Nizami Təhməzov

Vikipediya, azad ensiklopediya
Jump to navigation Jump to search
Nizami Təhməzov
Nizami İsa oğlu Təhməzov
Nizami Təhməzov.jpg
Şəxsi məlumatlar
Doğum tarixi 19 oktyabr 1947(1947-10-19)
Doğum yeri
Vəfat tarixi 20 yanvar 2018(2018-01-20) (70 yaşında)
Vəfat yeri
Vəfat səbəbi Ürək çatışmazlığı
Dəfn yeri
Vətəndaşlığı
Milliyyəti azərbaycanlı
Hərbi fəaliyyəti
Rütbə general-mayor

Nizami İsa oğlu Təhməzov (19 oktyabr 1947, Dəmirçilər, Qubadlı rayonu20 yanvar 2018, Bakı) — general-mayor, Azərbaycan Respublikası Baş prokurorunun müavini-hərbi prokuroru.

Həyat və fəaliyyəti[redaktə | mənbəni redaktə et]

Nizami İsa oğlu Təhməzov 19 Oktyabr 1947-ci ildə Qubadlı rayonunun Dəmirçilər kəndində anadan olmuşdur. İlk ibtidai təhsilini ana yurdu Dəmirçilərdə, orta təhsilini isə qonşu Dondarlı kəndində almışdır. 1965-1969-cu illərdə universiteti fərqlənmə diplomu ilə bitirərək təyinatla Respublika prokurorluğuna göndərilir. Bir müddət Ağdam, Şahbuz, Kürdəmir, Neftçala, Lənkəran və Bakının Əzizbəyov rayon prokurorluğunda müstəntiq işləyir. Daha sonra Respublika Prokurorluğunda şöbə prokuroru vəzifəsinə irəli çəkilir. 1984-cü ildə Bakı şəhər prokurorluğunda mühüm işlər müstəntiqi vəzifəsinə təyin olunan, özünü çox savadlı hüquqşünas kimi göstərən N.Təhməzov həmin vəzifədə 1992-ci ilə kimi çalışır. Nizami Təhməzov 25 Avqust 1993-cü ildə H.Əliyevin fərmanı ilə Respublika Hərbi prokuroru təyin olunur və fəaliyyətin ilk vaxtlarında ona Ədliyyə general-mayoru rütbəsi verilir. N.Təhməzov bu vəzifəyə uzun və kəşməkəşli bir yol keçərək gəlmişdir. N.Təhməzov öz peşəsinin memarıdır. Ən ağır cinayət hadisələrini istintaq yolu ilə açan, onu zərgər dəqiqliyi ilə öyrənən, faktlara və daxili inamına, bilgisinə söykənən beş-üç müstəntiq varsa, onlardan biri, heç şübhəsiz, Nizami İsaoğludur. Görkəmli hüquqşünas, gözəl insan, qeyrətli vətəndaş olan Nizami İsa oğlu Təhməzov Qubadlının sayca beşinci generalıdır.

Vəfatı[redaktə | mənbəni redaktə et]

Nizami Təhməzov ürək çatışmazlığından, 70 yaşında dünyasını dəyişir.[1]

İstinadlar[redaktə | mənbəni redaktə et]