Mateuş Bartel
 | |
|---|---|
| pol. Mateusz Bartel | |
 Mateuş Bartel 2022-ci ildə | |
| Ölkə |
 Polşa |
| Doğum tarixi | |
| Doğum yeri | Varşava, Polşa |
| Titulu | qrosmeyster (2005) |
| Son reytinqi |
|
| Maksimal reytinqi | 2.677 (may 2012) |
| FİDE nömrəsi | 1112635 |
 Vikianbarda əlaqəli mediafayllar | |
Mateuş Bartel (pol. Mateusz Bartel; doğ. 3 yanvar 1985) — Polşa şahmatçısı, qrosmeyster (2005). Bartel 2006, 2010, 2011 və 2012-ci illərdə Polşa Çempionatının qalibi adını qazanmışdır.
Şahmat karyerası
[redaktə | mənbəni redaktə et]Bartel şahmat oynamağı 6 yaşı olan zaman kiçik qardaşı ilə birlikdə suçiçəyi xəstəliyi səbəbindən evdə qalarkən atasından öyrənib. Sonradan onların hər ikisi "Poloniya Varşava" şahmat klubuna üzv yazılıblar.[2]
O, 2003-cü ildə 18 yaşadək gənclər arasında Avropa Çempionu olub. 2005-ci ildə isə Zoltan Dimeşi ilə eyni xal toplamış və onunla birlikdə İrlandiyanın Kork şəhərində keçirilən açıq şahmat turnirinin qalibi olmuşdur.[3]
Bartel 2007-ci ildə Men adasında keçirilən beynəlxalq turnirdə Vitali Qolod, Zahar Yefimenko, Yuri Yakoviç, Mixail Royz və Mixail Kobaliya ilə 1-6-cı yerləri bölüşdürüb.[4] 2009-cu ildə Prievidzada keçirilən turnirin qalibi olub.[5] O, 2012-ci ilin fevralında 11-ci Aeroflot Open turnirində Anton Korobov və Pavel Elyanova tay-brekdə qalib gələrək turnirin qalibi olub.[6]
Bartel 2013-cü ildə Çexiyanın "G-Team Nový Bor" komandasının tərkibində Yunanıstanın Rodos adasında keçirilən şahmat üzrə klublar arası Avropa kubokunun qalibi olub.[7]
Bartel 2015-ci ildə Qüdsdə keçirilən şahmat üzrə şəxsi Avropa çempionatında bürünc medal qazanmışdır.[8]
Bartel 2006, 2008, 2010, 2012 və 2014-cü illərdə ölkəsini Şahmat Olimpiadalarında təmsil edib. 2006-cı il Turin Olimpiadasında dördüncü lövhədə oynadı və 5/10 (+3 =4 -3) xal topladı.[9] 2008-ci il Drezden Olimpiadasında isə üçüncü lövhədə yarışdı və 4/7 (+3 =2 -2) xal topladı. 2010-cu il Xantı-Mansi Olimpiadasında beşinci lövhədə 9 oyundan 7 xal toplayaraq (+6 =2 -1) öz lövhəsində şəxsi nəticədə gümüş medal qazandı.[10] Fransa şahmatçısı Sebastyan Fellerin qaydaları pozduğuna görə diskvalifikasiya olunmasından sonra isə avtomik olaraq qızıl medala layiq görüldü.[11][12]
Şəxsi həyatı
[redaktə | mənbəni redaktə et]Bartel 2013-cü ildə polşalı qrosmeyster Marta Pjezdzetskaya ilə ailə həyatı qurub.[13]
İstinadlar
[redaktə | mənbəni redaktə et]- ↑ FİDE FIDE Standard Ratings as of 31 jul 2024. 2024.
- ↑ Interview with GM Mateusz Bartel Arxivləşdirilib 2015-09-05 at the Wayback Machine Chessdom
- ↑ "European Union Championship 2005". 2016-06-01 tarixində arxivləşdirilib. İstifadə tarixi: 2016-09-15.
- ↑ 16th Monarch Assurance Isle of Man 2007
- ↑ "Banicky kahanec 2009 July 2009 Slovakia". FIDE. 18 August 2022 tarixində arxivləşdirilib. İstifadə tarixi: 17 December 2011.
- ↑ "Aeroflot Open – Mateusz Bartel comes out on top". ChessBase.com. 2012-02-16. 2013-03-02 tarixində arxivləşdirilib. İstifadə tarixi: 18 February 2012.
- ↑ "ECC Concludes in Rhodes". 2022-09-24 tarixində arxivləşdirilib. İstifadə tarixi: 2016-09-15.
- ↑ "Euro: Najer holt Gold". 2016-04-11 tarixində arxivləşdirilib. İstifadə tarixi: 2016-09-15.
- ↑ Poland's scoresheet 2006 Arxivləşdirilib 2022-08-18 at the Wayback Machine Olimpbase
- ↑ "39th Olympiad Khanty-Mansiysk 2010 Open tournament". Chess-Results.com. 18 August 2022 tarixində arxivləşdirilib. İstifadə tarixi: 1 November 2010.
- ↑ "2010 Olympiad Medals – Board 5". 3 June 2013. 23 November 2020 tarixində arxivləşdirilib. İstifadə tarixi: 22 September 2013.
- ↑ 2010 Board 5 Medals Arxivləşdirilib 2020-09-25 at the Wayback Machine FIDE. 2015-11-09. Retrieved 25 December 2015
- ↑ "Congratulations to the happy couple, they married just last week!". 2020-11-29 tarixində arxivləşdirilib. İstifadə tarixi: 2016-09-15.
Xarici keçidlər
[redaktə | mənbəni redaktə et]
- FIDE Chess profili
- Mateuş Bartel. Chess-DB.com Arxivləşdirilib 2016-09-17 at the Wayback Machine (ing.)
- Mateuş Bartel . Chessgames.com (ing.)
- Mateuş Bartel. 365Chess.com (ing.)
Tematik saytlar | |
|---|---|
| Lüğətlər və ensiklopediyalar |
