Paytakaran

Vikipediya, açıq ensiklopediya
Keçid et: naviqasiya, axtar
Albaniya və qonşu ölkələr (VI əsr - VIII əsrin əvvəlləri) - Təerib edəni: İ.S.Süleymanov

PaytakaranQafqaz Albaniyasına daxil olan əyalətlərdən (nahanq) biri. Paytakaran mənbələrdə müxtəlif adlarla - Kaspk / Kazbk (erməni mənbələrində), Kaspiana (yunan-Roma mənbələrində), Paytakaran-Balasikan (Musa Kalankatlı və bəzi erməni mənbələrində), Balasakan / Balasəcan / Balasican / Bələsican (fars və ərəbdilli mənbələrdə) və s. formada adlandırılmışdır.

Bu əyalət müasir Şimali Azərbaycanın cənub-şərq hissəsində yerləşmiş və şərqdə Xəzər dənizinin sahillərinə kimi uzanırdı. MilMuğan düzlərinin bir hissəsi də Paytakaranın tərkibinə daxil idi. Bəzi vaxtlarda Paytakaran Atropatenanın şimal-şərq torpaqlarını da öz tərkibinə birləşdirmişdir. Ehtimal olunur ki, Şirvanın Xəzər dənizinə kimi cənub-şərq hissəsi Abşeron yarımadası ilə birlikdə Paytakaranın tərkibində olmuşdur.

Mərkəzi eyniadlı Paytakaran (böyük ehtimalla Beyləqan) şəhəri idi. Paytakaran siyasi cəhətdən bəzən Qafqaz Albaniyasının tərkibində, bəzən isə müstəqil olmuşdur. Lakin 4-cü əsrin ikinci yarısından bu əyalət Albaniyanın tərkibinə daxil idi. 5-8 - ci əsrlərdə Balasakanda qafqaz albanları, kaspilər, hunlar, xəzərlər, akasirlər və başqa tayfalar yaşamışdır.[1]

Hazırda Cənubi Azərbaycanın Sərab bölgəsində yerləşən Biləsicin kəndinin adı Balasakan vilayətinin adından qalma bir toponim (yer adı) ola bilər.

Mənbə[redaktə | əsas redaktə]