Mustafa Şərifov

Vikipediya, azad ensiklopediya
Jump to navigation Jump to search
Mustafa Şərifov
Mustafa İsmayıl oğlu Şərifov
Doğum tarixi
Doğum yeri Şəki, Şəki qəzası
Vəfat tarixi
Vəfat yeri Bakı
Təhsili Xarkov Universiteti, 1899[1]
Fəaliyyəti həkim

Mustafa İsmayıl oğlu Şərifov (1875-1938) — ilk azərbaycanlı sanitar-həkim.

Həyatı[redaktə | mənbəni redaktə et]

Mustafa İsmayıl oğlu 1875-ci ildə Şəki şəhərində anadan olmuşdu. 1899-cu ildə Xarkov universitetinin tibb fakültəsini bitirmişdi. 1901-ci ildə Cavanşir qəzasında həkim işləmişdi. İlk azərbaycanlı sanitar-həkim hesab olunur.[2] Sonralar Bakıda rayon sanitar - epidemioloji stansiyasına müdir təyin olunmuşdur. 1918-1920-ci illərdə isə Bakı şəhəri tibb-sanitar hissəsinin müdiri işləmişdir. M.İ. Şərifov Bakı Şəhər Səhiyyə şöbəsinin müdir müavini, Əmək Gigiyenası və Peşə Xəstəlikləri İnstitutu statistika şöbəsinin müdiri, "Azneft"in tibb-sanitar idarəsində müdir müavini vəzifələrində işləmişdir. Azərbaycanda səhiyyənin təşkilində yüksək xidmətlərinə görə Mustafa İsmayıl oğlu Şərifova 1932-ci ildə "Azərbaycan SSR Əmək Qəhrəmanı" fəxri adı verilmişdir.

Mustafa Şərifov 1938-ci ildə vəfat edib.

İstinadlar[redaktə | mənbəni redaktə et]

  1. [1]
  2. CBC. "Музей медицины Азербайджана" (rus). Youtube.com. 21.04.2016. İstifadə tarixi: 2016-04-21.