Şəhriyar Məcidzadə

Vikipediya, azad ensiklopediya
Jump to navigation Jump to search
Şəhriyar Məcidzadə
azərb. Şəhriyar Sərdar oğlu Məcidzadə
Shahriyar Majidzade.jpg
Doğum tarixi 10 sentyabr 1986 (1986-09-10) (33 yaş)
Doğum yeri SSRİ, Azərbaycan SSR, Tərtər rayonu
Vətəndaşlığı Azərbaycan Azərbaycan
Atası Sərdar Həmidov
Milliyyəti Azərbaycanlı
İxtisası Beynəlxalq Hüquq
Təhsili Taras Şevçenko adına Kiyev Milli Universiteti
Fəaliyyəti siyasətçi, jurnalist
Fəaliyyət illəri 2011 - indi

Şəhriyar Məcidzadə (azərb. Şəhriyar Sərdar oğlu Məcidzadə‎ d. 10 sentyabr 1986, Tərtər rayonu, Azərbaycan SSR) – Etatist qəzetinin təsisçisi, Milli Fikir Mərkəzinin sədri.

Əsli[redaktə | əsas redaktə]

Şəhriyar Məcidzadənin atası – Sərdar Məcid oğlu Həmidov, 1992-ci ildən 1994-cü ilə qədər Dağlıq Qarabağla təmas xəttində yerləşən Tərtər rayon İcra Hakimiyyətinin başçısı və Tərtər Özünümüdafiə Batalyonunun komandiri olmuşdur. 15 may 1994-cü ildə Bişkekdə Azərbaycanla Ermənistan arasında imzalanan atəşkəs razılaşmasından 10 gün sonra vəzifəsindən azad edilib.

Həyatı[redaktə | əsas redaktə]

Şəhriyar Məcidzadə 10 sentyabr 1986-cı ildə Tərtər rayonunda anadan olub. Müharibə bitənə qədər Tərtər rayonunda 1 saylı orta məktəbdə təhsil alıb. 1994-cü ildə Bakı şəhəri, Nərimanov rayon 77 saylı orta məktəbdə təhsilini davam etdirib. 1997-ci ildə atası həbs edildikdən sonra Nəsimi rayonunda Elitar Gimnaziyaya daxil olub və 2003-cü ildə həmin gimnaziyanı bitirib.

2005-ci ildə Taras Şevçenko adına Kiyev Milli Universitetinin Beynəlxalq Əlaqələr İnstitunun Beynəlxalq Hüquq fakültəsinə daxil olub və 2009-cu ildə həmin universiteti fərqlənməylə bitirib. Universitetdə nizam-intizam qaydalarına ciddi yanaşmasına və fəaliyyətinə görə universitet rəhbərliyi tərəfindən xasiyyətnamə alan yeganə xarici tələbə olub.[1][2]

2009-cu ildə universiteti bitirdikdən sonra həqiqi hərbi xidmətə çağırılıb və Azərbaycan Respublikası Silahlı Qüvvələrin Təlim-Tədris Mərkəzinə daxil olub. 2010-cu ildə Müdafiə Nazirinin müvafiq əmrinə əsasən leytenant rütbəsi alaraq taqım komandiri vəzifəsinə təyin edilib və cəbhə bölgəsində yerləşən N saylı hərbi hissəyə göndərilib.

Fəaliyyəti[redaktə | əsas redaktə]

2011-ci ilin iyul ayından ordu sıralarından ehtiyyata buraxılır və elə həmin ilin oktyabr ayında özünün fikir müəllifliyi ilə həftəlik “Etatist” qəzetinin nəşrinə başlanılır.[3] 2012-ci ilin may ayının 5-də bir qrup gənc Milli Fikir Mərkəzini təsis edir və 15 iyun tarixdə Şəhriyar Məcidzadə Milli Fikir Mərkəzinin sədri seçilir.[4][5]

2012-ci ilin noyabr ayında Şəhriyar Məcidzadənin təşəbbüsü ilə, Milli Fikir Mərkəzinin üzvlərindən ibarət, könüllülük əsasında fəaliyyət göstərən redaksiya heyəti yaradılır və “Etatist” internet qəzeti təsis edilir.[6]

Şəhriyar Məcidzadənin Milli Fikir Mərkəzinə rəhbərlik etdiyi dövrdə mərkəz, müxtəlif ictimai-siyasi simaların, şair və yazarların, professorların, tarixçilərin iştirakı ilə 60-dan çox seminar, müxtəlif tədbirlər və gənclərin müzakirələrini təşkil edib. Həmçinin onun rəhbərliyi ilə Tərtərdə radikal dini qruplaşmaların da fəaliyyəti ilə bağlı geniş araşdırma aparaq ictimaiyyətə və dövlət qurumlarına məlumat verilib.[7][8]

2012-ci ilin oktyabr ayında Azərbaycan Respublikasının Milli Məclisinin Sosial-siyasət komitəsi tərəfindən irəli sürülən “cinsi tərbiyyə” fənninin keçirilməsinə qarşı geniş araşdırılma aparılıb və cəmiyyətə təqdim edilib. Araşdırmada dünya ölkələrində bu fənn keçirildikdən sonra qeyri-effektiv olmasına dair və uşaq psixologiyasın mənfi təsir göstərdiyi ilə bağlı məlumatlar yer almışdı. Şəhriyar Məcidzadənin əsas arqumentlərindən biri 1960-cı ildə İran şahı Rza Şah Pəhləvinin apardığı “Ağ inqilab”a qarşı olaraq dini müxalifət yaranması və qütbə çevrilməsi idi. “Cinsi tərbiyə” məktəblərdə keçiriləcəyi təqdirdə mühafizəkar ailələr qız övladlarını məktəbə buraxmaya bilərdi bilərdi.[9][10][11]

