Nüsrət Kəsəmənli

Vikipediya, azad ensiklopediya
Jump to navigation Jump to search
Nüsrət Kəsəmənli
Kəsəmənli Nüsrət Yusif oğlu
Nüsrət Kəsəmənli.jpg
Doğum tarixi
Doğum yeri Ağstafa rayonu Kəsəmən
Vəfat tarixi (57 yaşında)
Vəfat yeri Təbriz, İran
Dəfn yeri
Vətəndaşlığı Azərbaycanlı
Uşağı Rəşad Kəsəmənli
Atası Yusif Kəsəmənli
Fəaliyyəti Şair, publisist
Mükafatları Azərbaycan SSR LKGİ mükafatı — 1982

Nüsrət Yusif oğlu Kəsəmənli (29 dekabr 1946(1946-12-29), Ağstafa rayonu16 oktyabr 2003(2003-10-16), Təbriz) — şair, publisist, Azərbaycan Yazıçılar Birliyinin üzvü (1977), Azərbaycan SSR Lenin komsomolu mükafatı laureatı (1982).

Həyatı[redaktə | əsas redaktə]

Nüsrət Kəsəmənli 29 dekabr 1945-cı ildə Ağstafa rayonu rayonunda anadan olmuşdur. Azərbaycan Dövlət Universitetinin jurnalistika fakültəsinə daxil olmuşdur (1966). Universitetin II kursunda ikən "Bakı" və "Baku" qəzetlərində müxbir, ədəbi işçi vəzifələrinə qəbul edildiyinə görə qiyabi şöbəyə keçirilmişdir (1969). Universiteti bitirdikdən sonra Azərbaycan Yazıçılar İttifaqında referent və ədəbi məsləhətçi olmuşdur (1978-1985).

1960-cı illərin əvvəllərindən bədii yaradıcılığa başlamışdır. 150-dək şerinə musiqi bəstələnmişdir. "Boş kəndlərin harayı", "Mövzu üzrə improvizasiya", "Ənbizlərin keşiyində", "Sovet Azərbaycanına səyahət" və s. sənədli filmlərin, "Afroditanın qolları", "Qarabağ əhvalatı" bədii filmlərin ssenari müəllifıdir. Moskvada gənc yazıçıların VI,VII Ümumittifaq müşavirələrində iştirak etmişdir.

Fəal ictimaiyyətçi olmuşdur: Azərbaycan Yazıçılar İttifaqında Həmkarlar Komitəsinin sədri (1981-1984), mədəniyyət işçiləri həmkarlar ittifaqı respublika komitəsi rəyasət heyətinin üzvlüyünə namizəd, Azərbaycan Tarix və Mədəniyyət Abidələri Mühafizə Cəmiyyətinin üzvü, Azərbaycan Yazıçılar İttifaqının VI,VII qurultayında idarə heyətinin üzvü, poeziya şurasının sədri seçilmişdir. C.Cabbarlı adına "Azərbaycanfilm" kinostudiyasında baş redaktor işləmişdir (1985-ci ildən). "Dünyaya pəncərə" sənədli televiziya verilişinin ssenari müəllifi və aparıcısı olmuşdur (1985-ci ildən). 15 oktyabr 2003-cü ildə Təbrizdə vəfat etmişdir. Vətəndaş Həmrəyliyi Partiyasının ilk qurucularından və VHP Ali Məclisinin (Ali Şurasının) ilk üzvlərindən biri olub.

Yaradıcılığı[redaktə | əsas redaktə]

Azərbaycanda daha çox yazdığı sevgi şeirləri ilə tanınmışdır və bir çox mahnılara şeirlər yazmışdır. Eyni zamanda Nüsrət Kəsəmənli məhəbbət janrında yazdığı şeirlərlə Azərbaycan ədəbiyyatında başqa bir səhifə açmışdır.

Əsərləri[redaktə | əsas redaktə]

1.Sevirsənsə, B., 1971;
2.Gözlərimin qarası,B., 1975;
3.Özümə bənzədiyim günlər, 1979;
4.Gümüş yuxular, B., 1981;
5.Təklikdə danışaq, B., 1983.

Məşhur şeirləri[redaktə | əsas redaktə]

  • Daha nağıllara inanmıram mən
  • Biri vardı, biri yox…
  • Səni unutsam…
  • Vətən alov etsin odunu sənin
  • Mənsiz qalacaqdır bu dünya bir gün
  • Oğru olmaq istəyirəm
  • Ağacın altında kölgə
  • Qoyunlar yeyəcək canavarları…
  • Məhəbbətdən küsəndə
  • Yoxdusa
  • Mənim o ağaca yazığım gəlir…
  • Mənə inanmırsan bir yuxu kimi
  • İnanma əzizim, inan əzizim

Filmoqrafiya[redaktə | əsas redaktə]

  1. Afroditanın qolları (film, 1987)(qısametrajlı bədii film)
  2. Azərbaycana səyahət (film, 1988)
  3. Azərbaycanda müsəlmanların həyat tərzi haqqında (film, 1987)
  4. Doğma sahillər (film, 1989)
  5. Dünyada yeganə (film, 1989)
  6. Əmbizlərin keşiyində (film, 1988)
  7. Goranboy – oğuz eli (film, 1989)
  8. Kəndlərin harayı (film, 1987)
  9. Qurultaydan qurultaya (film, 1985)
  10. Lətifə (film, 1989)
  11. Monoloq (film, 1987)
  12. Müsəlmanlar sülh uğrunda mübarizədə (film, 1987)
  13. "Neftçi"-87 (film, 1987)
  14. Şerəli və Aybərçin (film, 1989)
  15. Şeytan göz qabağında (film, 1987)

İstinadlar[redaktə | əsas redaktə]

Xarici keçidlər[redaktə | əsas redaktə]