İsgəndər Həmidov

Vikipediya, azad ensiklopediya
Jump to navigation Jump to search
İsgəndər Həmidov
İsgəndər Məcid oğlu Həmidov
İsgəndər Həmidov mitinqdə.jpg
bayraqAzərbaycan Respublikasının Daxili İşlər naziribayraq
16 may 1992 — 16 aprel 1993
Sələfi Tahir Əliyev
Xələfi Abdulla Allahverdiyev
Şəxsi məlumatlar
Partiya
Doğum tarixi 10 aprel 1948(1948-04-10)
Doğum yeri
Vəfat tarixi 26 fevral 2020(2020-02-26)[1] (71 yaşında)
Vəfat yeri
Atası Məcid Həmidov
Həyat yoldaşı Rəna Həmidova
Uşaqları Məcid Həmidov
Nofəl Həmidov
Commons-logo.svg Vikianbarda əlaqəli mediafayllar

İsgəndər Məcid oğlu Həmidov (10 aprel 1948(1948-04-10), Bağlıpəyə – 26 fevral 2020(2020-02-26)[1], Bakı) — Azərbaycan Respublikasının keçmiş Daxili İşlər naziri, general-leytenant.[2] 1988-ci ildə başlanan Azərbaycan Milli Azadlıq Hərəkatının liderlərindən olub.[3]

Həyatı[redaktə | əsas redaktə]

Erkən illəri[redaktə | əsas redaktə]

İsgəndər Həmidov 1948-ci ildə oktyabrın 4-də Kəlbəcər rayonunda anadan olub.[4] Zərdüşt Əlizadə və Araz Əlizadə Həmidovun milliyətcə kürd olduğunu iddia etmişdir, amma Həmidov bunu təkzib etmiş və türk əsilli Kolanı tayfasından olduğunu bildirmişdir.[5][6] 1965-ci ildə Tərtərdə orta məktəbi bitirmişdir.[4] 1988-ci ildə başlanan Azərbaycan Milli Azadlıq Hərəkatının liderlərindən olub.[3] 1990-cı ildən 1995-ci ilə qədər parlamentin üzvü olmuşdur. 1991-ci ildə Azərbaycan Xalq Cəbhəsinin üzvü olub.[7]

Qarabağ müharibəsi və döyüşlərdə iştirakı[redaktə | əsas redaktə]

1992-ci ildə Ağdərədə gedən döyüşlərdə, minanın partlaması nəticəsində, onun kürəyinə qəlpə girmişdi.[4] 1992-ci il mayın 16-dan 1993-cü il aprelin 16-a qədər Azərbaycan Respublikasının Daxili İşlər naziri vəzifəsində çalışıb.[3]

Həbs olunması[redaktə | əsas redaktə]

1995-ci ilin martında ölkədə XTPD döyüşçüləri ilə hökumət qoşunları arasında silahlı toqquşmalar baş verdi. 17 mart 1995-ci ildə İsgəndər Həmidov həbs olundu. Onun həbsi Bakıda omonçuların qiyamının yatırılması ilə üst-üstə düşdü. Martın 31-də isə İsgəndər Həmidovun rəhbəri olduğu "Boz Qurd" Partiyasının fəaliyyəti qadağan edilib. 1995-ci ilin sentyabrında keçirilən məhkəmədə Həmidov 1992-ci ilin avqust-oktyabr aylarında 701 nəfər məhbusun həbsdən azad etmək, "İstiqlal" qəzetinin redaktorunu və əməkdaşını döymək, 400 min ABŞ dollarını mənimsəmək və israf etmək ittihamları ilə 14 il müddətinə azadlıqdan məhrum edilib.[3] 2003-cü ilin dekabrında əfv fərmanı ilə azadlığa buraxılıb.[3]

Həbsdən sonrakı həyatı[redaktə | əsas redaktə]

2019-cu ilin əvvəlində yaradılan Azərbaycan Xalq Hərəkatının (AXH) qurucularındandır.[8]

