Tahir Əliyev (general)

Tahir Yunus oğlu Əliyev
Azərbaycan Respublikasının Müdafiə Naziri 24 fevral 1992 — 17 mart 1992
Sələfi	Şahin Musayev
Xələfi	Rəhim Qazıyev
Azərbaycan Respublikasının Daxili İşlər Naziri 17 mart 1992 — 25 aprel 1992
Sələfi	Tofiq Kərimov
Xələfi	İsgəndər Həmidov
Azərbaycan Respublikası Dövlət Gömrük Komitəsinin Sədri 30 iyul 1993 — 10 yanvar 1995
Sələfi	İbrahim Vəliyev
Xələfi	Kəmaləddin Heydərov
Şəxsi məlumatlar
Təhsili	SSRİ Daxili İşlər Nazirliyinin Milis Akademiyası
Doğum tarixi	1952
Doğum yeri	Cılfır, Qubadlı rayonu
Hərbi xidmət
Rütbəsi	polis general-mayoru

Əliyev Tahir Yunus oğlu (1952, Qubadlı rayonu) — polis generalı, Azərbaycan Respublikasının müdafiə naziri (24 fevral 1992 – 17 mart 1992), daxili işlər naziri (17 mart 1992 – 25 aprel 1992), Dövlət Gömrük Komitəsinin sədri (30 iyul 1993 – 10 yanvar 1995). Hazırda ehtiyatda olan generaldır.

Həyatı

Tahir Əliyev əslən Qubadlı rayonunun Cılfır kəndindəndir. Uşaqlığı Yevlax şəhərində keçib. Orta məktəbi Gorusun Şurnuxu kəndində bitirib. 1971–1972-ci illərdə Mingəçevir şəhərində politexnik texnikumda təhsil alıb. 1975-ci il Kemerova DİO-də işə düzəlib. Sonralar orta milis məktəbi, Omsk şəhər Ali Milis Məktəbi və SSRİ Daxili İşlər Nazirliyinin Milis Akademiyasında təhsil alıb. 1988-ci ildə DQMV Daxili İşlər İdarəsi rəisinin müavini, elə həmin ilin payızında isə Sumqayıt Şəhər Daxili İşlər İdarəsini rəis müavini təyin edilib. 1991-ci ildə Azərbaycan Ali Sovetinə xalq deputatı seçilib. 26 noyabr 1991-ci ildə təşkil edilən Azərbaycan Respublikası Ali Soveti Milli Şurasının tərkibinə daxil edilmişdir. 1992-ci il 24 fevralda Azərbaycanın müdafiə naziri, 21 gün sonra, yəni 1992-ci il martın 17-də isə daxili işlər naziri təyin olunub. İki aydan sonra 38 yaşlı general sərəncama göndərilib. 1993-cü ilin ikinci yarısından 1995-ci ilin yanvarına kimi Azərbaycan Respublikası Gömrük Komitəsinin sədri vəzifəsində işləyib. Hazırda ehtiyatda olan generaldır.

Xarici keçidlər

• YouTubeda barəsində videolar