Natiq Yusifov

Vikipediya, azad ensiklopediya
Jump to navigation Jump to search
Natiq Yusifov
Natiq Yusifov.jpg
Doğum tarixi 8 iyun 1948(1948-06-08)
Doğum yeri Qəbələ rayonu
Vəfat tarixi 22 fevral 2014 (65 yaşında)
Vəfat yeri Bakı şəhəri
Dəfn yeri
Vətəndaşlığı Azərbaycan Azərbaycan
Elmi dərəcəsi filologiya elmləri doktoru
Elmi adı professor
İş yeri Azərbaycan Dillər Universitetinin prorektoru (2000-2014)

Natiq Yusifov (8 iyun 1948(1948-06-08)22 fevral 2014(2014-02-22)) — Azərbaycan Dillər Universitetinin prorektoru (2000-2014), İngilis dilinin Leksikologiyası kafedrasının professoru.

Həyatı[redaktə | əsas redaktə]

Natiq Yusifov 1948-ci ildə Qəbələ rayonunun Həmzəli kəndində anadan olub. Orta məktəbi bitirdikdən sonra Azərbaycan Pedaqoji Dillər İnstitutunun Qərbi Avropa dilləri fakültəsinə İngilis və Azərbaycan Dillər ixtisasına qəbul olunub, 1971-ci ildə həmin ixtisası fərqlənmə diplomu ilə bitirib.

İnstitut Elmi Şurasının qərarı ilə 1971-ci ilin sentyabrından İngilis dili kafedrasının müəllimi vəzifəsinə işə qəbul olunub. 1973-cü ildə həqiqi hərbi xidmətdə olub. Hərbi xidmətdən sonra əmək fəaliyyətini Azərbaycan Pedaqoji Xarici Dillər İnstitutunun İngilis dili fakültəsində davam etdirib.

1975-1978-ci illərdə həmin institutun aspiranturasında German Dilləri ixtisası üzrə təhsil alıb və 1985-ci ildə Pyatiqorsk Dövlət Xarici Dillər İnstitutunda German Dilləri ixtisası üzrə “İngilis dilində səs təqlidi sözlərin struktur-semantik təhlili” mövzusunda dissertasiya müdafiə edərək, filologiya elmləri namizədi alimlik dərəcəsi alıb. 1986-cı ildə 1№li Leksika kafedrasının dosenti seçilib. 1990-1999-cu illərdə İnstitutun İngilis dilinin Leksikologiyası kafedrasının müdiri, 1999-2000-cu illərdə İngilis dili fakültəsinin dekanı vəzifələrinə müsabiqə yolu ilə seçilib.

2000-ci ildən indiyədək Azərbaycan Dillər Universitetinin tədris işləri üzrə prorektoru vəzifəsini tutub.

45-dən çox elmi məqalənin, dərsliyin, fənn proqramlarının, monoqrafiyanın müəllifidir.

1998-ci ildən indiyədək həm də Azərbaycan Dillər Universitetinin İngilis dilinin Leksikologiyası kafedrasında pofessor olub.

Natiq Yusifov 2000-ci ildən Avropa Şurasının Ali Təhsil Komitəsində Azərbaycan Respublikası Təhsil Nazirliyinin nümayəndəsi kimi də təmsil olunub. 22 fevral 2014- cü ildə vəfat edib. Qəbələdə dəfn olunub.

3 övladı var.

İstinadlar[redaktə | əsas redaktə]