Şəhriyar Məcidzadə Azərbaycanda dünyəvi dövlət quruluşuna qarşı olan dini cərəyanların fəaliyyətinin gündəmə gətirilməsində rol oynayıb.[12][13][14]

2015-ci ilin noyabr ayında keçirilən AR Parlament seçkilərində Şəhriyar Məcidzadə 95 saylı Tərtər seçki dairəsindən namizədliyini irəli sürmüşdü. Lakin onun namizədliyi qeydə alınmayıb, daha sonra Mərkəzi Seçki Komissiyasına etdiyi şikayətdən sonra namizədliyi təkrar qeydə alınmışdır.[15][16]

Aksiyalar[redaktə | əsas redaktə]

Şəhriyar Məcidzadə cəmiyyətdə hüquqi dövlətçilik ideyalarını təbliğ etmək üçün Respublika Günündə Sahil bağında (keçmiş "26-lar Bağı") Sovet imperializminin repressiyasını ifadə etmək məqsədilə 28 may aksiyası keçirib.[17]

1993-cü ildə Gəncədə Surət Hüseynovun dövlətə qiyamı, qeyri-konstitusion yolla hakimiyyətə gəlməsini dövlətə xəyanət kimi qiymətləndirən MFM ilə birlikdə 2012-ci ilin 4 iyun tarixində bununla bağlı aksiya keçirib.[18][19]

2012-ci ildə cəmiyyətdə oxumaq və maariflənmək ideyasını təbliğ etmək məqsədilə “Oxu! Özünü dərk et” aksiyası keçirilib.[20]

2014-cü ildə 283 saylı məktəbin direktoru Etatist internet qəzetinə qarşı məhkəmə iddiası qaldırır və 50 min manat tələb edir.[21] Bundan sonra Şəhriyar Məcidzadə “Ölü təhsil-ölü nəsil” adlı tədbir keçirir, Milli Fikir Mərkəzi Təhsil Nazirliyi qarşısında aksiya təyin edir və gənclər virtual aksiya keçirib iddianın geri götürülməsini tələb edir. Oktyabr ayının 24-də iddia edənin tələbini geri götürməsi ilə bağlı mətbuata açıqlama verir və buna görə də aksiya təxirə salınır.[22][23]

İstinadlar[redaktə | əsas redaktə]

  1. Характеристика Меджидзаде Сардар оглы Щахрияра I часть  (rus.)
  2. Характеристика Меджидзаде Сардар оглы Щахрияра II часть  (rus.)
  3. Mətbuat camiəsinə "Etatist" gəlir. musavat.com, 21.09.2011  (azərb.)
  4. Milli Fikir Mərkəzi təsis olunub. publika.az, 14.05.2012  (azərb.)
  5. “Əmim siyasətlə məşğul olmayıb” - Şəhriyar Məcidzadə. qafqazinfo.az, 31.07.2012  (azərb.)
  6. Etatist internet qəzeti. etatist.com, 17.11.2012  (azərb.)
  7. Güc strukturlarımızın nurçularla bağlı qərarı var axar.az, 4.04.2014  (azərb.)
  8. "Tərtərlə bağlı məsələ prezidentin diqqətinə çatdırılacaq" etatist.com, 23.01.2015  (azərb.)
  9. Azərbaycanda seksual tərbiyə dərsi "keçilməyə bilər". BBC Azərbaycanca, 15.11.2012  (azərb.)
  10. Gənclər təşkilatı “cinsi tərbiyə”yə qarşıdır contact.az, 21.11.2012  (azərb.)
  11. "Nə seksual tərbiyə? Nəzərə alın ki ölkənin 80 faizindən çoxu müsəlmandır" azadliq.org, 13.11.2012  (azərb.)
  12. "Dövlət içində yapılanma - nurçuluq". Etatist internet qəzeti, 26.04.2013  (azərb.)
  13. "Dövlət içində yapılanma - nurçuluq". youtube.com 29.04.2013  (azərb.)
  14. "MFM Dövlət içində yapılanma nurçuluq. youtube.com 16.05.201  (azərb.)
  15. MSK 95 saylı Tərtər Seçki Komissiyasına xüsusi xəbərdarlıq edəcək apa.az, 23.09.2015  (azərb.)
  16. MSK İsgəndər Həmidovun qardaşı oğlu ilə bağlı DSK-nın qərarını qanunsuz sayıb report.az, 23.09.2015  (azərb.)
  17. GƏNCLƏR ŞAUMYANIN ŞƏKLİNİ YANDIRDILAR. obyektiv.tv, 28.05.2012  (azərb.)
  18. Gənclər 4 iyunla bağlı aksiya keçirdi- (Fotolar) musavat.com, 04.06.2013  (azərb.)
  19. 4 iyun xəyanət aksiyası anspress.com, 4.06.2013  (azərb.)
  20. Milli Fikir Mərkəzi, flaşmob youtube.com, 18.07.2013  (azərb.)
  21. Məktəb direktoru Etatist.com-dan 50 min manat tələb edir etatist.com, 22.09.2014  (azərb.)
  22. Gənclərin tələbi yerinə yetirildi etatist.com, 24.10.2014  (azərb.)
  23. Gənclər nazirliyin qarşısında aksiya keçirəcək musavat.com, 8.10.2014  (azərb.)