Maruqame

Vikipediya, açıq ensiklopediya
Keçid et: naviqasiya, axtar
Şəhər
Maruqame
yap. 丸亀市
Iinoyama01s3200.jpg
Bayraq
Bayraq
Ölkə Yaponiya
Region Şikoku regionu
Prefektura Kaqava prefekturası
Koordinatlar 34°17′22″N 133°47′52″E / 34.28944°N 133.79778°E / 34.28944; 133.79778Koordinatlar: 34°17′22″N 133°47′52″E / 34.28944°N 133.79778°E / 34.28944; 133.79778
Mer Tetsudzi Arai
Yaradılıb aprel 1899
Sahəsi 111,79 km²
Rəsmi dili yapon dili
Əhalisi 110.466 nəfər (2014)
Sıxlığı 988,16 nəf./km²
Milli tərkibi yaponlar
Saat qurşağı UTC+9
Poçt indeksi 763-8501
Kod 37202-1
Rəsmi sayt www.city.marugame.lg.jp/ (yap.)
Ünvanı 2-3-1 Otemaçi, Maruqame-şi, Kaqava-ken 763-8501
Simvolik ağac Myrica Rubra
Simvolik gül Satsuki azaliyası
Xəritəni aç/bağla
Maruqame is located in Yaponiya
Maruqame

Meruqame (丸亀市 Marugame-shi?)Yaponiyanın Kaqava prefekturasında yerləşən şəhər.

2014-cü ilin məlumatına görə şəhərin əhalisi 110.466 nəfərdir, hər km² ərazidə 988,16 nəfər yaşayır. Şəhərin sahəsi 111,79 km²-dir. Maruqame şəhəri allüvial düzənliyin mərkəzində yerləşir.

Tarix[redaktə | əsas redaktə]

Maruqame qalası.

Maruqame şəhəri Meydzi dövründə — 1899-cu ilin aprelində yaradılmışdır. Maruqame Yaponiyada şəhər kodu verilmiş 53-cü şəhər idi. 1940-cı illərdən 1950-ci illərə qədər (Söva dövrü) şəhərin şərqində yerləşən ərazi və bir neçə ada şəhərə birləşdirilmişdir. 1999-cu ildə (Heysey dövrünün 11-ci illiyi) Maruqame şəhəri 100 illik yubileyini qeyd etmişdir.

22 mart 2005-ci ildə Ayauta və Hanzan şəhərləri (keçmiş Ayauta rayonun tərkib hissəsi idilər) Maruqame şəhərinə birləşdirilmiş və müasir Maruqame şəhəri yaradılmışdır.

  • Keçmiş Ayauta şəhəri 1959-cu ildə (Söva dövrü) Kumatama və Okada qəsəbələrinin birləşdirilməsi ilə yaradılmışdır. Kumatama qəsəbəsi isə 1951-ci ildə Kurikuma və Tomikuma qəsəbələrinin birləşdirilməsi nəticəsində yaranmışdır.
  • Keçmiş Hanzan şəhəri 1956-cı ildə (Söva dövrü) Sakamoto və Hakundzi qəsəbələrinin birləşdirilməsi ilə yaradılmışdır.

Coğrafiya[redaktə | əsas redaktə]

Şəhər Yaponiyanın Şikoku adasında, Şikoku regionunun Kaqava prefekturasında yerləşir.

Əhali[redaktə | əsas redaktə]

2014-cü ilin avqustuna məlumatına görə şəhərin əhalisi 110.466 nəfərdir, hər km² ərazidə 988,16 nəfər yaşayır. Əhalisinin 1980-2005-ci illər arasında dəyişməsi:[1]

1980 94.849 nəfər.
1985 99.628 nəfər.
1990 101.253 nəfər.
1995 106.107 nəfər.
2000 108.356 nəfər.
2005 110.085 nəfər.


Görməli yerləri[redaktə | əsas redaktə]

"Reoma World".

