Nürəddin Sadıqov

Vikipediya, azad ensiklopediya
Naviqasiyaya keçin Axtarışa keçin
Nürəddin Sadıqov
Nürəddin Oruc oğlu Sadıqov
Şəxsi məlumatlar
Doğum tarixi
Doğum yeri
Vəfat tarixi (39 yaşında)
Vəfat yeri Ağdam rayonu Gülablı kəndi
Vəfat səbəbi Qarabağ müharibəsi Şəhidi
Dəfn yeri
Vətəndaşlığı
Milliyyəti Azərbaycanlılar
Həyat yoldaşı Sadıqova Kifayət Əli qızı
Uşaqları Sadıqov Rəşad Nürəddin oğlu, Sadıqova Aliyə Nürəddin qızı
Təhsili
Hərbi fəaliyyəti
Qoşun növü Azərbaycan Ordusu
Xidmət illəri 1977-1992
Rütbəsi Leytenant
Vəzifəsi Mingəçevir Polis şöbəsində sahə müvəkkili
Döyüşlər Şuşa, Ağdərə, Tərtər, Ağdam
Təltifləri "Daxili işlər orqanlarında qüsursuz xidmətə görə" medalı

Nürəddin Oruc oğlu Sadıqov (1 iyun 1953, Alakol, Tovuz rayonu14 avqust 1992, Ağdam rayonu) — polis leytenantı, Qarabağ müharibəsi şəhidi.

Həyatı[redaktə | mənbəni redaktə et]

Sadıqov Nürəddin Oruc oğlu 1 iyun 1953-cü ildə Tovuz rayonunun Alakol kəndində anadan olub. Ailədə ən böyük övlad olan Nürəddin anası vaxtsız dünyasını dəyişdikdən sonra özündən kiçik olan 7 nəfər bacı-qardaşının da qayğısını çəkməyə başlayır. Alakol kənd orta məktəbini əla qiymətlərlə bitirən Nürəddin sənədlərini Bakıdakı Mərdəkan Milis məktəbinə verir (indiki Azərbaycan Respublikası Daxili İşlər Nazirliyi Polis Akademiyası) və müvəffəqiyyətlə qəbul olunur.

Ailəsi[redaktə | mənbəni redaktə et]

Oğlu Rəşad Nürəddin oğlu Sadıqov Bakı Dövlət Universitetinin Tarix fakültəsini bitirərək Fövqəladə Hallar Nazirliyi (Azərbaycan)də hərbi xidmətə qəbul olunmuşdur. O hal-hazırda nazirlikdə baş zabit vəzifəsində çalışır və baş leytenant hərbi rütbəsini daşıyır.

Xidməti[redaktə | mənbəni redaktə et]

1977-ci ildən Mingəçevir şəhər polis şöbəsində sahə müvəkkili vəzifəsində işləməyə başlayır. Qarabağ müharibəsi başlayanda ilk könüllülərdən biri kimi Nürəddin Sadıqov da öz polis yoldaşları ilə birgə cəbhəyə yollanır. Şuşa, Ağdərə, Tərtər, Ağdam uğrunda döyüşlərdə böyük igidliklə döyüşərək düşmənin xeyli sayda canlı qüvvəsini məhv edir. 1992-ci ilin avqust ayının 14-də Ağdamın Gülablı kəndində qəhrəmancasına şəhid olur. Doğulduğu Tovuz rayonu Alakol kəndində dəfn olunur.

Xatirəsinin əbədiləşdirilməsi[redaktə | mənbəni redaktə et]

Nürəddin Sadıqov adına Alakol kənd orta məktəbinin açılışı[1]

Xidmət etdiyi Mingəçevir Polis İdarəsinin qarşısında xatirəsi əbədiləşdirilərək büstü qoyulub. Həmçinin Mingəçevir Şəhidlər Xiyabanında da xatirə məzarı vardır. Doğulduğu və təhsil aldığı Tovuz rayonu Alakol kəndində 1 saylı orta məktəb şəhidin adını daşıyır.[2] 2019-cu il sentyabrın 14-də N. Sadıqov adına Alakol kənd tam orta məktəbinin yeni binasının rəsmi açılışını göstərən lenti kəsmişlər.[1]

İstinadlar[redaktə | mənbəni redaktə et]

  1. 1,0 1,1 "Alakol kəndində yeni məktəb binası istifadəyə verilmişdir". tovuz-ih.gov.az. 14 sentyabr 2019. 2020-01-22 tarixində orijinalından arxivləşdirilib.
  2. "TOVUZ RAYONUNDAKI ORTA MƏKTƏBLƏR". 2015-12-19 tarixində arxivləşdirilib. İstifadə tarixi: 2020-12-12.