NHIndustries NH90

Vikipediya, azad ensiklopediya
Jump to navigation Jump to search
NHIndustries NH90
NH-90 ILA-2006 2.jpg
Tipi vertolyot
İstehsalçı Airbus Helicopters
İlk uçuş 18 dekabr 1995
İstismarçılar Avstraliya[1][2], Belçika[1]
Commons-logo.svg Vikianbarda əlaqəli mediafayllar

NHIndustries NH90; Orta ölçülü, iki mühərrikli, çox məqsədli hərbi vertolyotdur. NHIndustries tərəfindən istehsal edilmişdir. İlk prototip ilk uçuşunu 1995-ci ilin dekabrında etmişdir. O vaxtdan bəri on dörd ölkə ümumilikdə 573 helikopter sifariş etmişdir. Bu vertolyotların tədarükünə 2006-cı ildən başlanmışdır. Vertolyotun adı “NATO Helicopter 90's” (90-cı illərə aid NATO Helikopteri) adının qısaltmasından irəli gəlir.

Konstruksiya və inkişafı[redaktə | əsas redaktə]

1985-ci ildə Fransa, Qərbi Almaniya, İtaliya, Hollandiyaİngiltərə bir araya gələrək 1990-cı illərdə istifadə edilmək məqsədi ilə NATO üçün, döyüş bölgəsinə daşınma və gəmi əleyhinə/sualtı döyüş helikopterləri istehsal etməyə çalışdılar. Bununla birlikdə İngiltərə 1987-ci ildə qrupdan ayrıldı. 1 sentyabr 1992-ci ildə NHIndustries NH90 modeli üçün NAHEMA (NATO Helicopter Manegement Agency) ilə konstruksiya və inkişaf müqaviləsi imzalandı. Bu təşkilat dörd iştirakçı ölkəni təmsil edirdi: Almaniya, Fransa, İtaliya və Hollandiya. 2001-ci ildə Portuqaliyada bu agentliyə qoşuldu. Vertolyotun konstruksiya işləri 1993-cü ildə başladı. İlk prototip, PT1 tipi ilk sınaq uçuşunu 18 dekabr 1995-ci ildə etmişdir. İkinci prototip PT2 ilk uçuşunu 19 mart 1997-ci ildə, üçüncü prototip PT3 isə ilk uçuşunu 27 noyabr 1998-ci ildə etmişdir.

NH90-ın iki əsas növü istehsal edildi: Taktik Nəqliyyat Helikopteri (TNH) və NATO Freqat Helikopteri (NFH). Bu əsas növlərə baxmayaraq, sifariş verən ölkələrin əksəriyyəti bəzi xüsusi dəyişikliklərin edilməsini istədi. Proqramda 1990-cı illərdə bir sıra texniki və maliyyə problemləri var idi. Bundan sonra tərəfdaş ölkələr 2000-ci ilin iyun ayında 366 kimi böyük bir istehsalı reallaşdırdılar. Bunun ardınca Avropa, AsiyaOkeaniya ölkələrindən sifarişlər gəldi. İlk sifarişlərin təhvili 2006-cı ilin sonunda, proqramın istehsal prosesindəki iki illik pozğunluqdan sonra həyata keçirilmişdir. Finlandiya tərəfindən tələb edilən dəyişikliklərin daxil olduğu dizayn 19 fevral 2008-ci ildə qəbul edildi, beləliklə NH90 helikopterləri son formasını aldı.

NH-90-ın pilot kabinəsi
NH-90 NATO Freqat Helikopteri (NFH)

İstismar tarixçəsi[redaktə | əsas redaktə]

Sifarişlər[redaktə | əsas redaktə]

Skandinaviya ölkələri[redaktə | əsas redaktə]

Finlandiya ordusuna məxsus NH90

2001-ci ildə üç Skandinaviya ölkəsi vertolyotlardan alınması üçün müqavilə imzaladı.

İsveç bu helikopterlərdən 18-ni (daha yeddisini almaq ehtimalı ilə), Norveçi 14-ünü (daha onunu almaq ehtimalı ilə), 20-sini isə Finlandiya sifariş etmişdir.

2011-ci ilin dekabr ayında Norveçə birinci NH90 helikopterləri təslim edildi.

Yunanıstan[redaktə | əsas redaktə]

2003-cü ilin avqustunda Yunanıstan 20 ədəd NH90 (daha 10 ədəd alınma ehtimalı ilə) sifariş verdi. Onlardan dördü 2012-ci ilin martında Yunanıstan Silahlı Qüvvələrinə təslim edildi. Bu helikopterlər Yunanıstan Ordusunda təlim üçün istifadə olunur.

