Nazir Rüstəmov

Vikipediya, azad ensiklopediya
Jump to navigation Jump to search
Nazir Rüstəmov
Nazir Mürsəl oğlu Rüstəmov
Nazir Rüstəmov.JPG
Doğum tarixi 12 aprel 1956 (1956-04-12) (63 yaş)
Doğum yeri Ağcabədi, Azərbaycan SSR, SSRİ
Vətəndaşlığı Azərbaycan Azərbaycan
Peşəsi aktyor

Nazir Mürsəl oğlu Rüstəmov (12 aprel 1956(1956-04-12), Ağcabədi) — Azərbaycan teatr və kino aktyoru, Azərbaycanın əməkdar artisti (2017).

Həyatı[redaktə | əsas redaktə]

Nazir Mürsəl oğlu Rüstəmov 12 aprel 1956-cı ildə Ağcabədidə anadan olub. İncəsənət İnstitutunun dram-kino rejissorluğu fakültəsində (1976-1980), Moskvada rejissorluq kurslarında təhsil alıb (1990-1991). 1982-1994-cü illərdə Ağdam Dövlət Dram Teatrında aktyor, rejissor, daha sonra isə bədii rəhbər vəzifəsində işləmişdir. Müxtəlif illərdə Sumqayıt Dövlət Musiqili Dram Teatrında, Füzuli Dövlət Dram Teatrında, Azərbaycan Dövlət Akademik Milli Dram Teatrında, Azərbaycan Dövlət Dərbənd Dram Teatrında və Ukraynanın Donetsk Dövlət Dram Teatrında aktyor və rejissor olaraq fəaliyyət göstərmişdir.

2003-cü ildən Şuşa Dövlət Musiqili Dram Teatrında ikinci dərəcəli quruluşçu rejissor vəzifəsində çalışır. İşlədiyi müddətdə Sarı Zakir («Şuşa dağlarını duman bürüyüb», Elçin), Həmzə bəy («Dağılan tifaq», Əbdürrəhim bəy Haqverdiyev), Fətəli şah («Güllələnmiş heykəllərin fəryadı», Hüseynbala Mirələmov), Həsənzadə («Sən həmişə mənimləsən», İlyas Əfəndiyev), Yan («Anlaşılmazlıq», A.Kamyu). kimi xarakterik və yaddaqalan rollar da ifa etmişdir. Quruluş verdiyi tamaşalar: «Kamança» Cəlil Məmmədquluzadə, «Güllələnmiş heykəllərin fəryadı» Hüseynbala Mirələmov, «Sən həmişə mənimləsən», İlyas Əfəndiyev, «Təklif» Anton Çexov, «Durna» Səid RüstəmovSüleyman Rüstəm, «Meymunun dəfni» Nurəddin Qənbər, «Anlaşılmazlıq», A.Kamyu.

2005-ci ildə hazırladığı və Vasili Vasilyeviç Svetlovidov rolununda çıxış etdiyi Anton Pavloviç Çexovun «Qu quşunun nəğməsi» tamaşası Azərbaycan Teatr Xadimləri İttifaqının keçirdiyi «Boş məkanın dolğunluğu» teatr festivalında «Bədii əsərin ən yaxşı səhnə təcəssümü» nominasiyasında diplomla təltif edilmişdir.

120-dən çox tamaşada rol almış Nazir Rüstəmov həmçinin şair kimi fəaliyyət göstərir və şeirlər yazır.

9 mart 2017-ci ildə Azərbaycanın Əməkdar artisti fəxri adına layiq görülmüşdür.[1] 2017-ci ildə Cəfər Cabbarlı mükafatına layiq görülmüşdür.[2][3]

Filmoqrafiya[redaktə | əsas redaktə]

  1. Həm ziyarət, həm ticarət... (film, 1995)
  2. Ah, ədalət! (film, 1997)
  3. Bəsdir, ağlama! (film, 1999)
  4. Çinarlı şəhərin generalları. Birinci film (film, 1999)
  5. Günaydın, mələyim! (film, 2008)
  6. Seçilən (film, 2008)
  7. Cavad xan (film, 2009)
  8. Qaydasız döyüş (film, 2009)
  9. Qardaşımdan yaxşısı yox idi (film, 2010)
  10. Heydər Əliyev (film)
  11. Sarıköynəklə Valehin nağılı (film, 1980)
  12. Ondan yaxşı qardaş yox idi (film, 2011)
  13. Döngələr (teleserial, 2012)
  14. Toy gecəsi (serial, 2013)
  15. Həyat sən nə qəribəsən (teleserial, 2013)
  16. Zamanla yaşayan sənətkar. Cahangir Zeynalov (film, 2016)

Qalereya[redaktə | əsas redaktə]

Xarici keçidlər[redaktə | əsas redaktə]

Nazir Rüstəmov - Limanda bir qız ağlar şeiri

İstinadlar[redaktə | əsas redaktə]

  1. President.az (09.03.2017). "Azərbaycan Respublikasının teatr xadimlərinə fəxri adların verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2017-03-09.
  2. publika.az (21.05.2017). ""Cəfər Cabbarlı Mükafatı- 2017" təqdim edildi" (azərb.). Publika.az. İstifadə tarixi: 2017-05-21.
  3. Ülviyyə Həsənqızı (21.05.2017). "2017-ci ilin Cəfər Cabbarlı mükafatı təqdim olunub. Akademik Milli Dram Teatrında təqdimat mərasimi keçirilib" (azərb.). Primetime.az. İstifadə tarixi: 2017-05-21.
  4. “Aktyor əbədiyyətə qovuşanda” adlı yeni tamaşa keçiriləcək
  5. Aktyor əbədiyyətə qovuşanda" Nazir Rüstəmov Youtube saytında

Həmçinin bax[redaktə | əsas redaktə]

Portalkino.jpg
Azərbaycan kino sənəti portalı