Murtaza Qaraçanta

Vikipediya, açıq ensiklopediya
Jump to navigation Jump to search
Murtaza.jpeg

Murtaza Qaraçanta Vural oğlu - (d. 25 iyul 1961, Qars, Türkiyə), Milliyətçi Hərəkat Partiyasının namizədi kimi, 30 mart, 2014-cü ildə Qars Bələdiyyə sədri seçilmişdir.

Həyatı[redaktə | əsas redaktə]

Murtaza Qaraçanta 25 iyul 1961-ci ildə Qarsda, Azərbaycan kökənli ailədə doğulmuşdur. Anadolu Universiteti İqtisadi və İdari Elmlər Fakültəsini Menecerlik ixtisası üzrə bitirmişdir. Ailəlidir, 2 övladı var.

Fəaliyyəti[redaktə | əsas redaktə]

Pensiyada olan bürokrat, mühasib və hesab mütəxəsisi, Qars bələdiyyəsi üzvü, Anadolu Universiteti iqtisadi və İdari Elmlər fakültəsindən Menecerlik ixtisası üzrə məzun olmuşdur.

Sosial Təminat Qurumu Qars şöbə müdiri, Maliyyə Xidmətləri müdirliyindən pensiyaya çıxmişdir.

Qars mədəniyyəti və turizminə xidmət etmək üçün Kültür və Turizm Qars İl Müdirliyi tərkibində qurulan Kültür Turizm Dərnəyinin idarə heyətinə seçilmişdir. 29 mart, 2009-cu ildə məhəlli seçkilərdə Milliyətçi Hərəkat Partiyasının Qars Bələdiyyə Məclis üzvlüyünə seçildi. Plan-büdçə, İmar və Nəzarət Komissiyalarında çalışdı.[1] . 30 mart, 2014-cü ildə seçkilərdə MHP-dən Qars Bələdiyyə sədri namizədi oldu və seçkiləri qazanaraq, Qars Bələdiyyə sədri old.

Bələdiyyə sədri seçildikdən sonra, MHP rəhbərliyi tərəfindən səbəb göstərilmədən partiyadan istefasl istənmişdir. Nəticədə 8 fevral, 2018-ci ildə istefa vermiş və Bələdiyyə sədrliyini bitərəf kimi davam etdirir.[2]

Azərbaycanla əlaqələri[redaktə | əsas redaktə]

Murtaza Qaraçanta Qərbi Azərbaycan əsillidir. Ağbaba-Şörəyel mahalının (Amasiya rayonu) Qaraçanta kəndindəndir. Cənub-Qərbi Qafqazda Ələyəz (Alagöz) dağının ətəklərindən tutmuş Arpaçay boyunca uzanan və Arpa gölünün ətrafını əhatə edən ərazinin dağlıq hissəsi Ağbaba, aran hissəsi isə Şörəyel adlanır. İndiki Ermənistanın ərazisində qalan, sonralar Amasiya rayonu adlandırılan Ağbaba qərbdən Çıldır, şərqdən Gümrü, şimaldan Axalkələk və şərqdən Qızılqoç (Qukasyan) rayonu ilə əhatə olunmuş dağlıq ərazidir. AMEA-nın elmi işçisi Nazim Mustafanın uzun illər apardığı tədqiqatlardan bəlli olur ki, Arpaçay Şörəyelin özünü iki hissəyə ayırır. Qars vilayəti ərazisində qalan hissə Qərbi Şörəyel, bir hissəsi indiki Ermənistan ərazisində qalan ərazi isə Şərqi Şörəyel adlanır.1918-ci ilədək 39 kəndi özündə birləşdirən və Qars vilayətinin tərkibində olan Ağbaba nahiyəsinin ərazisinin böyük bir qismi əvvəlcə Gümrü (1920), sonra isə MoskvaQars (1921) müqavilələrinə əsasən, Ermənistanın tərkibinə qatılıb.

Murtaza Qaraçantanın atası Vural bəyin babasının adı Abbasqulu bəydir. O dövrdə xeyirxah əməllərinə görə mahalda "Abbas əmi" kimi tanınırmış. Xeyli var-dövləti olan Abbasqulu bəyin, Sovetlərin gəlişindən sonra, kollektivləşdirmə zamanı, bütün var-dövləti müsadirə olunmuşdur. Bundan sonra Abbasqulu bəy ailəsi ilə Sovetlərin təqibindən qurtulmaq üçün 1930-cu illərdə Qarsa getmişdir.[3]

Türkiyə-Azərbaycan münasibətlərinin inkişafına Qarsdan və bölgədən yardım etmək məqsədilə Qars Azərbaycan Kültür və Dayanışma Dərnəyini quraraq, qurucu rəhbərlik vəzifəsini almışdır. Həmçinin Murtaza Qaraçantanın qardaşı Murad Qaraçanta bir müddət Türkiyənin Bakıdakı səfirliyində mədəniyyət və tanıtma müşaviri olmuşdur.[4][5]

İstinadlar[redaktə | əsas redaktə]