Praqa prosesi

Vikipediya, açıq ensiklopediya
Keçid et: naviqasiya, axtar

Praqa prosesi (ing. Prague Process) — 2004-cü ildən etibarən AzərbaycanErmənistan Xarici işlər nazirləri arasında Dağlıq Qarabağ münaqişəsi üzrə birbaşa danışıqlar.

Tarixi[redaktə | əsas redaktə]

ATƏT-in Minsk qrupunun həmsədrləri 2002-ci ilin mart ayında bölgəyə səfərləri zamanı danışıqlar prosesinin AzərbaycanErmənistan prezidentlərinin xüsusi nümayəndələri səviyyəsində davam etdirilməsi təklifini irəli sürdülər.[1] Bu təklif hər iki dövlət başçısı tərəfindən qəbul olundu.[1] 13-15 mart və 29-30 iyul 2002-ci il tarixlərində Praqa yaxınlığında hər iki dövlət başçısının xüsusi nümayəndələrinin iki görüşü keçirildi.

2004-cü il aprelində Azərbaycan və Ermənistan xarici işlər nazirlərinin Praqada keçirilən görüşü sonradan çoxraundlu danışıqlar sürəcinə çevrilməklə «Praqa prosesi» adlanmağa başladı.[1][2] Sonra bu prosesə digər elementlər əlavə olundu. Praqa prosesinin ilk mərhələsi 2006-cı ilin fevralında Paris yaxınlığındakı Rambuye qəsrində keçirilən və geniş beynəlxalq ajiotaja rəğmən nəticəsiz qalan danışıqlarla yekunlaşdı.[2] 2007-ci ilin noyabrında, həmsədrlər Praqa prosesinin ilkin nəticəsi kimi Madriddə Azərbaycan və Ermənistan XİN başçıları ilə görüşdə tərəflərə nizamlamanın baza prinsiplərinə dair layihə təqdim etdilər.[2] O vaxtdan danışıqlar prosesi Madrid prinsipləri ətrafında gedir.[2] Bu layihəni Qarabağ sülh prosesinin ilkin "yol xəritəsi" də hesab etmək olar.[2]

İstinadlar[redaktə | əsas redaktə]

  1. 1,0 1,1 1,2 de Vaal, Tomas. "Remaking the Nagorno-Karabakh Peace Process". carnegieendowment.org. Arxivləşdirilib: [1] saytından 2 sentyabr 2016 tarixində. http://carnegieendowment.org/2010/08/01/remaking-nagorno-karabakh-peace-process-pub-41367. İstifadə tarixi: 2 sentyabr 2016.
  2. 2,0 2,1 2,2 2,3 2,4 "Azərbaycan və Ermənistan prezidentləri bu gün Praqada görüşürlər". azerbaycanli.org. Arxivləşdirilib: [2] saytından 2 sentyabr 2016 tarixində. http://azerbaycanli.org/az/page187.html. İstifadə tarixi: 2 sentyabr 2016.