Mixail Mil

Vikipediya, açıq ensiklopediya
Jump to navigation Jump to search
Picto infobox character.png
Mixail Mil
Михаи́л Лео́нтьевич Миль
Fotoqrafiya

Doğum tarixi
22 noyabr 1909(1909-11-22)
Doğum yeri İrkutsk, Rusiya İmperiyası
Vəfat tarixi 31 yanvar 1970 (60 yaşında)
Vəfat yeri Moskva, RSFSR, SSRİ[1]
Vətəndaşlıq Flag of Russia.svg Rusiya İmperiyası
Flag of the Soviet Union.svg SSRİ
Peşəsi aerospace engineermühəndis
Milliyyətirus
İxtisası Mühəndis
TanınırMil Moskva Helikopter Zavodu
MükafatlarıSosialist Əməyi Qəhrəmanı
"Lenin" ordeni"Lenin" ordeni"Lenin" ordeniII dərəcəli "Vətən Müharibəsi" ordeni"Qırmızı Əmək Bayrağı" ordeni (SSRİ)"Qırmızı Ulduz" ordeni
Lenin mükafatıSSRİ dövlət mükafatı
VikiAnbarda Commons-logo.svg audio, foto və videofayllar

Mixail Leontyeviç Mil (rus. Михаил Леонтьевич Миль; 22 noyabr 1909, İrkutsk – 31 yanvar 1970, Moskva) Sovet aerokosmik mühəndisi olmuşdur. Dünyaca məşhur Sovet istehsalı "Mi" seriyalı helikopterlərin istehsalı ilə məşğul olan Mil Moskva Helikopter Zavodunun qurucusudur.[2]

Bioqrafiyası[redaktə | əsas redaktə]

Mixail Mil 1909-cu ildə İrkutskda anadan olmuşdur. Atası Trans-Sibir Dəmiryolu işçisi, anası isə diş həkimi olmuşdur. Latviyanın Liepaya şəhərindən hərbi xidmətə çağırılmış babası 25 il Rusiya İmperator Donanmasında xidmət etdikdən sonra Sibirdə məskunlaşmışdır.

Mil aviasiya sahəsində ilk mükafatını hələ 12 yaşı olarkən qazanmışdır. O, 1926-cı ildə Tomsk şəhərində yerləşən Sibir Texnologiya İnstitutuna daxil olmuş, lakin burada aviasiya mühəndisi ixtisası olmadığına görə 1928-ci ildə bu sahədə ixtisaslaşmaq məqsədilə Novoçerkassk şəhərində yerləşən Don Politexnik İnstitutunda təhsilini davam etdirməyə başlamışdır.[3] 1932-ci ildə P.G. Rudenko ilə ailə həyatı qurur.

Məzun olduqdan sonra Mərkəzi Aerohidrodinamik İnstitutunda (TsAGI) işləməyə başlamışdır. O, burada gələcək rəqibi olacaq Nikolay Kamovun köməkçisi vəzifəsində xidmət edirdi. İkinci dünya müharibəsinin başlamasına görə Mil Qırmızı Ordu sıralarına çağırılmış və 1941-ci ildə Şərq Cəbhəsində almanlara qarşı döyüş əməliyyatlarında iştirak etmişdir. 1943-cü ildə döyüş aviasiyasının idarə olunmasının və stabilliyinin inkişaf etdirilməsi proqramında iştirak etməsi məqsədilə geriyə çağrılmışdır. 1947-ci ildə dissertasiyalarını tamamladıqdan sonra TsAGI-nin Helikopter Laboratoriyasına müdir təyin olunmuşdur. Sonradan bu müəssisə Moskva Helikopter Zavodu adlandırılmışdır.

Mixail Mil işlədiyi dövr ərzində bir çox yerli və beynəlxalq mükafatlara layiq görülmüş, 69 dünya rekordu gerçəkləşdirmişdir. 1958-ci ildə onun dizayn etdiyi Mil Mi-4 helikopteri Brüssel Beynəlxalq Sərgisində qızıl medal qazanmışdır. 1971-ci ildə ölümündən sonra Mil Mi-12 helikopteri "Sikorski" mükafatına layiq görülmüşdür.

Mixail Mil 31 yanvar 1970-ci il tarixində Moskva şəhərində vəfat etmişdir.

Həmçinin bax[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda Mixail Mil ilə əlaqəli mediafayllar var.