Mirnaib Həsənoğlu

Vikipediya, azad ensiklopediya
Naviqasiyaya keçin Axtarışa keçin
Mirnaib Həsənoğlu
Mirnaib Həsənoğlu
Doğum tarixi
Doğum yeri Gəncə
Vətəndaşlığı Azərbaycan
İxtisası fotoqraf
Fəaliyyət illəri 1982-dən

Mirnaib Həsənoğlu — peşəkar fotoqraf, fotoqrafiya ilə bağlı bir çox kitabların müəllifi, Azərbaycan Fotoqraflar Birliyinin təsisçilərindən biri.

Həyatı[redaktə | mənbəni redaktə et]

Mirnaib Həsənoğlu 1962-ci ildə Gəncə şəhərində anadan olmuşdur. 1982-ci ildən etibarən peşəkar fotoqrafiya ilə məşğul olur. 1984-cü ildə Azərbaycan Dövlət İncəsənət İnstitutuna (indiki Universitet) qəbul olunub və 1989-cu ildə oranı bitirmişdir.[1]

Fəaliyyəti[redaktə | mənbəni redaktə et]

1990-cı ildən etibarən onun fəaliyyəti mətbuatda çap olunmağa başladı. 1995-də Fransanın Nant şəhərində fotosərgidə iştirak etmişdir. 1997-də YUNİSEF tərəfindən “Keçid dövrünün portretlərinin Azərbaycan tərzi" və "Azerbaijan Refuges", 1998-də isə “Azərbaycan” kitablarının müəlliflərindən biri olmuşdu. 1997-2002  «ing. World Press Photo» мüsabiqələrinin  iştirakçısı olmuş, 1998-də Açıq Cəmiyyət İnstitutunun Nyu York şöbəsindən “Ehtiyac Pərvanələri” lahiyəsinə görə təqaüd almışdır. 1998-ci ilin noyabrda Azərbaycan Fotoqraflar Birliyinin təsisçilərindən biri olmuş [2] və 2011-2022-ci illərdə həmin birliyə sədrlik etmişdir.[3][4] O, bu müddət ərzində bir çox fotoalbomların müəllifi kimi beynəlxalq mükafatlara layiq görülmüş, fotosərgilər keçirmişdir.[5][6]

Mirnaib Həsənoğlunun foto yaradıcılığında Qarabağ mövzusu da hər zaman xüsusi yer tutub. Belə ki, o, istər birinci, istərsə da ikinci Qarabağ müharibəsi ilə bağlı geniş foto arxiv işləyib saxlamışdır.[7][8][9] O, 2011-ci ilin dekabrında Fransada Senatda “Haut Garabagh” adlı fərdi foto sərgi keçirib.[1][10]

2021-ci il aprelin 29-da Milli Azərbaycan Tarixi Muzeyində “Ermənistanın dövlət terrorizmi Azərbaycan fotoqraflarının obyektivində” adlı fotosərginin açılışı oldu. Fotosərgi Azərbaycanın 44-günlük Vətən müharibəsinə həsr olunan “Anadır arzulara hər zaman Qarabağ” adlı sərginin çərçivəsində hazırlanıb. Fotosərgidə bir neçə fotoqrafa,o cümlədən Mirnaib Həsənoğluya məxsus 50-dən artıq fotoşəkil nümayiş olundu. Fotoşəkillərin toplanmasında da Mirnaib Həsənoğlu muzeyə dəstək olmuşdur.[11][12]

İstinadlar[redaktə | mənbəni redaktə et]

  1. 1 2 "Fotoqrafiya". 2023-09-02 tarixində arxivləşdirilib. İstifadə tarixi: 2023.09.02.
  2. "Azərbaycan Fotoqraflar Birliyi". 2020-01-21 tarixində arxivləşdirilib. İstifadə tarixi: 2023.09.02.
  3. "Haqqında". AFB (az.). 2016-06-09. 2023-09-02 tarixində arxivləşdirilib. İstifadə tarixi: 2023-09-01.
  4. Yarpaq. "Mirnaib Həsənoğlu Fotoqraflar Birliyinin yeni sədri seçildi". yarpaq.az. 2023-09-02 tarixində arxivləşdirilib. İstifadə tarixi: 2023-09-01.
  5. Bayramlı, Toğrul. "Rəssamla tanışlıq: Mirnaib Həsənoğlu - Tədbir". EduOnline.Az (az.). 2018-01-27. 2023-09-02 tarixində arxivləşdirilib. İstifadə tarixi: 2023-09-01.
  6. "Foto". İstifadə tarixi: 2023.09.02.
  7. "1905". 2023-09-02 tarixində arxivləşdirilib. İstifadə tarixi: 2023.09.02.
  8. Əliyeva, Kəmalə. "Qarlı Şuşa: Azərbaycanın mədəniyyət paytaxtının unikal kadrları - FOTO". Sputnik Azərbaycan (az.). 2022-10-30. 2023-09-02 tarixində arxivləşdirilib. İstifadə tarixi: 2023-09-02.
  9. "Şuşa". 2023-09-02 tarixində arxivləşdirilib. İstifadə tarixi: 2023.09.02.
  10. "Fransa Senatında Ermənistan-Azərbaycan, Dağlıq Qarabağ münaqişəsi ilə bağlı «dəyirmi masa» keçirilmişdir". worldinfo.az (az.). 1970-01-01. 2023-09-02 tarixində arxivləşdirilib. İstifadə tarixi: 2023-09-02.
  11. Nakhiyev, Toghrul Nasirli, Alakhber. "Muzeydə "Ermənistanın dövlət terrorizmi Azərbaycan fotoqraflarının obyektivində" adlı fotosərgi təşkil olunacaq". science.gov.az (az.). 2023-09-02 tarixində arxivləşdirilib. İstifadə tarixi: 2023-09-02.
  12. "azertag". 2021-05-12 tarixində arxivləşdirilib. İstifadə tarixi: 2023.09.02.