Naxçıvan Muxtar Respublikasının XIV futbol çempionatı

Vikipediya, azad ensiklopediya
Jump to navigation Jump to search
Sezon 2015-2016
Gold medal icon (+ordinal dot).svg 1-ci "Araz-Naxçıvan"

Naxçıvan Muxtar Respublikasının XIV futbol çempionatıNaxçıvan Muxtar Respublikasının futbol çempionatının 2016-cı ildə başa çatmış mövsümü[1]. "Araz-Naxçıvan" komandası çempionatın qalibi olmuş[1], "DİN-Darıdağ" ikinci, Naxçıvan Dövlət Universiteti üçüncü yeri tutmuşdur[2].

Təşkilatçılar[redaktə | əsas redaktə]

Təqvim[redaktə | əsas redaktə]

Çempionat 2015-ci ilin sentyabr ayının sonlarında başlamış və 2016-cı ilin iyun ayında başa çatmışdır[2].

Format[redaktə | əsas redaktə]

Çempionatda 10 komanda 18 turdan ibarət ikidövrəli sistem üzrə mübarizə aparmışdır[2].

İştirakçılar[redaktə | əsas redaktə]

Klubların performansı[redaktə | əsas redaktə]

"Araz-Naxçıvan" mövsümün ilk görüşündə Naxçıvan Dövlət Universitetinin komandasına uduzsa da, bu, onların mövsüm ərzində ilk və tək məğlubiyyətləri olub. Keçirdikləri 18 oyunun 16-da meydanı 3 xalla tərk edən "Araz-Naxçıvan" sadəcə bir görüşdə heç-heçə edib. Onları mövsüm ərzində "DİN-Darıdağ" futbol komandası izləsə də, sonda həmin komanda rəqiblərindən 6 xal geridə qalaraq, ikinci pilləni tutub. Hər iki görüşdə liderə məğlub olmuş "DİN-Darıdağ"ın səfərdə gözlənilmədən "Əlincə" komandası ilə matçda meydanı xalsız tərk etməsi mövsümün sürprizlərindən biri olub[2].

Mövsümün ilk turunda "Araz-Naxçıvan"ı məğlub edən Naxçıvan Dövlət Universitetinin komandası çempionata iddialı başlasa da, sonradan üzləşdiyi məğlubiyyətlər onu liderlikdən uzaqlaşdırıb. Xüsusilə mövsüm ərzində keçirilən hər iki görüşdə "DİN-Darıdağ" komandasına, gözlənilmədən "Batabat""Arpaçay" komandalarına minimal hesablı məğlubiyyətlər tələbələri çempionatın yalnız üçüncüsü edə bilib[2].

Üç liderdən geri qalan "Batabat" komandası əzmkar mübarizələri nəticəsində mövsümü dördüncü pillədə başa vurublar. "Batabat" komandasında nəzərəçarpan məqam isə onların səfər matçlarında daha çox xal qazanmaları olub. Eyni zamanda Şahbuz təmsilçisi "Kəngərli" ilə birgə mövsümü heç-heçə etmədən başa vuran iki komandadan biridir[2].

Mövsümdə də turnir cədvəlinin son 2 pilləsində əvvəlki illərdəki kimi yenə də "Kəngərli""Sədərək" komandaları qərarlaşmışlar. Kəngərli təmsilçisinin mövsüm ərzində yaddaqalan qələbəsi "Babək" komandası üzərində olub. Sədərəklilər isə "Əlincə"ni məğlub ediblər[2].

Feyr-pley[redaktə | əsas redaktə]

Mövsüm ərzində feyr-pley qaydalarına ən çox riayət edən komanda "Sədərək" olub. Onlar il ərzində cəmi 6 sarı, 1 qırmızı vərəqə ilə cəzalandırılıblar. Onları bu siyahıda 8 sarı, 3 qırmızı vərəqə ilə "Batabat" komandası izləyir[2].

Mövsüm ərzində hakimlərin ən çox cəzalandırdığı komanda isə "Araz-Naxçıvan" olub. Hakimlər "qırmızı-ağlar"ın futbolçularına 18 oyun ərzində 21 sarı, 2 qırmızı vərəqə göstəriblər. Ən çox qırmızı vərəqəni isə Naxçıvan Dövlət Universiteti"Babək" komandaları görüb. Referilər mövsüm ərzində müvafiq olaraq ən çox qırmızı vərəqələri bu komandaların futbolçularına göstəriblər – 4 və 5[2].

Bombardirlər[redaktə | əsas redaktə]

Futbol üzrə Naxçıvan Muxtar Respublika çempionatının 2015-2016-cı il mövsümünün ən məhsuldar futbolçusu adını "DİN-Darıdağ" komandasının hücumçusu Mahir Babayev qazanıb. O, mövsüm ərzində rəqib qapılarından 15 top keçirib. İkinci və üçüncü pillələrdə isə "Araz-Naxçıvan"ın hücumçuları Tağı Seyidov və Samir Kərimov tutublar. Onların hər biri 12 qol vurub[2].

İstinadlar[redaktə | əsas redaktə]