Sübhan Bəkirov

Vikipediya, azad ensiklopediya
Jump to navigation Jump to search
Sübhan Bəkirov
Sübhan Bəkirov.jpg
bayraqAzərbaycan Hərbi Dəniz Qüvvələrinin Komandanıbayraq
12 mart 2020 — hal-hazırda
Sələfi Zaur Hümbətov
Şəxsi məlumatlar
Doğum tarixi (57 yaş)
Doğum yeri Qazax rayonu, Azərbaycan SSR
Vətəndaşlığı Azərbaycan Azərbaycan
Hərbi xidmət
Xidmət illəri 1993—hal-hazırda
Mənsubiyyəti Azərbaycan Azərbaycan Ordusu
Qoşun növü Azərbaycan Hərbi Dəniz Qüvvələri
Rütbəsi Şablon:Kontr-admiral

Təltifləri 3-cü dərəcəli "Vətənə xidmətə görə" ordeni "Hərbi xidmətlərə görə" medalı "Hərbi xidmətdə fərqlənməyə görə" 1-ci dərəcəli medalı "Hərbi xidmətdə fərqlənməyə görə" 2-ci dərəcəli medalı "Hərbi xidmətdə fərqlənməyə görə" 3-cü dərəcəli medalı "Azərbaycan Respublikası Silahlı Qüvvələri Veteranı" medalı "Azərbaycan Respublikası Silahlı Qüvvələrinin 10 illiyi (1991-2001)" yubiley medalı "Azərbaycan Respublikası Silahlı Qüvvələrinin 90 illiyi (1918-2008)" yubiley medalı "Azərbaycan Respublikası Silahlı Qüvvələrinin 95 illiyi (1918-2013)" yubiley medalı "Azərbaycan Ordusunun 100 illiyi (1918-2018)" yubiley medalı "Qüsursuz xidmətə görə" 1-ci dərəcəli medalı "Qüsursuz xidmətə görə" 2-ci dərəcəli medalı "Qüsursuz xidmətə görə" 3-cü dərəcəli medalı
"Hərbi əməkdaşlığın gücləndirilməsinə görə" medalı

Sübhan Kamal oğlu Bəkirov (4 avqust 1964; Qazax rayonu, Azərbaycan SSR) — Azərbaycan Hərbi Dəniz Qüvvələrinin Komandanı.

Həyatı[redaktə | mənbəni redaktə et]

Sübhan Bəkirov 1964-cü il avqustun 4-də Qazax rayonunun Ürkməzli kəndində anadan olub. Ailəlidir. Üç övladı var.

Hərbi xidməti[redaktə | mənbəni redaktə et]

Sübhan Bəkirov 1982-1984-cü illərdə Sovet Ordusunun sıralarında müddətli həqiqi hərbi xidmətdə olub.

1993-cü ildən Azərbaycan Ordusunun Qırmızı Bayraqlı Xəzər Hərbi Donanmasının 23 nömrəli hərbi zavodunda müxtəlif vəzifələrdə çalışıb.

1993-cü ildə Azərbaycan-Rusiya birgə hərbi müəssisəsi olan Xəzər gəmi təmiri zavodunun baş mühəndisi vəzifəsinə təyin olunub.

1997-2013-cü illərdə Müdafiə NazirliyindəAzərbaycan Hərbi Dəniz Qüvvələrində müxtəlif vəzifələrdə xidmət edib.

2014-cü ildə müdafiə nazirinin əmrinə əsasən hərbi gəmi təmiri zavodunun baş mühəndisi - zavod rəisinin müavini vəzifəsinə, bir müddət sonra isə zavod rəisi vəzifəsinə təyin olunub.

2016-cı ilin iyun ayında müdafiə nazirinin əmrinə əsasən Azərbaycan Hərbi Dəniz Qüvvələri Komandanının MTT üzrə müavini vəzifəsinə təyin edilib.

Azərbaycan Prezidenti İlham Əliyevin 12 mart 2020-ci il tarixli Sərəncamına əsasən Azərbaycan Hərbi Dəniz Qüvvələri Komandanı vəzifəsinə təyin olunub.

2020-ci il iyunun 25-də Azərbaycan Prezidenti İlham Əliyevin Sərəncamına əsasən Kontr-Admiral ali hərbi rütbəsi verilib.

Azərbaycanın ərazi bütövlüyünün bərpa edilməsi zamanı döyüş əməliyyatlarının rəhbəri olan, düşmənin canlı qüvvəsinin məhv edilməsində rəşadət göstərən, vəzifə borcunu ləqayətlə və vicdanla yerinə yetirdiyinə görə Azərbaycan Prezidenti İlham Əliyevin 15.12.2020-ci il tarixli Sərəncamına əsasən Sübhan Bəkirov 3-cü dərəcəli "Vətənə xidmətə görə" ordeni ilə təltif edilib.[1]

İstinadlar[redaktə | mənbəni redaktə et]

  1. Azərbaycan Prezidentinin saytı. "Azərbaycan Silahlı Qüvvələrinin hərbi qulluqçularının təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.president.az (az.)). 15.12.2020. 2020-12-15 tarixində arxivləşdirilib. İstifadə tarixi: 15.12.2020.