Namiq Nəsrullayev

Vikipediya, azad ensiklopediya
Naviqasiyaya keç Axtarışa keç
Namiq Nəsrullayev
12 iyun 2001 – 17 aprel 2007
Əvvəlkivəzifə təsis edilib
SonrakıHeydər Əsədov
18 noyabr 1996 – 30 aprel 2001
ƏvvəlkiSəməd Sadıqov
Sonrakıvəzifə ləğv edilib
bayraq
Azərbaycan Respublikası iqtisadiyyat nazirinin birinci müavini
bayraq2
2 oktyabr 1995 – 18 noyabr 1996
Şəxsi məlumatlar
Doğum tarixi 2 fevral 1945(1945-02-02)
Doğum yeri
Vəfat tarixi 17 yanvar 2023(2023-01-17)[1] (77 yaşında)
Vəfat yeri
Təhsili
Fəaliyyəti siyasətçi, riyaziyyatçı
Atası Nəsrulla Nəsrullayev
Uşağı Leyla Nəsrullayeva
Təltifləri "Dostluq" ordeni

Namiq Nəsrulla oğlu Nəsrullayev (2 fevral 1945, Bakı – 17 yanvar 2023[1], Bakı) — Azərbaycan Respublikasının iqtisadiyyat naziri (1996–2001), Azərbaycan Respublikası Hesablama Palatasının ilk sədri (2001–2007). Azərbaycanın tanınmış dövlət xadimi Nəsrulla Nəsrullayevin oğludur.

Həyatı

[redaktə | mənbəni redaktə et]

2 fevral 1945-ci ildə Bakı şəhərində anadan olmuş, 1962-ci ildə orta məktəbi, 1967-ci ildə fərqlənmə diplomu ilə M. Əzizbəyov adına Azərbaycan Neft və Kimya İnstitutunun energetika fakültəsini, 1970-ci ildə M. Lomonosov adına Moskva Dövlət Universitetinin Tətbiqi riyaziyyat fakültəsini bitirmişdir.

Ailəlidir, 2 övladı var.

Elmi fəaliyyəti

[redaktə | mənbəni redaktə et]

1968-ci ildən Moskvada akademik Boris Nikolayeviç Petrovun rəhbərliyi ilə SSRİ Elmlər Akademiyası İdarəetmə Problemləri İnstitutunun aspiranturasında avtomatik idarəetmə və tənzimləmənin invariantlılıq nəzəriyyəsi, ekstremal tənzimləmə sistemləri üzərində işləmişdir.

1978-ci ildə bort nüvə energetikası qurğuları üzrə texnika elmləri namizədi elmi dərəcəsi almışdır.

1978–1987-ci illərdə Azərbaycan Elmlər Akademiyası Kibernetika İnstitutunun direktor müavini, "Kibernetika" XKB-nin direktoru işləmişdir.

1987-ci ildə Azərbaycan "Ulduz" Elm İstehsalat Birliyinin və "Rabitə Sistemləri" Elmi-Tədqiqat İnstitutunun direktoru təyin edilmiş, həmin vəzifələrdə 1995-ci ilədək çalışmışdır.

15 müəlliflik şəhadətnaməsi almış, 32 elmi əsəri nəşr edilmişdir.

Siyasi fəaliyyəti

[redaktə | mənbəni redaktə et]

1995-ci ildən Azərbaycan Respublikası iqtisadiyyat nazirinin birinci müavini, 1996-cı ildən 2001-ci ilədək Azərbaycan Respublikasının iqtisadiyyat naziri vəzifəsində fəaliyyət göstərmişdir.

2001-ci ildə Azərbaycan Respublikasının Milli Məclisi tərəfindən Azərbaycan Respublikası Hesablama Palatasının sədri vəzifəsinə təyin edilmiş, 2007-ci ilin aprel ayında səhhəti ilə əlaqədar öz xahişi ilə həmin vəzifədən azad edilmişdir.

Mükafatları

[redaktə | mənbəni redaktə et]

Namiq Nəsrullayev 1973-cü ildə SSRİ Nazirlər Sovetinin xüsusi mükafatı, 1986-cı ildə "Əmək rəşadəti" medalı, 2005-ci ildə Rusiya Federasiyasının Prezidentinin fərmanı ilə "Dostluq" ordeni, 2007-ci ildə Rusiya Federasiyasının Hesablama Palatasının "Fərqlənmə nişanı" ilə təltif edilmişdir.

İstinadlar

[redaktə | mənbəni redaktə et]
  1. ↑ 1 2 https://oxu.az/society/685072.

Xarici keçidlər

[redaktə | mənbəni redaktə et]
Mənbə — "https://az.wikipedia.org/w/index.php?title=Namiq_Nəsrullayev&oldid=7679089"