Valeh Bərşadlı

Valeh Bərşadlı
Valeh Əyyub oğlu Bərşadlı
Azərbaycan Respublikasının 1-ci Müdafiə naziri 5 sentyabr 1991 — 11 dekabr 1991
Sələfi	vəzifə təsis olunub
Xələfi	Tacəddin Mehdiyev
Doğum tarixi	6 iyul 1927(1927-07-06)
Doğum yeri	Qubadlı rayonu, Eyvazlı
Vəfat tarixi	15 may 1999 (71 yaşında)
Vəfat yeri	Bakı, Azərbaycan
Rütbəsi	General

Bərşadlı Valeh Əyyub oğlu (d.6 iyul 1927, Qubadlı rayonu. – ö.15 may 1999, Bakı ş.) — general, Azərbaycanın müdafiə naziri.

Həyatı

Valeh Bərşadlı 6 iyul 1927-ci ildə Qubadlı rayonunun Eyvazlı kəndində dünyaya gəlmişdir. 14 yaşında könüllü hərbi xidmətə getmiş, 18 yaşında iki hərbi təhsil ocağını (Bakı Zenit Artileriyası Məktəbi və Qırmızı Bayraqlı Kiyev Özüyeriyən Artileriyası Məktəbi) bitirmişdir. 50 yaşında sovet ordusunda general-leytenant rütbəsi almış ilk azərbaycanlıdır. Müstəqil Azərbaycanın 1992-ci ildə ilk müdafiə naziri və Azərbaycan tarixində ilk müvəffəqiyyətli Goranboy və Ağdərə əməliyyatlarını həyata keçirmiş baş qərargah rəisi olmuşdur. 1992-ci ildə tutduğu vəzifədən istefa vermişdir.

Valeh Bərşadlı 43 il SSRİ Silahlı Qüvvələrində xidmət etmiş, tağım komandirliyindən ən nəhəng ordulardan (Almaniya Demokratik Respublikasında yerləşən sovet qoşun birləşmələrindən) birinin müavinliyinə qədər yüksəlmişdir.

1999-cu il, 15 may tarixində vəfat etmiş və məzarı Fəxri Xiyabanda yerləşir.

Xarici keçidlər

• "Qarabağın görkəmli şəxsiyyətləri:Valeh Bərşadlı (1927-1999)" (azərb.). "Virtual Qarabağ" İKT Mərkəzinin rəsmi portalı. virtualkarabakh.az (2013).