Murad Muradov (rejissor)
Murad Muradov | |
---|---|
Murad Ələkbər oğlu Muradov | |
Doğum tarixi | |
Doğum yeri | Bakı, Azərbaycan SSR, SSRİ |
Milliyyəti | azərbaycanlı |
Vətəndaşlığı |
![]() ![]() |
Fəaliyyəti | aktyor |
Təhsili |
Murad Ələkbər oğlu Muradov (1984, Bakı) — Azərbaycan rejissoru və kinooperator.
Həyatı
[redaktə | mənbəni redaktə et]Murad Ələkbər oğlu Muradov 1984-cü ildə Bakı şəhərində anadan olmuşdur. 1991-2001-ci illər ərzində A.N.Ələkbərov Adına İncəsənət Gimnaziyasında təhsil almış, oxuduğu dövrlərdə orada fəaliyyət göstərən Uşaq Yaradıcılıq Studiyasında bir sıra filmlərin müəllif olmuşdur. Müəllimləri Ənvər Əbluc və Gülbəniz Əzimzadə olmuşdur. 2001-ci ildə Azərbaycan Dövlət Mədəniyyət və İncəsənət Universitetinin Kinorejissorluq Fakültəsinə daxil olmuşdur. Müəllimi əməkdar incəsənət xadimi, kinooperator, kinorejissor Rasim İsmayılov olmuşdur. 2005-ci ildə universiteti Qırmızı diplom ilə bitirmişdir. Diplom işi kimi "Uçan çinarlar" filmini çəkmişdir. Rüstəm İbrahimbəyovun Beynəlxalq Kino Məktəbində təhsil almışdır. Hazırda İncəsənət Gimnaziyasında kinorejissorluq fənni üzrə müəllimdir. "XXI Əsr" Uşaq Yaradıcılıq Studiyasının rəhbəridir. "Murad Prodakşn" şirkətinin vitse-prezidentidir. Subaydır.
Çəkdiyi filmlər bir çox festivalların qalibi olmuşdur. Bundan əlavə o 13 dəqiqəlik "İlk döyüş", 1 dəqiqəlik "Su", 10 dəqiqəlik "Köhnə və Yeni Bakı", 35 dəqiqəlik "Səsin mirzəsi" və s. filmlərin müəllifidir.
- Azərbaycan kinomexaniki Yunus Muradovun nəvəsidir.
- Azərbaycan rejissoru Ələkbər Muradovun oğludur.
Festivallar və mükafatlar
[redaktə | mənbəni redaktə et]1) 2001-ci ildə çəkdiyi "Xüsusi Təyinatlı Dəstə" adlı 20 dəqiqəlik qısametrajlı bədii filmi
- I Audiovizual Festivalda ən yaxşı debüt işi kimi Priz və Diplom almışdır.
- Şərq-Qərb Festivalında iştiraka görə Diplom almışdır.
- 2002-ci ildə Moskva Debüt Kinotavr festivalında Diplom almışdır.
- Kinorejissor Səməd Mərdanov Adına I Gənclər Festivalında Priz və Diplom almışdır.
2) 2002-ci ildə çəkdiyi "İnam" 13 dəqiqəlik sənədli filmi
- Gənclər Yaradıcılıq Festivalında Priz və Diplom almışdır.
3) 2005-ci ildə çəkdiyi "Uçan çinarlar" 16 dəqiqəlik sənədli diplom işi
- V Beynəlxalq Audiovizual Festivalında Priz və Diplom almışdır.
4) 2006-cı ildə çəkdiyi "Ruhumun harayı" 6 dəqiqəlik sənədli filmi
- VI Beynəlxalq Audiovizual Festivalında Bakı Şəhəri İcra Hakimiyyəti Kino Xidmətinin xüsusi Priz və Diplomunu almışdır.
5) İnternews şirkətinin istehsal etdiyi, Azərbaycan və Gürcüstanın birgə istehsalı olan "Kənar" 8 dəqiqəlik sənədli filmi
- Cənubi Qafqaz gəncləri arasında keçirilən Beynəlxalq Sənədli Filmlər festivalında ən yaxşı emosional film nominasiyasında Priz və Diplom, ən yaxşı rejissor işi kimi və ən yaxşı film nominasiyasında Diplom almışdır.
Filmoqrafiya
[redaktə | mənbəni redaktə et]- Xüsusi Təyinatlı Dəstə (film, 2001) (qısametrajlı bədii film) — rejissor
- İlk döyüş (film, 2001) (qısametrajlı sənədli film) — rejissor
- İnam (film, 2002) (qısametrajlı sənədli film) — rejissor
- Güllələnmə təxirə salınır!... (film, 2002) (tammetrajlı bədii film) — aktyor: Xanın uşaqlığı; rejissor assistenti
- Su (film, 2003) (qısametrajlı sənədli film) — rejissor
- Ərənlər (film, 2005) (qısametrajlı sənədli film) — rejissor assistenti
- "Hacı Mail" nağılı... (film, 2005) (qısametrajlı sənədli film) — rejissor assistenti
- Köhnə və Yeni Bakı (2005) (qısametrajlı sənədli film) — rejissor
- Uçan çinarlar (film, 2005) (qısametrajlı sənədli film) — rejissor
- Yoxlama (film, 2006) (çoxseriyalı bədii film) — aktyor
- Ruhumun Harayı (2006) (qısametrajlı sənədli film) — rejissor
- Səsin Mirzəsi (2006) (qısametrajlı sənədli film) — rejissor
- Kənar (film, 2007) (qısametrajlı sənədli film) — rejissor
- Anlama... (film, 2008) (qısametrajlı bədii film) — rejissor[1]
- Qala (film, 2008)
- Dünya uşaqları(2009) (sənədli film) — rejissor
- Sonuncu dərviş (film, 2009) — rejissor
- Adın sirri və tale. Qurban Səid (film, 2010)
- Tarixin izi ilə... Yaqub Mahmudov [2]
- Toy marşı - Bakı toyları (2013)[3]
- Dünya uşaqları[4]
- Əfsanə (film, 2017)
- Bu şəhərdə kimsə yoxdur (serial, 2024) — aktyor
İstinadlar
[redaktə | mənbəni redaktə et]- ↑ Azərbaycanlı rejissorun “Anlama”sı Özbəkistanda nümayiş olunub: [Rejissor Murad Muradovun eyni adlı filmi] //525-ci qəzet.- 2011.- 9 iyun.- S. 7.
- ↑ "Müasirlərlə dialoq" layihəsi çərçivəsində daha bir görüş reallaşmışdır: [rejissor Murad Muradovun "Tarixin izi ilə... Yaqub Mahmudov" sənədli televiziya filminin nümayişi] //Azərbaycan.- 2011.- 22 iyun.- S. 6.
- ↑ Azəri, L. “Toy marşı - Bakı toyları”: [rejissorları Ələkbər Muradov və Murad Muradov olan eyniadlı tammetrajlı bədii-sənədli film haqqında] //Mədəniyyət.- 2013.- 5 aprel.- S. 11.
- ↑ "Dünya uşaqları": Yeni film çəkilib: [Rejissor Murad Muradovun balacaların həyatından bəhs edən filmi haqqında] //Mərkəz.- 2009.- 11 fevral.- S. 11.