Ənvər Əfəndiyev

Vikipediya, azad ensiklopediya
Naviqasiyaya keç Axtarışa keç
Ənvər Əfəndiyev
23 iyul 2021 – 12 yanvar 2024
Prezidentİlham Əliyev
NazirZakir Həsənov
SonrakıHikmət Mirzəyev
Şəxsi məlumatlar
Doğum tarixi 18 noyabr 1965(1965-11-18) (58 yaş)
Doğum yeri
Təhsili
Hərbi xidmət
Mənsubiyyəti Azərbaycan Azərbaycan Ordusu
Qoşun növü Azərbaycan Quru Qoşunları
Rəhbərlik edib Azərbaycan Quru Qoşunları
Döyüşlər Birinci Qarabağ müharibəsi
İkinci Qarabağ müharibəsi
Rütbəsi
General-leytenant
Təltifləri "Qarabağ" ordeni — 2023 "Vətən uğrunda" medalı — 2020 "Qubadlının azad olunmasına görə" medalı — 2021 "Kəlbəcərin azad olunmasına görə" medalı — 2021 "Laçının azad olunmasına görə" medalı — 2021 "Hərbi xidmətlərə görə" medalı — 2006 "Hərbi xidmətdə fərqlənməyə görə" 2-ci dərəcəli medalı "Hərbi xidmətdə fərqlənməyə görə" 3-cü dərəcəli medalı "Azərbaycan Respublikası Silahlı Qüvvələri Veteranı" medalı "Qüsursuz xidmətə görə" 1-ci dərəcəli medalı "Qüsursuz xidmətə görə" 2-ci dərəcəli medalı "Qüsursuz xidmətə görə" 3-cü dərəcəli medalı "Azərbaycan Respublikası Silahlı Qüvvələrinin 10 illiyi (1991-2001)" yubiley medalı "Azərbaycan Respublikası Silahlı Qüvvələrinin 90 illiyi (1918-2008)" yubiley medalı "Azərbaycan Respublikası Silahlı Qüvvələrinin 95 illiyi (1918-2013)" yubiley medalı "Azərbaycan Ordusunun 100 illiyi (1918–2018)" yubiley medalı

Ənvər Zəkəriyyə oğlu Əfəndiyev (18 noyabr 1965, Qaşqaçay, Qax rayonu) — Azərbaycan ordusunun ehtiyata buraxılmış[1] general-leytenantı, Birinci Qarabağ müharibəsinin və İkinci Qarabağ müharibəsinin iştirakçısı, və Quru Qoşunlarının keçmiş komandanı.[1]

Həyatı[redaktə | mənbəni redaktə et]

Ənvər Əfəndiyev 18 noyabr 1965-ci ildə Qax rayonu Qaşqaçay kəndində anadan olub.

Təhsili[redaktə | mənbəni redaktə et]

1983-cü ilə qədər Qax rayonu Qaşqaçay kənd orta məktəbində təhsil alıb. Elə həmin il Bakı Ali Ümumqoşun Komandanlıq Məktəbinə (indiki Heydər Əliyev adına Azərbaycan Ali Hərbi Məktəbi) daxil olmuşdur. 1987-ci ildə hərbi təhsilini uğurla başa çatdıraraq Sovet Ordusunun tərkibində Kiyev hərbi dairəsində taqım komandiri vəzifəsinə təyinat almışdır. 1998–1999-cu illərdə Azərbaycan Respublikası Silahlı Qüvvələrinin Hərbi Akademiyasını, 1999–2000-ci illərdə Türkiyə Quru Qoşunları Hərbi Məktəbini bitirmişdir.

Hərbi xidməti[redaktə | mənbəni redaktə et]

1987–1989-cu illərdə Kiyev hərbi dairəsində taqım və bölük komandiri xidmət etdiyi müddətdə 1988-ci ildə üç aylıq müddətə Çernobıl AES-də baş vermiş qəzanın nəticələrinin aradan qaldırılmasında iştirak etmək üçün Çernobıl şəhərinə yollanıb. 1989–1992-ci illərdə Monqolustanda dislokasiya olunan Sovet qoşunlarının tərkibində bölük komandiri və taborun qərargah rəisinin müavini kimi xidmət edib. Azərbaycan Respublikası müstəqillik əldə etdikdən sonra 1992-ci ildən etibarən Azərbaycan Ordusunda xidmət edir.

Azərbaycan Ordusunda xidmətə başladığı ilk vaxtlardan etibarən Birinci Qarabağ müharibəsində Ağdam-Ağdərə istiqamətində tabor komandiri, alay komandirinin müavini kimi döyüşlərdə birbaşa iştirak edib, Birinci Qarabağ müharibəsi veteranıdır.

2000–2003-cü illərdə birləşmə komandiri, 2003–2005-ci illərdə Şəmkir Korpusu komandirinin Maddi-Texniki Təminat üzrə müavini, 2005–2008-ci illərdə Azərbaycan Silahlı Qüvvələrinin Təlim-Tədris Mərkəzində rəis müavini, 2009–2013-cü illərdə Heydər Əliyev adına Azərbaycan Ali Hərbi Məktəbində tabor komandiri, 2013–2015-ci illərdə Bərdə Korpusunun Qərargah rəisi vəzifələrində xidmət etmişdir.