2019-cu ilin mayın 20-də o səhhəti ilə bağlı Türkiyəyə aparılmışdı. Türkiyədə bir müddət müalicə alan keçmiş nazir sonra Azərbaycana qayıtmışdı.[8]

2020-ci il yanvarın 24-də İ.Həmidovun halı qəfil pisləşib, huşunu itirərək yıxılıb. Həmin gün axşamüstü Bakıda "City Hospital"a gətirilib, huşsuz durumda olub. Özünə gəlib, yenə huşunu itirib. Daxil olmazdan 5 gün öncə ciddi soyuqdəymə (kəskin respirator xəstəlik) diaqnozu ilə "City Hospital"-da 3 gün intensiv müalicə almışdı, vəziyyəti nisbətən yaxşılaşmışdı.[8]

2020-ci ildə İsgəndər Həmidova ilkin olaraq "aorto-koronar şuntlama əməliyyatından sonrakı vəziyyət, beyin qan dövranının pozulması, ikitərəfli pnevmoniya ilə ağırlaşmış kəskin respirator, "septik şok" diaqnozu qoyulub. Sonrakı müayinə və müalicə tədbirləri üçün xəstənin Mərkəzi Klinik Xəstəxanaya (MKX) köçürülməsi qərara alınıb.[8] 2020-ci il fevralın 4-də komaya düşərək, süni ventilyasiya aparatına qoşulub.[8] 2020-ci il 26 fevral tarixində uzun sürən xəstəlikdən sonra vəfat etmişdir.[9]

Şəxsi həyatı[redaktə | əsas redaktə]

Ailəlidir, Məcid və Nofəl adlı oğulları var.[4] Qardaşı Sərdar Həmidov Tərtər rayonunun keçmiş icra başçısı olub. Şəhriyar Məcidzadənin əmisidir.

İstinadlar[redaktə | əsas redaktə]

  1. ↑ 1 2 3 İsgəndər Həmidov vəfat etdi
  2. ↑ "İsgəndər Həmidov həyatının ən ağır günündən danışdı" (azərb.). Etaist.com. 2018-12-23 tarixində orijinalından arxivləşdirilib. İstifadə tarixi: 2018-12-23.
  3. ↑ 1 2 3 4 5 "Güc strukturlarının həbs olunmuş rəhbərləri". www.azadliq.org. www.azadliq.org. 21 fevral 2017 tarixində arxivləşdirilib. İstifadə tarixi: 21 fevral 2017.
  4. ↑ 1 2 3 4 "İsgəndər Həmidov: "Biz düz eləmədik, gərək hakimiyyətə gəlməyəydik"". modern.az. modern.az. 21 fevral 2017 tarixində arxivləşdirilib. İstifadə tarixi: 21 fevral 2017.
  5. ↑ Seyidağa, Etibar (15 fevral 2017). "Siyasət meydanında böyük qalmaqal". Müsavat (azərb.). 11 yanvar 2021 tarixində arxivləşdirilib. İstifadə tarixi: 11 yanvar 2021.
  6. ↑ "İsgəndər Həmidov Araz Əlizadənin cavabını verdi". Ədalət (azərb.). 16 fevral 2018. 11 yanvar 2021 tarixində arxivləşdirilib. İstifadə tarixi: 11 yanvar 2021.
  7. ↑ HUMAN RIGHTS CENTER OF AZERBAIJAN (December 28, 1996). "The Case of Iskander Hamidov" (ingilis). eurasianet.org. 2006-09-02 tarixində arxivləşdirilib.
  8. ↑ 1 2 3 4 5 "İsgəndər Həmidov reanimasiyadadır". www.azadliq.org. www.azadliq.org. İstifadə tarixi: 4 fevral 2020.
  9. ↑ İsgəndər Həmidov vəfat etdi

Xarici keçidlər[redaktə | əsas redaktə]

Mənbə — "https://az.wikipedia.org/w/index.php?title=İsgəndər_Həmidov&oldid=5929175"