Minarə məscidi

Minarə məscidi
Minarə məscidi
	37°33′03″ şm. e. 45°04′13″ ş. u.
Ölkə	İran
Şəhər	Urmiya
Yerləşir	Urmiya
Aidiyyatı	Qacarlar dövləti
Sifarişçi	Hacı Əliyarxan
Hündürlüyü	22,5 m
Uzunluğu	15 m;
Eni	14 m
Sahəsi	450 m²;
Material	daş[d], Kərpic, ağac
	Minarə ; məscidi
	Vikianbarda əlaqəli mediafayllar

Minarə məscidi (azərb-ərəb. میناره مسجیدی‎) — Qacarlar dönəmində Urmiyada Hacı Əliyarxan sifarişi ilə tikilmiş tarixi məscid.

Haqqında[redaktə | mənbəni redaktə et]

Minarə məscidi Qacarlar dönəmində və 19-cu əsrin sonlarında tikilib. Minarə məscidində 1908-ci ildə quruculuq işləri aparılaraq, restavrasiya edilmişdir. Bu məscid Urmunun başqa məscidləri ilə fərqli olaraq, bir uca minarəyə malik olmasına görə belə adlandırılmışdır. İndilikdə məscid Urmunun mərkəzi hissəsi olan İmam xiyabanında yerləşir.^[3]

Memarlıq xüsusiyyətləri[redaktə | mənbəni redaktə et]

Minarə məscidi kiçik bir məscid olaraq, həyət, eyvan və hovuzu yoxdur. Bu məscid bir uca minarəsi olmaqla, günbəzsizdir. Ama damının qabarıq olmasına görə ilk baxanda günbəzli bir məscidə bənzəyir. Məscidin tikintisində işlədilən əsas materiallar kərpic, daş və ağacdır. Məscid minarəsinin hündürlüyü 22,5 metr olmaqla eni aşağıdan yuxarıya azalır. Minarənin yuxarı hissəsi kaşı ilə bəzədilmişdir. Məscidin tikintisində işlədilən kərpiclər dördbucaq şəkillidir.^[4]