Nəşri-maarif

Vikipediya, açıq ensiklopediya
Jump to navigation Jump to search

"Nəşri-maarif" və ya "Nəşri-savad və maarif" — 1906-cı il martın 4-də nizamnaməsi təsdiq edilmiş, noyabrın 10-da isə Bakı dumasının zalında təntənəli açılışı olmuş tam şəkildə "Nəşri-savad və maarif", qısaca olaraq “Nəşri-maarif” adlanan xeyriyyə cəmiyyəti. Başlıca məqsədi Bakı şəhərində və quberniyasında yaşayan müsəlmanlar arasında elm və maarifi, xüsusilə ibtidai təhsili Azərbaycanrus dillərində yaymaq, hər növ maarifçilik fəaliyyətini dəstəkləmək olan cəmiyyətə Bakı quberniyasının baş qazisi və Bakı Müsəlman Şiə Ruhani İdarəsinin sədri Axund Mir Məhəmməd Kərim Mircəfərzadə sədr seçildi. Vətənpərvər ziyalı, pedaqoq və yazıçı Əhməd bəy Ağayev isə katib seçilməklə cəmiyyətin uğurlu fəaliyyətinin təminatçısı oldu.[1]

Cəmiyyəti "cəmiyyəti-ehyayi-millət" adlandıran Əhməd bəy çıxışında milli oyanışın həyati əhəmiyyət kəsb etdiyini vurğuladı. Qazı ağanın və xəstə olduğu halda açılışa gəlmiş millət atası Hacı Zeynalabdin Tağıyevin çıxışları oradakıların qəlblərini kövrəltdi. Çıxışını

"Ey müsəlmanlar!
Siz də bir xabi-qəflətdən oyanın, ətrafa nəzər ediniz! Axır biz nə vəqtəcən cahil olacağız? Özümü bu gün xoşbəxt hesab edib bu "Nəşri-maarif" cəmiyyətinə üç min manat bəzl ediyorum"

sözləri ilə tamamlayan elm və maarif hamisi cəmiyyətə uğurlar arzuladı[2].

Həmçinin bax[redaktə | əsas redaktə]

İstinadlar[redaktə | əsas redaktə]