Nikol Paşinyan

Vikipediya, açıq ensiklopediya
Jump to navigation Jump to search
Infobox-realisateur.png
Nikol Paşinyan
Fotoqrafiya
bayraqErmənistan Respublikasının 16-cı Baş naziribayraq
8 may 2018 - indi
Prezident Armen Sarkisyan
Sələfi Serj Sarkisyan
Ermənistan Milli Məclisinin üzvübayraq
6 may 2012 - indi
bayraqVətəndaş Müqaviləsi
partiyasının sədri
18 may 2017 - indi

Doğum tarixi 1 iyun 1975 (1975-06-01) (43 yaş)
Doğum yeri İcevan, Ermənistan SSR, SSRİ
Həyat yoldaşıAnna Hakobyan
UşaqlarıDörd övladı var
VikiAnbarda Commons-logo.svg əlaqəli mediafayllar

Nikol Paşinyan (erm. Նիկոլ Վովայի Փաշինյան; d. 1 iyun 1975, İcevan, Ermənistan SSR, SSRİ) — Ermənistanın baş naziri

Bioqrafiya[redaktə | əsas redaktə]

Paşinyan parlamentdəki Yelk fraksiyasının tərkibində olan kiçik müxalif Vətəndaş Müqaviləsi partiyasının lideridir. O, 1990-c illərin sonu və 2000-ci illərin əvvəllərində Oragir və Haykakan Zhamanak qəzetlərinin müxbiri və redaktoru olub. O, keçmiş prezident və Serj Sarkisyanın yaxın müttəfiqi olan Robert Koçaryanın tənqidçilərindən biri olub. Paşinyan Oragir qəzetindəki bəzi məqalələrinə görə böhtan yazmaqda ittiham edilib və 1999-cu ildə "cinayət və hərbi" istintaqa cəlb edilib. O, 2006-cı ildə siyasətə daxil olub və növbəti il keçirilmiş parlament seçkilərində uğursuzluğa məruz qalıb. O, Sarkisyanın 2008-ci ildə ilk dəfə prezident seçilməsindən sonra ona qarşı keçirilən etirazlarda iştirak edib. Həmin etirazlar xüsusi təyinatlılar tərəfindən yatırılıb, Paşinyan isə etirazlarda iştirakına görə yeddi il həbs cəzası alıb. Lakin erkən azadlığa çıxan Paşinyan 2012-ci və 2017-ci illərdə keçirilımiş parlament seçkilərində millət vəkili seçilib.[1] O, milət vəkili kimi Ermənistanın Rusiya ilə artan yaxınlığını tənqid edib və Avrasiya İqtisadi İttifaqından çıxmağı təklif edib. 12 aprel 2018-ci il Ermənistan etirazlarının başlanmasının səbəbkarıdır. 23 aprel 2018-ci il tarixində Serj Sarkisyan "Nikol Paşinyan haqlı idi. Mən səhv etdim. Yaranmış vəziyyətdə bir neçə həll yolu var idi, lakin mən heç birinə getməyəcəyəm. Küçə hərəkatı mənim baş nazir vəzifəsində çalışmağıma qarşı idi. Mən sizin tələblərinizi yerinə yetirirəm" deyərək istefa verdi.[2]

Erkən həyatı[redaktə | əsas redaktə]