24 iyun 2016-cı il tarixində Azərbaycan Respublikasının Prezidenti İlham Əliyevin imzaladığı sərəncamla general-mayor ali hərbi rütbəsinə layiq görülmüşdür.[2]

2015-ci ildən 2020-ci ilin iyun ayına qədər Müdafiə Nazirliyinin Döyüş Hazırlığı və Hərbi Təhsil Baş İdarəsinin Döyüş Hazırlığı İdarəsinin rəisi vəzifəsində xidmət etmişdir. 2020-ci ilin iyun ayından sentyabr ayına qədər Döyüş Hazırlığı və Hərbi Təhsil Baş İdarəsinin rəisi vəzifəsini müvəqqəti icra etmişdir.[3][4]

İkinci Qarabağ müharibəsinin başladığı 27 sentyabr 2020-ci il tarixindən etibarən Azərbaycan Ordusunun 6-cı (ehtiyat) ordu korpusunun komandiri kimi döyüşlərdə iştirak etmişdir. Azərbaycan Respublikası Prezidentinin 15 dekabr 2020-ci il tarixli sərəncamı ilə "Vətən uğrunda" medalına layiq görülmüşdür.[5]

Azərbaycan Prezidenti İlham Əliyevin 23 iyul 2021-ci il tarixli sərəncamı ilə general-mayor Ənvər Əfəndiyev Azərbaycan Silahlı Qüvvələrinin Quru Qoşunlarının komandanı təyin olunmuşdur.[6]

Azərbaycan Prezidenti İlham Əliyevin 23.11.2021-ci il tarixli sərəncamına əsasən General-mayor Ənvər Zəkəriyyə oğlu Əfəndiyevə "General-leytenant" ali hərbi rütbəsi verildi.[7]

Azərbaycan Prezidenti İlham Əliyevin 12.01.2024-cü il tarixli sərəncamına əsasən general-leytenant Ənvər Əfəndiyev ehtiyata buraxılıb.[1]

Təltifləri[redaktə | mənbəni redaktə et]

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. ↑ 1 2 3 "Hikmət Mirzəyev nazir müavini təyin edildi". Qafqazinfo (az.). 12 yanvar 2024. 2024-01-12 tarixində arxivləşdirilib. İstifadə tarixi: 12 yanvar 2024. Bundan əvvəl eyni vəzifəni icra edən general-leytenant Ənvər Əfəndiyev isə ehtiyata buraxılıb.
  2. ↑ "Hərbi qulluqçulara general-mayor rütbəsi verilib". Trend.az. 24.06.2016. 2021-10-05 tarixində arxivləşdirilib. İstifadə tarixi: 2020-12-17.
  3. ↑ Məhərrəm Əlioğlu. "General-mayor Ənvər Əfəndiyev: Təlimlər göstərdi ki, Azərbaycan Ordusu istənilən döyüş tapşırığını icra etməyə qadirdir". Azərtac. 30.05.2019. 2021-10-06 tarixində arxivləşdirilib. İstifadə tarixi: 2020-12-17.
  4. ↑ Günay TAĞIYEVA. "Ordusu olmayan ölkə müstəqil ola bilməz". "Azərbaycan Ordusu" qəzeti. 28.02.2018. 2021-10-06 tarixində arxivləşdirilib. İstifadə tarixi: 2020-12-17.
  5. ↑ "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin Sərəncamı". 15 dekabr 2020. 2020-12-15 tarixində arxivləşdirilib. İstifadə tarixi: 15 dekabr 2020.
  6. ↑ "Azərbaycan Respublikası Müdafiə Nazirliyinin bir sıra hərbi qulluqçularının ali zabit heyəti vəzifələrinə təyin edilməsi haqqında Azərbaycan Respublikası Prezidentinin Sərəncamı". 23 iyul 2021. 2021-07-23 tarixində arxivləşdirilib. İstifadə tarixi: 23 iyul 2021.
  7. ↑ "Ə.Z.Əfəndiyevə "general-leytenant" ali hərbi rütbəsinin verilməsi haqqında Azərbaycan Respublikası Prezidentinin Sərəncamı". 23 noyabr 2021. 2021-11-23 tarixində arxivləşdirilib. İstifadə tarixi: 23 noyabr 2021.
  8. ↑ "Azərbaycan Respublikası Silahlı Qüvvələri hərbi qulluqçularının və Daxili İşlər Nazirliyi əməkdaşlarının təltif edilməsi haqqında Azərbaycan Respublikası Prezidentinin Sərəncamı". www.president.az (Azərbaycan Prezidentinin rəsmi saytı). 07.11.2023. 2023-11-07 tarixində arxivləşdirilib. İstifadə tarixi: 07.11.2023.
Mənbə — "https://az.wikipedia.org/w/index.php?title=Ənvər_Əfəndiyev&oldid=7557891"