Nil Kempbel

Vikipediya, azad ensiklopediya
Naviqasiyaya keçin Axtarışa keçin
Nil Kempbel
ing. Neil Campbell
Doğum tarixi 17 aprel 1946(1946-04-17)[1]
Doğum yeri
Vəfat tarixi 21 oktyabr 2004(2004-10-21)[2] (58 yaşında)
Vəfat yeri
Vəfat səbəbi ürək tutması
Elm sahəsi biologiya
İş yerləri
Təhsili

Nil Kempbel (ing. Neil Campbell; 17 aprel 1946[1], Kalver-Siti[d], Kaliforniya21 oktyabr 2004[2], Redlends[d], Kaliforniya) — ilk dəfə 1987-ci ildə və daha sonra dəfələrlə çap olunmuş "Biologiya" dərsliyi ilə tanınan, amerikalı bioloq, alim. Bu dərslik dünyadakı 700.000-dən çox yuxarı sinif şagirdi və universitet tələbəsi tərəfindən istifadə olunub.[3]

Həyatı və fəaliyyəti[redaktə | mənbəni redaktə et]

Nil Kempbel 17 aprel 1946-cı ildə Kalver-Siti şəhərində anadan olub. Zoologiya üzrə magistr dərəcəsini Los-Anceles Kaliforniya Universitetində müdafiə etmiş, doktorluq dərəcəsini isə bitkilərin botanikası mövzusunda Riversayd Kaliforniya Universitetində müdafiə edib. 30 ildən artıq Kornell Universitetinin, Pomona Kollecinin, Riversayd Kaliforniya Universitetinin, San Bernardinyo Valli Kollecinin auditoriyalarında dərs deyib.[4]

Kempbel bir sıra mükatlara layiq görülüb: 2001-ci ildə Riversayd Kaliforniya Universiteti tərəfindən Fərqlənən Məzun Mükafatı və 1986-cı ildə San Bernardinyo Valli Kolleci tərəfəfindən ilk dəfə verilən Görkəmli Professor Mükafatı.[3]

Kempbel, həmçinin, sahil və səhra bitkilərini öyrənən tədqiqatçı idi. O, müəyyən bitkilərin müxtəlif duzluluq, temperatur və pH göstəricilərinə sahib mühitlərdə özlərini necə uyğunlaşdırması ilə bağlı tədqiqata rəhbərlik etmişdir. Əlavə olaraq, o, Mimoza bitkisi və digər paxlakimilərin öyrənilməsi ilə bağlı araşdırmalara da rəhbərlik etmişdir.[5]

Kempbel 21 oktyabr 2004-cü ildə "Biologiya"nın 7-ci beynəlxalq nəşri üçün tamamlanılan əl yazısından dərhal sonra ürək çatışmazlığından dünyasını dəyişmişdir.[6] Riversayd Kaliforniya Universitetində onun şərəfinə Nil Allison Kempbel İanələşdirilmiş Tədqiqat Mükafatı yaradılmışdır.[7]

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. 1,0 1,1 Bibliothèque nationale de France BnF identifikatoru (fr.): açıq məlumat platforması. 2011.
  2. 2,0 2,1 Neil Campbell // Babelio (fr.). 2007.
  3. 3,0 3,1 "UC Riverside Visiting Scholar Dies" (Press-reliz). University of California, Riverside. 25 oktyabr 2004. 13 October 2008 tarixində orijinalından arxivləşdirilib. İstifadə tarixi: 1 may 2020.
  4. "Neil A. Campbell; author of renowned biology text; 58". Associated Press. 2 noyabr 2004. The San Diego Union-Tribune. 9 March 2012 tarixində arxivləşdirilib. İstifadə tarixi: 1 may 2020.
  5. Campbell, Neil A.; Reece, Jane B. Biology. Benjamin Cummings. 2005. səh. 1230 p. ISBN 0-8053-7146-X.
  6. Pearce, Jeremy. "Neil A. Campbell, Who Wrote Major Biology Texts, Dies at 58". The New York Times. 31 oktyabr 2004. 9 May 2015 tarixində arxivləşdirilib. İstifadə tarixi: 1 may 2020.
  7. "Neil Allison Campbell Endowed Research Award". 2022-05-16 tarixində arxivləşdirilib. İstifadə tarixi: 2020-04-30.