Maruqame şəhəri Maruqame qalası ilə tanınır. Bu qala Yaponiyada orijinal taxta tenşusuna sahib 12 qaladan biridir. Qala insanlar tərəfindən hazırlanmış 50 metr hündürlüyündəki təpədə yerləşir.

Maruqame istehsal etdiyi yelpiklər (uçiva) ilə məşhurlaşmışdır. Yaponiyada istehsal olunan yelpiklərin təxminən 90 %-i Maruqame şəhərinin payına düşür.

Maruqame şəhərinin digər görməli yerlərinə aiddir:

  • İyno dağı (Sanuki-Fudzi)[2]
  • Zentsu-dzi məbədi
  • Kotohira məbədi
  • Kotohira Kabuki Teatrı
  • Böyük Seto körpüsü

1947-ci ildən şəhər illik yol qaçışı müsabiqəsi olan Maruqame yarımarafonuna ev sahibliyi edir. Hər ili fevralın əvvəllərində keçirilən müsabiqəyə minlərlə iştirakçı qatılır.[3]Asiya qitəsi üzrə yarımarafon rekordu 2006-cı ildə Kayoko Fukuşi tərəfindən bu müsabiqədə qeydə alınmışdır.[4]

Reoma World[redaktə | əsas redaktə]

Maruqame limanı.

Şikoku regionunda əyləncə mərkəzi kimi tanınmış "Reoma World" 20 aprel 1991-ci ildə məhz bu şəhərdə açılmış, amma maliyyə problemlərinə görə 2000-ci ilin avqustunda bağlanmışdır.

2004-cü ildə yeni maddi yardım ilə "Reomo World" yenidən açılmışdır. Əyləncə mərkəzində çoxlu sayda attrkasion, iki restoran, kurort və tema parkı yerləşir. 2009-cu ildə buranı 660.000 nəfər ziyarət etmişdir. Halbuki, 2004-cü ildə bu rəqəm 1,6 milyon idi. Bunun səbəbinin əlverişsiz ictimai nəqliyyatın olması hesab olunur.

MIMOCA[redaktə | əsas redaktə]

Maruqame şəhərində Maruqame Geniçiro-İnokuma Müasir İncəsənət Muzeyi yerləşir. Muzey dəmiryolu stansiyasının şərqində yerləşir. Burada əsəsən Geniçiro İnokumanın əsərləri sərgilənir, amma bəzən böyük sərgilərə də ev sahibliyi edir.

İqtisadiyyat[redaktə | əsas redaktə]

Satsuki azaliyası.

Maruqame şəhərinin istehsal etdiyi əsas məhsullara kimyəvi məmulatlar, yelpiklər, parça, düyü, duzarpadır. 1980-ci illərin əvvəllərində şəhərin iqtisadiyyatını inkişaf etdirmək üçün böyük sahilyanı duz sahələri dənizdən təmizlənmişdir. Şəhər ibadətçilər üçün əhəmiyyətli limanıdır. Osaka və Kyoto bölgələrində gələn ibadətçilər Kotohiradakı Kompina məbədinə ibadət etməyə gəlirlər.

Simvolika[redaktə | əsas redaktə]

Şəhərin simvolik ağacı Myrica Rubra, simvolik gülü Satsuki azaliyası hesab olunur.

Qardaş şəhərlər[redaktə | əsas redaktə]

Qalereya[redaktə | əsas redaktə]

İstinadlar[redaktə | əsas redaktə]

  1. Əhalinin sayı buradakı mənbəyə əsaslanır: 1980, 1985, 1990, 1995, 2000 və 2005 illəri üçün.
  2. "Marugame" (en). https://japanhike.wordpress.com/2012/05/14/mt-iino/. İstifadə tarixi: 2015-12-27.
  3. Ota, Shigenobu (2009-02-02). Marugame Half Marathon. ARRS. Retrieved on 2010-02-07.
  4. Nakamura, Ken (2006-02-05). Fukushi sets Asian Half-Marathon record in Marugame. IAAF. Retrieved on 2010-02-07.

Xarici keçidlər[redaktə | əsas redaktə]

Vikianbarda Maruqame ilə əlaqəli mediafayllar var.