Namiq Nəsrullayev

Namiq Nəsrullayev
Namiq Nəsrullayev
	Namiq Nəsrulla oğlu Nəsrullayev
Azərbaycan Respublikası Hesablama Palatasının 1-ci sədri
	12 iyun 2001 – 17 aprel 2007
Əvvəlki	vəzifə təsis edilib
Sonrakı	Heydər Əsədov
Azərbaycan Respublikasının İqtisadiyyat Naziri
	18 noyabr 1996 – 30 aprel 2001
Əvvəlki	Səməd Sadıqov
Sonrakı	vəzifə ləğv edilib
Şəxsi məlumatlar
Doğum tarixi	2 fevral 1945
Doğum yeri	Azərbaycan SSR, SSRİ;
Vəfat tarixi	17 yanvar 2023 (77 yaşında)
Vəfat yeri	Bakı, Azərbaycan;
Təhsili	1. Azərbaycan Neft və Kimya İnstitutu; 2. Moskva Dövlət Universiteti
İxtisası	energetik, riyaziyyatçı
Atası	Nəsrulla Nəsrullayev
Elmi fəaliyyəti
Elmi dərəcəsi	Texnika elmləri namizədi
Təltifləri

Namiq Nəsrulla oğlu Nəsrullayev (2 fevral 1945, Azərbaycan SSR – 17 yanvar 2023^[1], Bakı) — Azərbaycan Respublikasının iqtisadiyyat naziri (1996–2001), Azərbaycan Respublikası Hesablama Palatasının ilk sədri (2001–2007). Azərbaycanın tanınmış dövlət xadimi Nəsrulla Nəsrullayevin oğlu.

Həyatı[redaktə | mənbəni redaktə et]

2 fevral 1945-ci ildə Bakı şəhərində anadan olmuş, 1962-ci ildə orta məktəbi, 1967-ci ildə fərqlənmə diplomu ilə M. Əzizbəyov adına Azərbaycan Neft və Kimya İnstitutunun energetika fakültəsini, 1970-ci ildə M. Lomonosov adına Moskva Dövlət Universitetinin tətbiqi riyaziyyat fakültəsini bitirmişdir.

Ailəlidir, 2 övladı var.

Elmi fəaliyyəti[redaktə | mənbəni redaktə et]

1968-ci ildən Moskvada akademik Boris Nikolayeviç Petrovun rəhbərliyi ilə SSRİ Elmlər Akademiyası İdarəetmə Problemləri İnstitutunun aspiranturasında avtomatik idarəetmə və tənzimləmənin invariantlılıq nəzəriyyəsi, ekstremal tənzimləmə sistemləri üzərində işləmişdir.

1978-ci ildə bort nüvə energetikası qurğuları üzrə texnika elmləri namizədi elmi dərəcəsi almışdır.

1978–1987-ci illərdə Azərbaycan Elmlər Akademiyası Kibernetika İnstitutunun direktor müavini, "Kibernetika" XKB-nin direktoru işləmişdir.

1987-ci ildə Azərbaycan "Ulduz" Elm İstehsalat Birliyinin və "Rabitə Sistemləri" Elmi-Tədqiqat İnstitutunun direktoru təyin edilmiş, həmin vəzifələrdə 1995-ci ilədək çalışmışdır.

15 müəlliflik şəhadətnaməsi almış, 32 elmi əsəri nəşr edilmişdir.

Siyasi fəaliyyəti[redaktə | mənbəni redaktə et]

1995-ci ildə Azərbaycan Respublikası İqtisadiyyat nazirinin birinci müavini, 1996-cı ildən 2001-ci ilədək Azərbaycan Respublikasının İqtisadiyyat naziri vəzifəsində fəaliyyət göstərmişdir.

2001-ci ildə Azərbaycan Respublikasının Milli Məclisi tərəfindən Azərbaycan Respublikası Hesablama Palatasının sədri vəzifəsinə təyin edilmiş, 2007-ci ilin aprel ayında səhhəti ilə əlaqədar öz xahişi ilə həmin vəzifədən azad edilmişdir.

Mükafatları[redaktə | mənbəni redaktə et]

Namiq Nəsrullayev 1973-cü ildə SSRİ Nazirlər Sovetinin xüsusi mükafatı, 1986-cı ildə "Əmək rəşadəti" medalı, 2005-ci ildə Rusiya Federasiyasının Prezidentinin fərmanı ilə "Dostluq" ordeni, 2007-ci ildə Rusiya Federasiyasının Hesablama Palatasının "Fərqlənmə nişanı" ilə təltif edilmişdir.

İstinadlar[redaktə | mənbəni redaktə et]

↑ ¹ ² https://oxu.az/society/685072.

Xarici keçidlər[redaktə | mənbəni redaktə et]

[_15ff9819ed145f8f-1] ¹ ² https://oxu.az/society/685072.

[1]