Nikol Paşinyan 1 iyun 1975-ci ildə Ermənistan SSR-in Tavuş regionunun İcevan (tarixi Karvansaray) şəhərində anadan olub. Onun nənə və babalarının ən azı biri İcevandan təxminən 10 km məsafədə yerləşən Yenokavand kəndindəndir.[3] Ona İkinci Dünya müharibəsində həlak olmuş ata babasının adı verilib.[4] Onun atası Vladimir Paşinyan futbol və voleybol məşqçisi, həmçinin idman müəllimi kimi işləyib. Nikol 12 yaşında olarkən onun anası dünyasını dəyişib və onu atasının ikinci arvadı olan ögey anası Yerjanik böyüdüb.[5] O, 1 nömrəli İcevan orta məktəbini 1991-ci ildə bitirib.[6] Ermənistanda Qarabağ hərəkatı zamanı 1988-ci ildə Paşinyan tələbə etirazları, yürüşləri və nümayişlərini təşkil edirdi.[7] Onun özü Qarabağ müharibəsi zamanı orduda xidmət etməyib, çünki onun özündə böyük iki qardaşı müharibəyə yollanmışdılar və qanuna görə onun orduda xidmət etməsi məcburi deyildi.[8] Paşinyan 1991-ci ildən 1995-i ilə qədər İrəvan Dövlət Universitetində jurnalizm üzrə təhsil alıb. Əlaçı tələbə olmasına baxmayaraq, Universitet rəhbərliyini açıq şəkildə tənqid etməsinə görə onu məzun olmasından bir az qabaq universitetdən qovublar.[9] 2015-ci ildə verdiyi müsahibədə Paşinyan özünü daha çox jurnalist kimi hiss etdiyini bildirib, çünki siyasətə də jurnalizmdən gəlib.

Paşinyan evlidir, həyat yoldaşı jurnalist Anna Akopyan ilə universitetdə təhsil alarkən tanış olub. Onların dörd övladı var, bunlardan üçü qız (Məryəm, Şuşanna, Arpine) və biri oğlandır (Aşot). Onun oğlu 2018-ci ilin iyun ayında Dağlıq Qarabağdakı Ermənistan qoşunlarının tərkibində xidmət keçmək üçün hərbi xidmətə yollanıb.[10] Paşinyan yoldaşı ilə rəsmi nikah bağlamayıblar, onların kilsə nikahları da yoxdur. Anna Akopyan 2012-ci ildən bəri Aykakan Jamanak qəzetinin baş redaktorudur. Paşinyan bildirib ki, bir gün Anna Akopyan ilə Erməni Apostol Kilsəsində nikah bağlayacağına ümid edir. Paşinyan doğma erməni dilindən başqa, rus[11] və ingilis dillərini də bilir.[12][13]

Jurnalist karyerası[redaktə | əsas redaktə]

Paşinyan İrəvan Dövlət Universitetində 1992-ci ildə təhsilinə başlayarkən jurnalist fəaliyyətində də ilkin addımlarını atmağa başlayıb. O, Dprutyun, Hayastan, LragirMolorak qəzetlərində işləyib. Artıq 1995-ci ildə o jurnalist həmkarları arasında bacarıqlı və istedadlı biri kimi tanınmağa başlamışdı.[14] 1998-ci ildə o gündəlik nəşr olunan Oragir qəzetinin əsasını qoydu. Bu qəzet müxalifətçi olan keçmiş Təhsil naziri Aşot Bleyanın başçısı olduğu Nor Ughi (Yeni Yol) partiyası ilə əlaqəli idi. 1999-cu il Ermənistan Parlament seçkiləri zamanı Oragir qəzeti o vaxtki Daxili İşlər və Milli Təhlükəsizlik naziri Serj Sarkisyanın rəhbəri olduğu Erməni İntibahı partiyasına qarşı tənqidi mövqe tutmuşdu. Ümumiyyətlə, seçkilər zamanı Oragir qəzeti seçki iştirakçıları barədə 281 məqalə dərc etmişdi ki, bunların da ancaq 11-i pozitiv mövqe idi. Bütün pozitiv məqalələr qəzetin simpatiya bəslədiyi Panerməni Milli Hərəkatı barəsində idi.

1999-cu ilin avqust ayında Paşinyan ona kəsilmiş 25.000 ABŞ dolları həcmində cəriməni ödəməkdən imtina etdiyi üçün 1 illik həbs cəzasına məhkum edildi.[15] Həmçinin ondan Serj Sarkisyan və Mika-Armeniya şirkətinə qarşı irəli sürdüyü ittihamları geri çəkməsi tələb olunurdu, məhkəmə bu ittihamları böhtan kimi səciyyələndirmişdi. Oragirin əmlakı müsadirə olundu və onun bank hesabları donduruldu.

