Rəhim Hüseynov (siyasətçi)

Vikipediya, açıq ensiklopediya
Jump to navigation Jump to search
Rəhim Hüseynov
Rəhim Əlihüseyn oğlu Hüseynov
Rəhim Hüseynov
Bayraq
Azərbaycan Respublikasının
2-ci Baş naziri
Bayraq
14 may 1992 — 30 yanvar 1993
Sələfi: Həsən Həsənov
Xələfi: Əli Məsimov
Bayraq
Azərbaycan SSR Nazirlər Soveti sədrinin birinci müavini
1989 — 1992
Bayraq
Beynəlxalq Alimlər və Mühəndislər Birliyinin vitse-prezidenti
Bayraq
 1994
Bayraq
Azərbaycan Dövlət Plan Komitəsinin sədri
Bayraq
1989 — 1992
Sələfi: Ayaz Mütəllibov
Bayraq
Respublika Dövlət Maddi-Texniki Təchizat Komitəsinin sədri
Bayraq
1974 — 1989
Bayraq
Baş Maddi-Texniki Təchizat İdarəsi rəisinin müavini
Bayraq
1965 — 1974
 
Partiya: КПСС.svg Kommunist partiyası
Doğum tarixi: 5 aprel 1936 (1936-04-05) (82 yaş)
Doğum yeri: BakıFlag of the Azerbaijan Soviet Socialist Republic.svg Azərbaycan SSR
Milliyyəti: Flag of the Soviet Union.svg SSRİFlag of Azerbaijan.svg Azərbaycan azərbaycanlı


Rəhim Əlihüseyn oğlu Hüseynov – 1992-93-cü il tarixdə Azərbaycan Respublikasının Nazirlər Kabinetinin sədri olmuşdur.

Həyatı[redaktə | əsas redaktə]

1936-cı il aprelin 5-də Bakı şəhərində ziyalı bir ailədə doğulub boya-başa çatmışdır. 1943-cü ildə Lənkəran şəhərində birinci sinfə daxil olmuş R.Hüseynov 1953-cü ildə Bakı şəhərində orta məktəbi müvəffəqiyyətlə bitirmişdir. O, təhsilini davam etdirmək üçün Moskvaya gedir. 1953-cü ildə Moskva Polad İnstitutuna daxil olur. 1959-cu ildə Moskva Polad İnstitutunu metallurq-mühəndis kimi bitirən R.Hüseynov vətənə qayıdaraq Azərbaycan Boru-Prokat zavodunda əmək fəaliyyətinə başlayır. 1959-1962-ci illərdə R.Hüseynov bu zavodda əvvəl usta köməkçisi, sonralar isə boru-prokat sexində usta, sexin baş texnoloqu, rəisi vəzifələrində çalışmışdır.

R.Hüseynov 1962-1965-ci illərdə Azərbaycan SSR Dövlət Plan Komitəsində baş mütəxəssis, şöbə rəisi vəzifələrində çalışmışdır.

R.Hüseynov 1965-1974-cü illərdə Baş Maddi-Texniki Təchizat İdarəsi rəisinin müavini, 1974-1989-cu illərdə isə Respublika Dövlət Maddi-Texniki Təchizat Komitəsinin sədri vəzifələrində 24 il çalışmışdır.

1989-1992-ci illərdə R.Hüseynov Azərbaycan Dövlət Plan Komitəsinin sədri və Azərbaycan SSR Nazirlər Soveti sədrinin birinci müavini olmuşdur.

1992-ci il mayın 14-də Ali Sovetin sessiyası çağırılmışdır. Bu sessiyada Xocalı faciəsi üzrə komissiyanın qərarı elan olunmuş, A.Mütəllibov prezidentliyə qaytarılmış və təklif edilmişdir ki, bu sessiyada baş nazir də seçilsin. Respublikanın tanınmış iqtisadçısı kimi R.Hüseynovun namizədliyi irəli sürülmüşdür. R.Hüseynov Azərbaycan Respublikasının baş naziri seçilmişdir. R.Hüseynov 1992-ci ilin mayından 1993-cü ilin yanvar ayına kimi Azərbaycanın baş naziri vəzifəsində çalışmışdır.

AXC hakimiyyəti dövründə könüllü olaraq baş nazir vəzifəsindən getmişdir.

1990-cı ildə yaranan ictimai təşkilatlardan biri də Azərbaycan Alimlər və Mühəndislər Birliyi olmuşdur. R.Hüseynov həmin birliyə yarandığı gündən bəri sədrlik edir. 1994-cü ildə isə Beynəlxalq «Xəzər» fondu təşkil olunmuşdur. Onun təsis konfransında R.Hüseynov yekdilliklə fondun prezidenti seçilmişdir və ona başçılıq edir. Eyni zamanda o, 1994-cü ildən Beynəlxalq Alimlər və Mühəndislər Birliyinin vitse-prezidentidir.

R.Hüseynov Azərbaycan SSR Ali Sovetinin sessiyalarının, Azərbaycan KP qurultaylarının, MK plenumlarının nümayəndəsi olmuşdur. O, Qırmızı Əmək Bayrağı, Xalqlar dostluğu, Şərəf nişanı ordenləri və bir sıra medallarla təltif olunmuşdur.

İstinadlar[redaktə | əsas redaktə]

Həmçinin bax[redaktə | əsas redaktə]

Xarici keçidlər[redaktə | əsas redaktə]