Manvel Qriqoryan

Vikipediya, azad ensiklopediya
Jump to navigation Jump to search
Manvel Qriqoryan
erm. Մանվել Գրիգորյան
Şəxsi məlumatlar
Ləqəbi Tuşonka Manvel
Doğum tarixi
Doğum yeri Körpəli, Armavir mərzi, Ermənistan SSR, SSRİ
Vəfat tarixi (64 yaşında)
Vətəndaşlığı SSRİ SSRİ→Ermənistan Ermənistan
Həyat yoldaşı Nazik Amiryan
Uşağı 8
Atası Sektor Qriqoryan
Təhsili
Hərbi fəaliyyəti
Xidmət illəri 1975–2018
Rütbə General-mayor
Vəzifəsi Ermənistan Milli Məclisinin deputatı
Ermənistan Müdafiə Nazirinin müavini
Döyüşlər Qarabağ müharibəsi
Təltifləri Ոսկե արծիվ - Gold eagle order (NKR).jpg Artsax Qəhrəmanı

Manvel Sektori Qriqoryan (erm. Մանվել Սեկտորի Գրիգորյան; ləqəbi: Tuşonka Manvel, erm. Տուշոնկա Մանվել[1]; 14 iyul 1956(1956-07-14), Körpəli, Üçkilsə rayonu – 19 noyabr 2020(2020-11-19)) — Ermənistan hərbçisi, siyasətçisi, general-leytenantı (2000), YKİ-nin sədri (1999–2018), Qondarma Dağlıq Qarabağ Respublikası Ali Sovetinin deputatı (1992–1996), Ermənistan Milli Məclisinin deputatı (2012–2018), Qarabağ müharibəsi iştirakçısı, müharibə cinayətkarı. O, 2018-ci ildə qeyri-qanuni yolla silah-sursata sahib olmaqla təqsirlənərək həbs edilmişdir.

Bioqrafiya[redaktə | əsas redaktə]

Manvel Qriqoryan 14 iyul 1956-cı ildə Ermənistan SSR-nin Armavir mərzində yerləşən Körpəli kəndində anadan olmuşdur. O, 1975–1977-ci illərdə Qızıl Orduda xidmət göstərmişdir. O, 1993-cü ildə Xankəndi Pedaqoji İnstitutundan, 1998-ci ildə isə İrəvan Dövlət Universitetindən məzun olmuşdur. Manvel Xocalı soyqırımında iştirak etmişdir. 1993-cü ildə Manvel Ermənistan Respublikası Silahlı Qüvvələrinin 83-cü briqadasının komandiri təyin edilmişdir. O, komandirlik dövründə Cəbrayılın və Füzulinin işğalı zamanı azərbaycanlı vətəndaşların mülklərini yağmalamış, dinc sakinlərə işgəncə vermişdir.[2] 1996–2000-ci illərdə Manvel Ermənistan Respublikası Müdafiə Nazirliyinin birinci korpusunun komandiri təyin edilmiş və general-mayor adına layiq görülmüşdür. 2000-ci ildə Manvel Ermənistan Respublikası Müdafiə Nazirinin müavini təyin edilmişdir.

Manvel Qriqoryan 6 may 2012-ci ildə Ermənistan Respublikasının Milli Məclisinin deputatı seçilmişdir.[3][4] 2014-cü ilin noyabrında Azadlıq Radiosunun ermənidilli bürosuna verdiyi müsahibəsində Manvel Qriqoryan Qarabağ müharibəsindən yüzlərlə azərbaycanlı girovla geri qayıtdığını və hətta onları şəxsi evində işlətdiyini açıq şəkildə bəyan etmişdir. Bu etirafına görə Manvel azərbaycanlı və erməni hüquq müdafiəçiləri tərəfindən tənqid olunmuşdur.[5]

Qriqoryan 16 iyun 2018-ci ildə, Üçkilsədəki evində Milli Təhlükəsizlik Xidməti tərəfindən həbs edilmişdir. O, qeyri-qanuni şəkildə silah-sursata sahiblənmək və korrupsiya iddiaları ilə ittiham olunmuşdur.[6] Baş Nazir Nikol Paşinyan Manvelin Aprel döyüşləri zamanı məktəbli uşaqlar üçün nəzərdə tutulan ərzağı oğurladığını iddia etmişdir. Ermənistan Milli Təhlükəsizlik Xidməti Manvelin evindən RPG-7 kimi çoxlu silah-sursat və kiçik bir zoopark tapmışdır.[7]

18 iyun 2018-ci ildə Azərbaycan Respublikasının Xarici İşlər Nazirliyinin mətbuat ‎xidmətinin rəhbəri Hikmət Hacıyev Manvel Qriqoryanın Qarabağ müharibəsində etdiyi cinayətləri işıq üzünə çıxarmışdır.[8]

Şəxsi həyatı[redaktə | əsas redaktə]

Evlidir, 8 uşağı var. Həyat yoldaşı Qarabağ müharibəsi iştirakçısı Nazik Amiryandır. Oğlu Karen Qriqoryan Üçkilsə şəhərinin keçmiş meri olmuşdur.

Mükafatlar[redaktə | əsas redaktə]

  • "Hərbi Xaç" medalı (1994)
  • "Qızıl Qartal" medalı (2000)
  • "Vazgen Sarkisyan" medalı (2002)
  • "Artsax Qəhrəmanı" (2000)

İstinadlar[redaktə | əsas redaktə]

  1. ↑ "«Տուշոնկա մանվել». էջմիածինցիները ծաղրում են գեներալին (ֆոտո, վիդեո)". newspress.am. NewsPress.am. 17 iyun 2018. 2018-06-20 tarixində arxivləşdirilib. İstifadə tarixi: 22 yanvar 2018.
  2. ↑ "Manvel Qriqoryan Xocalı soyqırımında iştirak edib". lent.az. 18 iyun 2018. 2019-08-31 tarixində orijinalından arxivləşdirilib. İstifadə tarixi: 18 iyun 2018.
  3. ↑ "National Assembly of the Republic of Armenia | Official Web Site | parliament.am". www.parliament.am. İstifadə tarixi: 18 iyun 2018.
  4. ↑ "From Army General to Affluent MP: Manvel Grigoryan Hides Income, Doesn't Pay Taxes - Hetq - News, Articles, Investigations" (ingilis). 14 sentyabr 2014. İstifadə tarixi: 18 iyun 2018.
  5. ↑ "Qriqoryan Xocalı soyqırımının törədilməsində iştirak edib". ordu.az. 18 iyun 2018. 2019-08-31 tarixində orijinalından arxivləşdirilib. İstifadə tarixi: 18 iyun 2018.
  6. ↑ "Etchmiadzin: Manvel Grigoryan and Artur Asatryan Arrested on Illegal Arms Charges". hetq.am. 16 iyun 2018. İstifadə tarixi: 18 iyun 2018.
  7. ↑ "Erməni generalın evindən çıxanlar hamını şoka saldı". sputnik.az. 16 iyun 2018. İstifadə tarixi: 18 iyun 2018.
  8. ↑ "Manvel Grigoryan participated in Khojaly genocide and other war crimes - Azerbaijani MFA". azvision.az. 18 iyun 2018. 2018-06-18 tarixində orijinalından arxivləşdirilib. İstifadə tarixi: 18 iyun 2018.
Mənbə — "https://az.wikipedia.org/w/index.php?title=Manvel_Qriqoryan&oldid=5767346"