Avstraliya[redaktə | əsas redaktə]

Avstraliya 2005-ci ildə 12 NH90 sifariş vermişdi ki, hissələrinə ayrılaraq ordu sıralarından çıxardığı UH-1 Iroquoisləri əvəz etsin. Bu say 2006-cı ilin iyun ayında Avstraliya Müdafiə Nazirliyi tərəfindən artırıldı. Digər hissələrinə ayrılmış vertolyotların yerini tutmaq üçün 34 əlavə vertolyot da sifariş edildi. Bununla da sifariş edilmiş vertolyotlarını sayı 46-ya çatdırıldı. Bu vertolyotlardan dördü Avropada istehsal edildi. qalan 42-ni Avustrailian Aerospace (Eurocopter törəmə şirkəti) istehsal etdi. Avstraliyada NH90-lara MRH90 (Multi Role Helicopter (Çoxməqsədli Helikopter)) də deyilir.

Hollandiya[redaktə | əsas redaktə]

Proqramın əsas dəstəkçilərindən biri olan Hollandiyanın 20 sifarişi mövcuddur. Bununla birlikdə, dizaynda edilən dəyişikliklər sonuncu vertolyotu Hollandiyanın istəyindən daha ağır etmişdir. Hollandiyanın istəklərinə uyğun olaraq dəyişiklik edilib-edilməyəcəyi məlum deyil.

Səudiyyə Ərəbistanı[redaktə | əsas redaktə]

Səudiyyə hökuməti, 2006-cı ilin iyul ayında 64 NH90 əldə etmək üçün müqavilə imzalamışdır.

Almaniya[redaktə | əsas redaktə]

Almaniya Hərbi Dəniz Qüvvələri 2009-cu ildə yeni Dəniz Helikopteri üçün 30 ədəd NFH istehsal etmişdir.

Digər ölkələr[redaktə | əsas redaktə]

Yeni Zelandiya hökuməti, hava qüvvələrindəki UH-1 Iroqious filosunu əvəz edəcəkə 8 ədəd (biri ehtiyat hissə üçün) NH90 almaq üçün müqavilə imzalamışdır. 2007-ci ildə Parisdəki hava sərgisi zamanı Belçika 20 noyabr 2007-ci ildə 10 NH90 (4 NFH, 4TTH + 2 alınma ehtimalı) almaq üçün müqavilə imzaladı. Beləliklə, NAHEMA-da altıncı ölkə oldu.

İlk çatdırılmalar[redaktə | əsas redaktə]

İlk NH90-lar 2006-cı ilin sonlarında Almaniya Silahlı Qüvvələrinə təslim edildi. Bunu 2007-ci ildə İtaliyaFinlandiya izlədi.

Xüsusiyyətləri[redaktə | əsas redaktə]

Ümumi xüsusiyyətləri[redaktə | əsas redaktə]

  • Ekipaj: 2 pilot (NFH modellərində sensor operatoru da ola bilər)
  • Daşıma qabiliyyəti: 20 əsgər və ya 12 xərək və ya 2 NATO paleti və ya 4000 kq-a kimi xarici yük daşıma
  • Uzunluq: 16.180 metr
Almaniya Silahlı Qüvvələrinə məxsus NH90 bir Wolf cipini daşıyarkən
  • Pər çapı: 16.30 metr
  • Hündürlük: 5.23 metr
  • Boş çəkisi: 6,400 kq
  • Apara biləcəyi maksimum çəki: 4,200 kq
  • Maksimum uçuş çəkisi: 10,600 kg
  • Motor: 2 × Rolls-Royce Turbomeca RTM322-01/9 turboshaft, 1,662 kW (2,230 shp) və ya 2 × General Electric T700-T6E turboshaft, 1,577 kW (2,115 shp)

Performans[redaktə | əsas redaktə]

  • Maksimum sürət: 300 km/s (162 knot)
  • Mənzil: TTH'de 800 km, NFH modelində 1000 km
  • Maksimum hündürlük: 6,000 m (20.000 ft)
  • Dırmaşma sürəti: 8 m/s

Sursat[redaktə | əsas redaktə]

  • Raketlər: anti-dənizaltı və/və ya hava-yer tipli raket (NFH versiyasında), 2 ədəd qapı silahı

İstinadlar[redaktə | əsas redaktə]

  1. 1 2 World Air Forces 2014 — 2014.
  2. World Air Forces 2008 — 2008.