Mahal İsmayıloğlu

Vikipediya, azad ensiklopediya
Jump to navigation Jump to search
Mahal İsmayıloğlu
Mahal İsmayıl oğlu Sadıqov
Mahal İsmayıloğlu.JPG
Doğum tarixi
Doğum yeri Kalinino rayonu, Molla Eyyublu kəndi
Vəfat tarixi (58 yaşında)
Vəfat yeri Bakı, Azərbaycan
Dəfn yeri Ramanaqəbristanlığı
Vətəndaşlığı Azərbaycan Azərbaycan
Uşaqları Ayan, Aysel, Tural
Atası İsmayıl Sadıqov
Fəaliyyəti jurnalist

Mahal İsmayıloğlu (tam adı: Mahal İsmayıl oğlu Sadıqov); d. 22 yanvar 1957, Kalinino rayonu, Molla Eyyublu kəndi, Ermənistan SSR- ö. 28 avqust 2015, Bakı, Azərbaycan) — Azərbaycanlı tanınmış jurnalist.

Həyatı[redaktə | mənbəni redaktə et]

Mahal İsmayıloğlu (Mahal İsmayıl oğlu Sadıqov) 1957-ci ilin yanvar ayının 22-də Ermənistanın Kalinino rayonunun Evli kəndində anadan olub.1974-cü ildə Gürcüstanın Dmanisi rayonundakı Muğanlı kənd orta məktəbini bitirib.

1975-1977-ci illərdə hərbi Sovet Ordusu sıralarında hərbi xidmətdə olub. Orduda xidmət edəndə Sakit Okean donanmasının “Boyevaya vaxta” qəzetində işə dəvət olunub.

1977-1982-ci illərdə Azərbaycan Dövlət Universitetinin (ADU) jurnalistika fakültəsində oxuyub.1982-1984- ci illərdə İrəvanda nəşr olunan “Sovet Ermənistanı” qəzetində, baş müxbir vəzifəsində çalışıb.

1984-1987-ci illərdə C. Cabbarlı adına “Azərbaycanfilm” kinostudiyasında redaktor işləyib. 1987-1990-cı illərdə Neft və Kimya institutunun (İndiki Neft Akademiyasının) çoxtirajlı qəzetinin redaktoru olub.1990-cı ilin avqustundan Azərbaycanda ilk azad mətbu orqanlardan olan “Aydınlıq” qəzetində çalışıb. Bu qəzetin yaradıcılarından biri olub. 1995-ci ilin oktyabrından 2002-ci ilin aprel ayınadək “Xalq qəzeti”nin baş redaktoru işləyib.

“Yeni Musavat” qəzetinin köşə yazarı olub. Ara-sıra “Azadlıq” qəzetində də məqalələri dərc olunub.2008-ci ildən mətbuatda gedən yazılarına görə hakimiyyətin təqiblərinə məruz qalır. Qondarma ittihamlarla 2009-cu ilin iyulunda 2 illik şərti cəza kəsilib.İndiyəcən respublikada nəşr olunan qəzetlərdə 4 mindən çox yazıları dərc olunub.

Ailəlidir. 3 övladı var.

2015-cil 28 avqustda günorta saatlarında müalicə aldığı xəstəxanada dünyasını dəyişib.[1] Ramana qəbristanlığında dəfn edilib.

İstinadlar[redaktə | mənbəni redaktə et]