Muxank

Tarixi Qafqaz Albaniyası əraziləri
Muxank
Ümumi məlumatlar
Ölkə	Qafqaz Albaniyası Böyük Ermənistan
Bölgə	Arsak
İndiki adı	Xocavənd rayonu Ağdam rayonu Ağcabədi rayonu
Xəritədə yeri

Muxank — Azərbaycan Respublikası ərazisində olmuş qədim tarixi toponim, Qafqaz Albaniyası və Böyük Ermənistanın tərkibində olmuş tarixi Arsak vilayətinin on iki əyalətindən (havar) biri.

Adı

Müxtəlif dövrlərə aid tarixi mənbələrdə bu havarın adı Muxank, Moqunk, Moxank və Mxank kimi qeyd edilir.

Coğrafiyası

Arsak vilayətinin cənub-şərqində yerləşən Muxank havarı, şimal-qərbdə Qarqarçay boyunca Arsak vilayətinin Piank havarı, şimalda həmin çay boyunca Utik vilayətinin Aranrot havarı, şimal-şərqdə Utik vilayətinin Tri havarı, cənub-şərqdə Arsak vilayətinin Paçkank havarı, cənubda Arsak vilayətinin Myus-Haband, qərbdə isə Harçlank havarları ilə sərhədlənirdi.

Havar ərazisindən axan Ori çayı (müasir adı Ağcaqoşun) Tri havarının ərazisinə keçirdi.

İnzibati baxımdan Muxank havarının ərazisi, Azərbaycan Respublikasının Ağdam rayonunun cənub-şərq hissəsi, Ağcabədi rayonunun cənub hissəsi və Xocavənd rayonunun şərq hissəsini əhatə edirdi.

Tarixi

IX əsrin əvvəllərində Muxank işxanı olan Stepan Ablasad, Babəkin köməyi ilə pavlikanları məğlub edərək Muxank ərazisindən qovur. Lakin, sonradan ordunu bərpa edən pavlikanlar Muxank ərazisinə hücum edərək Stepan Ablasadı öldürməyə müvəffəq olurlar. On iki il sonra, Arsakın cənub havarlarında güc toplayan Yesai Əbu Musa Muxanka hücum edərək pavlikanları məğlub edir və dayısının mülkü olan Muxankı, eləcə də daha əvvəl Stepan Ablasadın hakimiyyəti altında olmuş ətraf əraziləri öz hakimiyyəti altında birləşdirir.

Həmçinin bax

• Muğan