Ənvər Əfəndiyev

Vikipediya, azad ensiklopediya
Jump to navigation Jump to search
Ənvər Əfəndiyev
Ənvər Zəkəriyyə oğlu Əfəndiyev
Enver Efendiyev.jpg
Şəxsi məlumatlar
Vətəndaşlığı Azərbaycan Azərbaycan
Milliyyəti Azərbaycanlı
Atası Zəkəriyyə Əfəndiyev
Hərbi fəaliyyəti
Mənsubiyyəti Coat of arms of the Azerbaijani Armed Forces.png
Azərbaycan Silahlı Qüvvələri
Qoşun növü Army Flag of Azerbaijan.png Quru Qoşunları
Rütbə
Azərbaycan Silahlı Qüvvələrinin Quru Qoşunlarının general-mayoru.png General-mayor
Vəzifəsi Birlik komandiri
Döyüşlər Birinci Qarabağ müharibəsi, İkinci Qarabağ müharibəsi
Təltifləri "Vətən uğrunda" medalı "Hərbi xidmətlərə görə" medalı — 2002 "Azərbaycan Respublikası Silahlı Qüvvələri Veteranı" medalı III dərəcəli medalı "Hərbi xidmətdə fərqlənməyə görə" medalı I dərəcəli "Qüsursuz xidmətə görə" medalı II dərəcəli "Qüsursuz xidmətə görə" medalı III dərəcəli "Qüsursuz xidmətə görə" medalı "Azərbaycan Respublikası Silahlı Qüvvələrinin 10 illiyi (1991-2001)" yubiley medalı "Azərbaycan Respublikası Silahlı Qüvvələrinin 90 illiyi (1918-2008)" yubiley medalı "Azərbaycan Respublikası Silahlı Qüvvələrinin 95 illiyi (1918-2013)" yubiley medalı "Azərbaycan Ordusunun 100 illiyi (1918-2018)" yubiley medalı "Azərbaycan Xalq Cümhuriyyətinin 100 illiyi (1918-2018)" yubiley medalı "Dövlət qulluğunda fərqlənməyə görə" medalı "Şərəf" ordeni

Ənvər Zəkəriyyə oğlu ƏfəndiyevAzərbaycan ordusunun general-mayoru, Birinci Qarabağ müharibəsininİkinci Qarabağ müharibəsinin iştirakçısı.

Həyatı[redaktə | əsas redaktə]

Ənvər Əfəndiyev 18 noyabr 1965-ci ildə Qax rayonu Qaşqaçay kəndində anadan olub.

Təhsili[redaktə | əsas redaktə]

1983-cü ilə qədər Qax rayonu Qaşqaçay kənd orta məktəbində təhsil alıb. Elə həmin il Bakı Ali Ümumqoşun Komandanlıq Məktəbinə (indiki Heydər Əliyev adına Azərbaycan Ali Hərbi Məktəbi) daxil olmuşdur. 1987-ci ildə hərbi təhsilini uğurla başa çatdıraraq Sovet Ordusunun tərkibində Kiyev hərbi dairəsində taqım komandiri vəzifəsinə təyinat almışdır. 1998-1999-cu illərdə Azərbaycan Respublikası Silahlı Qüvvələrinin Hərbi Akademiyasını, 1999-2000-ci illərdə Türkiyə Quru Qoşunları Hərbi Akademiyasını (Kara Harp Okulu) bitirmişdir.

Hərbi xidməti[redaktə | əsas redaktə]

1987-1989-cu illərdə Kiyev hərbi dairəsində taqım və bölük komandiri xidmət etdiyi müddətdə 1988-ci ildə üç aylıq müddətə Çernobıl AES-də baş vermiş qəzanın nəticələrinin aradan qaldırılmasında iştirak etmək üçün Çernobıl şəhərinə yollanıb. 1989-1992-ci illərdə Monqolustanda dislokasiya olunan Sovet qoşunlarının tərkibində bölük komandiri və taborun qərargah rəisinin müavini kimi xidmət edib. Azərbaycan Respublikası müstəqillik əldə etdikdən sonra 1992-ci ildən etibarən Azərbaycan Ordusunda xidmət edir.

Azərbaycan Ordusunda xidmətə başladığı ilk vaxtlardan etibarən Birinci Qarabağ müharibəsində Ağdam-Ağdərə istiqamətində tabor komandiri, alay komandirinin müavini kimi döyüşlərdə birbaşa iştirak edib, Birinci Qarabağ müharibəsi veteranıdır.

2000-2003-cü illərdə birləşmə komandiri, 2003-2005-ci illərdə Şəmkir Korpusu komandirinin Maddi-Texniki Təminat üzrə müavini, 2005-2008-ci illərdə Azərbaycan Silahlı Qüvvələrinin Təlim-Tədris Mərkəzində rəis müavini, 2009-2013-cü illərdə Heydər Əliyev adına Azərbaycan Ali Hərbi Məktəbində tabor komandiri, 2013-2015-ci illərdə Bərdə Korpusunun Qərargah rəisi vəzifələrində xidmət etmişdir.

2016-cı ildə baş vermiş Aprel döyüşlərindən sonra 24 iyun 2016-cı il tarixində Azərbaycan Respublikasının Prezidenti İlham Əliyevin imzaladığı sərəncamla general-mayor ali hərbi rütbəsinə layiq görülmüşdür.[1]

2015-ci ildən 2020-ci ilin iyun ayına qədər Müdafiə Nazirliyinin Döyüş hazırlığı və hərbi təhsil Baş İdarəsində döyüş hazırlığı rəisi vəzifəsində xidmət etmişdir. 2020-ci ilin iyun ayından sentyabr ayına qədər Döyüş hazırlığı və hərbi təhsil Baş İdarəsinin rəisi vəzifəsini müvəqqəti icra etmişdir.[2][3]

İkinci Qarabağ müharibəsinin başladığı 27 sentyabr 2020-ci il tarixindən etibarən Azərbaycan Ordusunun 6-cı (ehtiyat) korpusunun komandiri kimi döyüşlərdə birbaşa iştirak etmiş və onun rəhbərlik etdiyi hərbi birləşmə Cəbrayıl-Laçın istiqamətində gedən döyüşlərdə 20-dən çox yaşayış məntəqəsinin azad olunmasında mühüm rol oynamışdır. Azərbaycan Respublikasının ərazi bütövlüyünün bərpa olunmasında aktiv iştirak etdiyinə və öhdəsinə düşən vəzifələri layiqincə yerinə yetirdiyinə görə Azərbaycan Respublikası Prezidentinin 15 dekabr 2020-ci il tarixli Sərəncamı ilə "Vətən uğrunda" medalına layiq görülmüşdür.[4]

Mükafatları[redaktə | əsas redaktə]

Həmçinin bax[redaktə | əsas redaktə]

İstinadlar[redaktə | əsas redaktə]