Metro 2033 (roman)

Vikipediya, açıq ensiklopediya
Keçid et: naviqasiya, axtar
Metro 2033
rus. Метро 2033
Metro 2033 (az).jpg
Kitabın azərbaycanca ilk nəşrinin üz qabığı
Müəllif: Dmitri Qluxovski
Janr: Roman
Orijinalın dili: Rusca
Yazılma tarixi: 2005
Orijinal nəşr olunub: 2005
Tərcüməçi: Elçin İbrahimov
Rəssam: Teymur Fərzi
Nəşriyyat: Hədəf
Səhifə: 348 (rus)
458 (ingilis)
656 (azərbaycanca)
Sonrakı: Metro 2034
ISBN 978-9952-464-85-6

Metro 2033 – Rusiya yazıçısı Dmitri Qluxovski tərəfindən 2005-ci ildə yazılmış fantastik roman. Roman 2005-ci ildə Rusiyada, 18 mart 2010-cu ildə isə ABŞ-da nəşr olunmuşdur. Roman əsasında video oyun hazırlanmışdır. Dmitri Qluxovski daha sonra romanın davamı olan "Metro 2034" kitabını yazmışdır.

Hekayə[redaktə | əsas redaktə]

Hadisələr 2033-cü ildə baş verir. Nüvə müharibələrindən sonra dünya radiasiya ilə örtülüb, şəhərlər mutasiyaya uğramış heyvan sürüləri ilə doludur. İnsanlar dünyanın ən böyük metrosu - Moskva metrosunda sağ qalmağa çalışırlar. Romanın baş qəhramanı Artyomun stansiyası olan VDNÇ digər mutantların əksinə ağıllı olan, insanların zehinlərini oxuya bilən və onları toxunmadan öldürə bilən qəribə mutantların — Qaradərililərin təhlükəsi altındadır. Artyomun ögey atası Suxoyun keçmiş dostu cəsur Hanter Qaradərililərin sirrini açmaq üçün hər kəsin getməyə qorxduğu VDNÇ stansiyasının şimalındakı tunelləri öyrənməyə gedir. Hanter Artyoma geri qayıtmayacağı təqdirdə polisə müraciət etməsini deyir. Hanter günlərlə qayıtmayınca Artyom onu axtarmağa qərar verir. Kitab metro tunellərində və ancaq qaz maskası ilə çıxmağın mümkün olduğu xarici dünyada Artyomun stansiyasını xilas etmək üçün nasistlərlə, sovetlərlə və mutantlarla mübarizəsindən bəhs edir. Kitab oxuyucu heyrətləndirəcək sürpriz bir sona sahibdir.

Obrazlar[redaktə | əsas redaktə]

Adı Haqqında
Artyom Romanın baş qəhrəmanı. Əsas misyası Hanterin qayıtmamasını "Polis" stansiyasına bildirməkdir.
Hanter "Ovçu" ləqəbli insan. Hanter metronun qaralardan qorunması üçün işləyən stalkerdir.
Pyotr Andreyeviç VDNX stansiyasının növbətçilərindən biri.
Andrey VDNX stansiyanın keşikçisi
Saşa Artyomun ögey atası. Saşa Artyom hələ uşaq ikən siçanlardan xilas etmiş, ona atalıq etmişdir.
Jenya Artyomun ən yaxın uşaqlıq dostu.
Xan Metronun sakinlərindən biri. Xeyirxahdır. Prospekt Mira stansiyasında Artyomun həyatını xilas edir
Burbon Alverçi. Burbon Artyomun onu "Prospekt Mira" stansiyasına qədər aparmasını xahiş edir, amma özü yolda ölür.
Tuz Adi sakin. Romanda əvvəlcə ona sadəcə saqqalllı adam kimi xitab olunur. Artyom və Hanter ilə birlikdə "Kitay-qorod" stansiyasına gedir.
Mixail Porfiryeviç Qoca kişi. Artyom "Kitay-qorod" stansiyasında onun həyatını xilas etmişdir.
Vaneçka Mixail Porfiryeviçin baxdığı kiçik qız.

Fəsillər[redaktə | əsas redaktə]

Roman 20 fəsildən ibarətdir:

Fəsilin adı Səhifə sayı (az.versiyası)
1 Səfər başlayır 35
2 Hanter 28
3 Əgər geri qayıda bilməsəm 27
4 Tunelin səsi 28
5 Avtomat daraqları üçün 31
6 Güclü olanın haqqı 36
7 Zülmət Xanlığı 36
8 Dördüncü Reyx 38
9 Öləcəksən 37
10 Keçid yoxdur 34
11 İnana bilmirəm 34
12 Polis şəhərciyi 33
13 Böyük Kitabxana 36
14 Yuxarıda 25
15 Plan 33
16 Ölülərin musiqisi 32
17 Böyük Soxulcanın övladları 26
18 İqtidar 32
19 Son müharibə 35
20 Sürünmək üçün dünyaya gələnlər 25

Video oyun[redaktə | əsas redaktə]

Metro 2033 romanı əsasında video oyun hazırlanmışdır. 4A Games firması tərəfindan 2010-cu ilin martında buraxılmışıdır. Yazıçı Dmitri Qluxovski də oyunun hazırlanmasında kömək göstərmişdir.

Qəbul[redaktə | əsas redaktə]

2010-cu ildə 500.000 nüsxəsi satılmışdır.[1] 2 milyon insan kitab hələ çıxmamışdan əvvəl rəsmi saytından oxumuşdur.[2] Roman 20-dən çox ölkədə 30 dilə tərcümə olundu. 2007-ci ildə "Eurocon" müasbiqəsində Avropa Elmi Fantastika Cəmiyyəti tərəfindən Təşviq Mükafatına layiq görüldü.[3]

Tərcümə və nəşr[redaktə | əsas redaktə]

Kitab 20-dən çox ölkədə 30 dilə tərcümə olunub. Əsər 2013-cü ildə Elçin İbrahimov tərəfindən Azərbaycan dilinə tərcümə olunmuş və Hədəf nəşriyyatı tərəfindən çap edilmişdir.[4][5]

İstinadlar[redaktə | əsas redaktə]

  1. "Interview: Metro 2033′s Dmitry Glukhovsky and Huw Beynon". http://www.vg247.com/2010/02/25/interview-metro-2033s-dmitry-glukhovsky-and-huw-beynon/.
  2. "Metro 2033 review". http://bitmob.com/articles/metro-2033-interview.
  3. "Bio of Dmitry A. Glukhovsky". http://zagreb-eurocon2012.com/guests-of-honour/dmitry-a-glukhovsky/.
  4. “METRO 2033″-DMİTRİ QLUXOVSKİ  (azərb.)
  5. *Metro 2033, Dmitri Qluxovski  (azərb.)

Xarici keçidlər[redaktə | əsas redaktə]