Mayk Pompeo

Vikipediya, açıq ensiklopediya
Jump to navigation Jump to search
Mayk Pompeo

Maykl ( Mayk) Riçard Pompeo (ing. Michael Richard «Mike» Pompeo; d. 20 dekabr 1963-cü il, Orinc, Kaliforniya, ABŞ) — amerika siyasətçisi. 2011-ci ildən Kanzas şatatını ABŞ Nümayəndələr Palatasında təmsil edir.

18 noyabr 2016-cı ildə ABŞ-ın 45-ci, yeni seçilmiş Prezidenti Donald Trampın Mərkəzi Kəşfiyyat İdarəsinin direktoru vəzifəsini tutmaq təklifini qəbul edib[1].

Həyatı[redaktə | əsas redaktə]

Pompeo Vest Point hərbi akademiyasından birinciliklə məzun oldu (1986). Bir müddət Soyuq Müharibə dövründə orduda xidmət elədi. Daha sonra isə Harvard Universitetində hüquq təhsili aldı. Harvard Law Review adlı jurnalın redaktəsini etdi. Qısa müddətlik vəkillik işinin ardından hərbi təyyarələr üçün parçalar emal edən Thayer Aerospace adlı firmanı qurdu. Neft ehtiyatlarında istifadə edilən vasitələri istehsal edən Sentry İnternational firmasında rəhbərlik etdi. 2010-cu ildə Kanzas ştatından Nümayəndələr Palatasının üzvü olub. Kəşfiyyat komissiyasında vəzifə göstərdi. 2012-ci ildə Liviyanın Benqazi şəhərində Amerika səfiri və bir çox diplomatın ölümü ilə nəticələnən hücumu araşdıran komissiyada vəzifə aldı. MKİ rəhbərliyinə gələndə İnsan haqları təşkilatları ABŞ Senatına, Pompeonun MKİ Rəhbərliyini bəyənməmə çağırışı etdi. Vəzifəsini davam etdirərkən Donald Trump tərəfindən Reks Tillersondan sonra xarici işlər naziri təyin olunub. Trump onun üçün "Mike Pompeo, ölkəmizə şərəflə xidmət etmiş, həyatını, vətəndaşlarımızın təhlükəsizliyi üçün vuruşaraq keçirmişdir.O, Amerika və müttəfiqlərinin təhlükəsizliyini təmin edən kəşfiyyat cəmiyyətinin məğlubedilməz lideri olacaq" ifadələrini işlətmişdir.[2][3]

Düşüncələri[redaktə | əsas redaktə]

Mühafizəkar düşüncəyə yaxın olan Pompeo abortun əleyhinədir. Barak Obamanın Quantanamo bazsını bağlamaq planına qarşı çıxdı. 2013-cü ildə “İslamçı terroristləri tənqid etməyən müsəlman din adamlarının terror hücumlarında iştirakçı olduqlarına” aid fikirləri, demokratlar və müsəlman lobbisi təşkilatların reaksiya verməsinə və qınağına səbəb oldu. O boğulma hissi verən su tapşırıqları haqqında "həyati məlumatlar əldə etmək" üçün istifadə oluna biləcəyini bildirdi. Gizli sənədləri ifşa etdirən keçmiş Milli Təhlükəsizlik Qurumunun (NSA) əməkdaşı Edvard Snovdeni vətən xaini olaraq gördü və edam fikrini dəstəklədi. İranla 2015-ci ildə əldə olunan nüvə razılaşmasına qarşı çıxdı. Hökumətin vətəndaşları dinləmə səylərini dəstəklədi.[2][3]

Şəxsi həyatı[redaktə | əsas redaktə]

Pompeo, 1986-cı ildə Leslie Libert ilə ailə həyatı qurdu və daha sonra ikinci dəfə ailə həyatını Suzan Pompeo ilə qurdu. Bir oğulları var. Mayk və həyat yoldaşı Suzan Pompeo, Yevangelik Presbiteryen kilsəsinə mənsubdurlar. Pompeo, yerli kilsə dyakonu olaraq xidmət edir və Bazar məktəbində dərs deyir.


İstinadlar[redaktə | əsas redaktə]

Mənbə[redaktə | əsas redaktə]