İstinadlar[redaktə | əsas redaktə]

  1. http://www.bbc.com/azeri/region-43863290
  2. https://az.trend.az/other/world/2892067.html
  3. "Ուրախ եմ, որ պապական մեր գյուղը դառնում է էկոտուրիզմի խոշոր կենտրոն. Տավուշի մարզ, Ենոքավան" (hy). Nikol Pashinyan on Facebook. 26 July 2017. https://web.facebook.com/nikol.pashinyan/photos/a.1475816699405387.1073741828.1378368079150250/1880523918934661/.
  4. Ghukasyan, Seda; Aghbalyan, Gagik; Baghdasaryan, Saro (9 May 2018). "Prime Minister’s Father Vova Pashinyan: “There are many Nikols in Armenia”". Hetq. https://hetq.am/eng/news/88647/prime-ministers-father-vova-pashinyan-there-are-many-nikols-in-armenia.html/.
  5. Poghosyan, Zhanna (23 May 2018). "«Փաշինյան, հյուր ունենք», կամ այց վարչապետի ծնողներին" (hy). Sputnik Armenia. https://armeniasputnik.am/exclusive/20180523/12196370/armenia-ijevan-pashinyani-cnoxner.html.
  6. "Biography". Office to the Prime Minister of the Republic of Armenia. Arxivləşdirilib: [1] saytından 13 May 2018 tarixində. https://web.archive.org/web/20180513205909/http://www.primeminister.am/en/pm-pashinyan.
  7. "Արա Բաբլոյանը 10 րոպեով բոյկոտեց նիստը" (hy). lragir.am. 1 May 2018. http://www.lragir.am/index/arm/0/country/rss/175439. "Փաշինյանն ասել էր, որ Ղարաբաղյան շաժման օրերին ինքը դպրոցական էր, կազմակերպում էր երթեր, բողոքի ակցիաներ ու դասադուլներ:"
  8. "Նիկոլ Փաշինյանը բանակում իր չծառայելու մասին" (hy). news.am. 28 January 2014. https://news.am/arm/news/191427.html.
  9. "Նիկոլ Փաշինյանի էջը թարմացվել է. ԱԺ–ն շտկումներ է արել պատգամավորի կենսագրությունում" (hy). armeniasputnik.am. Sputnik Armenia. 30 April 2018. https://armeniasputnik.am/armenia/20180430/11767223/nikol-pashinyan-kensagrutyun.html.
  10. Jardine, Bradley (29 May 2018). "Armenian leader Pashinyan’s son volunteers to serve in Karabakh". EurasiaNet. https://eurasianet.org/s/armenian-leader-pashinyans-son-volunteers-to-serve-in-karabakh.
  11. "Почему Путин не вмешался в бархатную революцию в Армении - Никол Пашинян в "Немцова.Интервью"" (ru). Deutsche Welle. 29 May 2018. https://www.youtube.com/watch?v=Jrmxsuj9Obw.
  12. "Armenia's man of the hour, Nikol Pashinyan". Euronews. 30 April 2018. https://www.youtube.com/watch?v=3wi_EnFQgYk.
  13. "Exclusive CGTN interview with Armenian opposition leader Pashinyan". CGTN. 8 May 2018. https://www.youtube.com/watch?v=ND6NHY-qURY.
  14. Tchagharyan, Liza (9 December 1995). "Շատ պարզ պատճառով" (hy). Aravot. http://www.aravot.am/1995/12/09/639742/.
  15. "Oragir Editor Sentenced for ‘Defamation’". Asbarez via RFE/RL. 31 August 1999. http://asbarez.com/41033/oragir-editor-sentenced-for-defamation/.

Xarici keçidlər[redaktə | əsas redaktə]