Maskanın etirafları

Vikipediya, azad ensiklopediya
Jump to navigation Jump to search
Maskanın etirafları
yap. 假面の告白
Maskanın etirafları.jpg
Kitabın orijinal nəşrinin üz qabığı
Müəllif(lər) Yukio Misima
Janr roman
Orijinalın dili yapon dili
Ölkə Yaponiya Yaponiya
Orijinalın nəşr ili 1949
Səhifə 254

MAskanın etirafları (yap. 假面の告白) - Yaponiya yazıçısı Yukio Misimanın debüt romanıdır. “Qızıl məbəd” romanı ilə yanaşı yazıçının yaradıcılığının zirvəsi hesab edilir. 1949-cu ildə[1] nəşrindən sonra iyirmi dörd yaşlı[2] Misima şöhrət qazanmışdır. Avtobioqrafik roman yapon oxucuları tərəfindən birmənalı qarşılanmamışdır: bir tərəfdən romanın mətnində əsas qəhrəmanın daxili aləminin təsviri zamanı sarsıdıcı açıqlığa yer verilmiş, digər tərəfdən yazıçı söz sənətinin mahir bələdçisi olduğunu göstərmişdir.

Məzmunu[redaktə | əsas redaktə]

Əsas qəhrəman romanda Koçan kimi qeyd edilir. O, Yaponiyada sağ yönlü militarist imperiya dövründə yaşayır və gənc yaşlarından müharibədə iştirak edir. Misima kimi Koçan da adi yapon oğlanları ilə müqayisədə daha cılız və zəif fizionomiyaya malikdir və kitabın birinci yarısında (burada əsasən Koçanın uşaqlığı təsvir olunur) intensiv şəkildə yapon cəmiyyətinə uyğunlaşmağa çalışır.[3] Zəifliyi ilə əlaqədar olaraq Koçan həmyaşıdı olan oğlanlardan uzaq gəzir və bu onun üçün normaya çevrilir. Məhz bu onun ölüm, şiddət və seks haqqında gələcək fantaziyalarının yaranmasına gətirib çıxarır.[4] Bəzi tədqiqatçılar bu cür düşüncə tərzinin Misima üçün də xarakterik olduğunu qeyd edirlər.

Koçan homoseksualdır[2]Yapon imperiyası mühitində bunu gizli saxlamağa çalışır. Romanın əvvəllərində Koçan, kişilərə meyli olduğunu açıq şəkildə özünə etiraf etmir, lakin, başa düşür ki, kişilik və gücə heyrandır. Bəzi tədqiqatçılar, romandakı bu xüsusiyyətlərin də, öz üzərində ciddi şəkildə çalışaraq gözəl və modellərə xas fitnes quruluşlu bədən əldə etmiş Misima üçün avtobioqrafik xüsusiyyət daşıdığını qeyd edirlər.

Kitabın birinci fəslində Koçan dörd yaşı olarkən kitabda gördüyü illüstrasiyanı xatırlayır. Hətta belə kiçik yaşında belə onun yeganə xatirəsi qəhrəman görünüşlü at üzərində oturmuş Qafqaz cəngavərinin demək olar ki, pornoqrafik görünüşünə baxarkən utanması və başqalarının onu görməməsi üçün gizlətməsidir. Dayəsi ona dedikdə ki, şəkildəki cəngavər əslində Janna d'Arkdır, cəngavərin həmişə kişiliyin simvolu olmasını arzulayan Koçan, həmin illüstrasiyadan həmişəlik uzaqlaşır və qadının kişi geyimi geyinməsini qəbul edə bilmir.

“Maska” sözü Koçanın özünü dünyaya təqdim etmək üçün saxta şəxsiyyət yaratmasını ifadə edir. Erkən dövrlərdə o, dostu Ominin bədənindən həzz alır, cinsi yetkinlik dövründə o hesab edir ki, ətrafındakı hər kəs onu kimi əsl hisslərini gizlədərək “könülsüz maskarad”da iştirak edir. Böyüdükdən sonra o, Sonoko adlı qıza aşiq olmağa çalışır, lakin, onun gizli homoseksual hissləri və istəkləri daima ona əziyyət verir və həqiqətən aşiq olmasına imkan vermir.[2]

Haqqında[redaktə | əsas redaktə]

Romanın əsas qəhrəmanı və müəllifin həyatı arasındakı çoxsaylı oxşarlıqlara baxmayaraq, əsərdəki çoxsaylı açıq səhnələrə ehtiyyatla yanaşmaq lazımdır. Sözsüz ki, homoseksuallıq və qadınlara qarşı mürəkkəb münasibət mövzuları Misimanın özünə yaxın olmuşdur, lakin, “Maskanın etirafları” adı müəllifin özünün yox, hansısa başqa bir şəxsin etiraf etdiyinə işarədir.[Mənbə göstərin]

Qəbulu[redaktə | əsas redaktə]

Roman Corc Uolş tərəfindən oxunulmuş 50 ən böyük kitabdan biri seçilmişdir.[5]

İstinadlar[redaktə | əsas redaktə]

П: «Yaponiya»
П: «LGBT»
П: «Ədəbiyyat»
  1. Sato, Hideaki; Inoue, Takashi (2005). 決定版 三島由紀夫全集・第42巻・年譜・書誌 [Final edition-Yukio Mishima complete works No.42-Biographical sketch and Bibliography] (in Japanese). Shinchosha. p. 540.
  2. 1 2 3 "Confessions of a Mask". Encyclopedia of Japan. Tokyo: Shogakukan. 2012. İstifadə tarixi: 2012-04-14.
  3. "仮面の告白 (Kamen no Kokuhaku)". Nihon Kokugo Daijiten (日本国語大辞典) (yapon). Tokyo: Shogakukan. 2012. İstifadə tarixi: 2012-04-14.
  4. "仮面の告白 (Kamen no kokuhaku)". Nihon Daihyakka Zensho (Nipponika) (日本大百科全書(ニッポニカ) (yapon). Tokyo: Shogakukan. 2012. İstifadə tarixi: 2012-04-14.
  5. George Wals - 50 Plus One Great Books You Should Have Read (and Probably Didn't), Encouragement Press, LLC