Mustafa Mehmandarov

Vikipediya, azad ensiklopediya
Jump to navigation Jump to search
MUSTAFA MEHMANDAROV
Mustafa Mehmandarov.jpg
Doğum tarixi 2 iyun 1992 (1992-06-02) (27 yaş)
Doğum yeri Bakı

Mehmandarov Mustafa Adil oğlu – dirijor.

Həyatı[redaktə | əsas redaktə]

Mehmandarovlar soyuna şöhrət gətirənlər çox olub. İlk azərbaycanlı ali təhsilli hüquqşünas Mirzə Sadıq bəy Mehmandarov, Azərbaycan Demokratik Respublikasının hərbi naziri, general leytenant Səməd bəy Mehmandarov, həkim Kərim bəy Mehmandarov Azərbaycan tarixinə töhfələr bəxş etmişlər. Bu gün bu soyadı daşıyan Mustafa da istedadı, sənətdə pillə-pillə qazanmağa çalışdığı uğurları ilə bu missiyanı davam etdirir.

Mustafa Mehmandarov 1992-ci il iyunun 2-də Bakıda dünyaya göz açıb. O, 1998-2009 illərdə Ü. Hacıbəyov adına Bakı Musiqi Akademiyasının nəzdində Orta Ixtisas Musiqi Məktəb-Studiyanın, mərhum professor Bayandır Mehdiyevin sinfində "skripka" aləti üzrə təhsil alıb, həmin məktəbin məzunudur. Daha sonra ixtisas müəllimi professor Zəhra Quliyeva olmuşdur.

2009-2013 illərdə Ü. Hacıbəyov adına Bakı Musiqi Akademiyasında təhsil alıb.

Onun qazandığı uğurların bir qismini təqdim edirik:

2007-ci ildə Bolqarıstanda keçirilən Beynəlxalq Müsabiqədə 2-ci yerə və "Laureat" adına layiq görülüb.

2011-ci ildə Lüksemburqda keçirilən Beynəlxalq Müsabiqədə "Qızıl" medala və "Laureat" adına layiq görülüb.

2012-ci ildə İtaliya və Avstriyada keçirilən Beynəlxalq Müsabiqədə "I"-ci yerə və "Laureat" adına layiq görülüb.

Mustafanın təlim-tərbiyəsində valideynləri ilə yanaşı, nənəsi Leyla xanımın da xüsusi rolu olmuşdur. O, məşhur Rüstəmbəyovlar nəslindəndir. Leyla xanım həm də Bakı milyonçusu Hacı Zeynalabdin Tağıyevin nəticəsidir. Leyla xanım ömrünün sonuna qədər Azərbaycan Dövlət Konservatoriyasında dərs deyib, Musiqi tarixi kafedrasında dosent vəzifəsində çalışıb. Leyla xanımın evdəki pianosu Mustafa üçün ilk musiqi aləti olub. Mustafanın adı "Qızıl Kitab"a düşüb. "Azərbaycanda gənc istedadlara dövlət qayğısı haqqında" 1996-cı il 22 iyun tarixli 464 saylı fərmana əsasən Azərbaycan Respublikası Prezidentinin sərəncamı ilə musiqi sahəsində xüsusi istedadı olan bir qrup şagird, o cümlədən Mustafa Adil oğlu Mehmandarov da prezidentin xüsusi aylıq təqaüdünə layiq görülüb.

2013-cü ildə - Vyana Konservatoriyasının (Avstriya) "Opera-Simfonik Dirijorluğu" fakültəsinə daxil olub. Hal-hazırda təhsilini davam etdirir.

Mükafatları[redaktə | əsas redaktə]

10 may 2019-cu ildə Prezident Mükafatına layiq görülmüşdür.[1]

İstinadlar[redaktə | əsas redaktə]

  1. President.Az (10.05.2019). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2019-05-10. Check date values in: |date= (kömək); External link in |publisher= (kömək)