Mustafa Koçak
| Mustafa Koçak | |
|---|---|
| türk. Mustafa Koçak | |
| Doğum tarixi | ən tezi 1 yanvar 1992 və ən geci 24 aprel 1993 və ya 1991 |
| Doğum yeri |
|
| Vəfat tarixi | 24 aprel 2020[1] və ya 28 aprel 2020 |
| Vəfat yeri | |
| Dəfn yeri | |
| Fəaliyyəti | musiqiçi, siyasi fəal[d], dissident |
Mustafa Koçak (ən tezi 1 yanvar 1992 və ən geci 24 aprel 1993 və ya 1991, bilinmir, Türkiyə – 24 aprel 2020[1] və ya 28 aprel 2020, İzmir ili[2] və ya İzmir) — Türkiyə siyasi məhbusu idi. 23 sentyabr 2017-ci ildə həbs edildi. Məhkəmədə şahid ifadələri sübut kimi qəbul edilərək ağırlaşdırılmış həbs cəzasına məhkum edildi. Şahid ifadəsinə əsasən "Konstutisyanı pozmaq" ittihamı ilə həbs cəzası alan Koçak, ədalətli mühakimə olunmaq üçün açlığa başladı. Bu, daha sonra açlıq aksiyasına çevrildi. O, aksiyadan 279 gün sonra 24 aprel 2020-ci ildə, İzmir Şakran həbsxanasında 29 kilo ağırlığında öldü.
Həyatı və mübarizəsi[redaktə | mənbəni redaktə et]
Mustafa 4 uşaqlı işçi təbəqədən olan bir ailənin uşağı idi. Uşaqlığını və gəncliyini ailəsinə kömək məqsədi ilə kərgərlikdən tutmuş səyyar səhər yeməkçisinə qədər müxtəlif işlərdə çalışdı. Koçak 2017-ci il sentyabrın 23-də həbs edildi və 2019-cu il iyulun 11-də İstanbul 27-ci Ağır Cəza Məhkəməsi tərəfindən ağırlaşdırılmış ömürlük həbs cəzasına məhkum edildi.
Koçak qeyri-qanuni təşkilata silah verməkdə ittiham edildi və Konstitusiyanı pozmaqda təqsirli bilindi. Məhkəmənin onun barəsində çıxardığı qərarda qeyd edildi ki, onun cinayəti törətməsinə dair qərar "vicdanlı hökmlə verildi".[3] Mustafanın əleyhinə olan tək sübut, iki polis müxbiri Berk Ercan və Cavit Yılmazın şahid ifadələri idi. Cavit Yılmaz daha sonra Almaniyaya qaçaraq səlahiyyətlilər tərəfindən yalan ifadə verməyə məcbur edildiyini bildirdi.[4]
Ailəsi onun İstanbulda tutulduğu küçədə etiraz aksiyaları təşkil etdi. Avropada, Böyük Britaniya, Almaniya kimi ölkələrdə də etirazlar keçirildi.
Aclıq aksiyasının 254-cü günündə Mustafa Koçak zorla qidalandırılmaq üçün həbsxana kamerasından xəstəxanaya aparıldı.[5] Koçak martın 12-si saat 16:30 radələrində stula bağlanaraq Şakran həbsxanası kampus xəstəxanasına gətirildi. Mustafa vəkilinə kampus xəstəxanasının baş həkimi və daxili xəstəliklər üzrə mütəxəssisi də daxil olmaqla üç həkimin zorla ona müdaxilə etdiyini dedi. Beş gündür işgəncə altında qaldığını, məcburi müdaxiləni qəbul etmədiyini və buna baxmayaraq 73 şüşə damcı vurduqlarını bildirdi. Ziyarət zamanı o, qollarını göstərdi; vəkili Ezgi Çakır onun çiyinlərindən biləklərinə qədər iynə izləri və əziklər olduğunu bildirdi.
Ölümü[redaktə | mənbəni redaktə et]
Mustafa aclıq aksiyasının 279-cu günündə öldü, ölümündən cəmi bir neçə saat əvvəl ailəsi ilə telefon danışığı oldu.[6] O, "Nəfəs ala bilmirəm, çarpayımda dönə bilmirəm" deyərək 24 aprel 2020-ci ildə gecə saat 3-də öldü. Cəsədi İzmirdəki həbsxanadan İstanbula aparıldı, elə həmin gün dəfn edildi.
İstinadlar[redaktə | mənbəni redaktə et]
- ↑ 1 2 https://morningstaronline.co.uk/article/w/mustafa-kocak-walks-immortality-after-297-days-hunger-strike.
- ↑ 1 2 3 https://anfespanol.com/noticias/adios-a-mustafa-kocak-en-estambul-19457.
- ↑ "Court Rules for Aggravated Life Sentence by 'Conscientious Conviction' - Ayça Söylemez - english". 2023-08-01 tarixində arxivləşdirilib. İstifadə tarixi: 2022-10-26.
- ↑ "Turkish defendant claims prosecutor, intel officer, policeman forced him to give false testimony - Turkish Minute". 2022-10-26 tarixində arxivləşdirilib. İstifadə tarixi: 2022-10-26.
- ↑ "Call for an Effective Investigation into Torture of Death Fasting Prisoner Mustafa Koçak - Ayça Söylemez - english". 2023-08-01 tarixində arxivləşdirilib. İstifadə tarixi: 2022-10-26.
- ↑ "Mustafa Koçak Dies on 297th Day of Death Fast - english". 2021-01-15 tarixində arxivləşdirilib. İstifadə tarixi: 2022-10-26.