməyə başlamışdır.

2015-ci ildə gənc ifaçı İtaliyanın nüfuzlu Sanremo musiqi festivalında iştirak edə bilmək üçün yeni ifaçılar üçün təşkil edilmiş müsabiqədə iştirak edərək, qələbə qazanmış və bununla da, 2016 Sanremo musiqi festivalında iştirak hüququ əldə etmişdir. Festivalda "Miss" mahnısı ilə çıxış edən Mahmud nəticədə 4-cü yerdə qərarlaşmışdır.

Mahmud Avroviziya səhnəsində

2017-ci ildə o, "Pesos" mahnısı ilə İtaliyanın Yay festivalında iştirak etmiş və gənc ifaçılar kateqoriyasında qələbə qazanmışdır. Mahmud eyni zamanda Elodi, Mikele Bravi və Qe Pekenonun ifa etdiyi "Nero Bali" və Marko Menqoni və Tom Uolkerin səsləndirdiyi "Hola (I Say)" mahnılarını bəstələmişdir. O, Fabri Fibra ilə "Luna" mahnısını birlikdə bəstələmiş və duet şəklində ifa etmişdir.

2018-ci ilin sentyabr ayında Mahmudun Gioventù bruciata adlı ilk mini-albomu təqdim olunmuşdur. O, albomun əsas mahnısı ilə Sanremo musiqi festivalının gənclər kateqoriyasında mübarizə aparmış və nəticədə qalib gəlmişdir. Bu qalibiyyət sayəsində Mahmud 2019 Sanremo musiqi festivalında iştirak hüququ əldə etmişdir. "Soldi" mahnısı ilə festivalda çıxış edən ifaçı İtaliya səhnəsinin bir çox tanınmış ulduzlarını geridə qoyaraq festivalın qalibi seçilmişdir. Bunun ardınca Mahmud İtaliyanı İsrailin Tel-Əviv şəhərində keçirilən 2019 Avroviziya Mahnı Müsabiqəsində təmsil etmək hüququ əldə etmişdir. O, müsabiqə üçün aparılan uzun məşqlərdən sonra müsabiqənin finalında "Soldi" mahnısını ifa edərək 26 ölkə təmsilçisinin mübarizə apardığı şouda 472 xal toplayaraq, 2-ci yerdə qazanmışdır.

Diskoqrafiya[redaktə | əsas redaktə]

Studio-albomlar[redaktə | əsas redaktə]

Albom adı İl
Gioventù bruciata 2019

Mini-albomlar[redaktə | əsas redaktə]

Albom adı İl
Gioventù bruciata 2018

Sinqllar[redaktə | əsas redaktə]

Mahnı adı İl Albom
"Fallin' Rain" 2013
"Dimentica" 2016
"Pesos" 2017
"Uramaki" 2018 Gioventù bruciata
"Milano Good Vibes"
"Asia Occidentale"
"Gioventù bruciata"
"Soldi" 2019

İstinadlar[redaktə | əsas redaktə]

Əvvəlki:
Ermal MetaFabritsio Moro
"Non mi avete fatto niente"
İtaliya Avroviziya Mahnı Müsabiqəsində
EuroItalia.svg

2019
Sonrakı:

Xarici keçidlər[redaktə | əsas redaktə]