Nurəddin Babayev (kimyaçı)

Vikipediya, azad ensiklopediya
Jump to navigation Jump to search
NURƏDDİN BABAYEV
Nurəddin Babayev (kimyaçı).jpg
Doğum tarixi 1935(1935-Şablondakı doğum və ya ölüm tarixində texniki yanlışlıq var!-00)
Doğum yeri Gürcüstan SSR, Marneuli
Vəfat tarixi 2004(2004-Şablondakı doğum və ya ölüm tarixində texniki yanlışlıq var!-00)
Vəfat yeri Sumqayıt

Nurəddin Babayev — Azərbaycan Milli Məclisinin deputatı (1990-1995), "Azərkimya" Dövlət şirkətitinin vitse-prezidenti (1995-1998).

Nurəddin Bərgah oğlu Babayev 1935-ci ildə Gürcüstan Respublikasının Marneuli (Sarvan) rayonunun Ağqula kəndində anadan olmuşdur. 1942-ci ildə Ağqula kənd orta məktəbinin 1-ci sinfinə daxil olmuş, təhsilini Sadaxlı kənd orta məktəbində bitirmişdir. 1954-1957-ci illərdə keçmiş SSRİ ordu sıralarında hərbi xidmətdə olmuşdur.

1965-ci ildə Azərbaycan Neft və Kimya İnstitutunu bitirmişdir. 1958-ci ildən 1975-ci ilə kimi Sumqayıt Kimya zavodunda maşinist, növbə rəisi, texnoloq, sex rəisi, baş mühəndis və zavod direktoru vəzifələrində çalışmışdır.

Fəaliyyəti[redaktə | əsas redaktə]

Nurəddin Babayev 1975-ci ildə Sumqayıt Üzvi Sintez Zavoduna direktor təyin olunmuş və 1987-ci ilə kimi bu vəzifədə işləmişdir. 1987-ci ildən Birliyin baş direktoru təyin edilmişdir. 1966-ci ildə Nurəddin Babayev "SSRİ-nin Kimya əlaçısı", 1985-ci ildə isə "Fəxri Kimyaçısı" adına layiq görülmüşdür. 1990-1995-ci illərdə Azərbaycan Respublikası Milli Məclisinin deputatı olmuşdur. 1995-1998-ci illərdə "Azərkimya" Dövlət şirkətitinin vitse-prezidenti işləmişdir. Nurəddin Babayev on il Sumqayit Şəhər Partiya Komitəsinin büro üzvü, beş il şəhər Soveti İcraiyyə Komitəsinin üzvü olmuşdur.

O 1990-cı ildən texnika elmləri namizədi elmi adı almaq üçün dissertasiya müdafiə etmiş, 1991-ci ildə Azərbaycan Milli Yaradıcılıq Akademiyasının doktoru fəxri adına layiq görülmüşdür. Dəfələrlə Azərbaycan KP və Sov.İKP qurultaylarına nümayəndə, AKP-nin XXXII qurultayında Nəzarət Təftiş Komissiyasının üzvü seçilmişdir.

Nurəddin Babayevin səmərələşdirici təklifləri dəfələrlə qəbul edilmişdir.

O, 54 elmi əsərin müəllifi, 20-ə yaxın beynəlxalq kofrans və müşavirələrin iştirakçısı olmuşdur.

Mükafatları[redaktə | əsas redaktə]

  • "Əmək Rəşadətinə görə" medalı;
  • 1975-ci ildə "Şərəf nişanı" ordeni;
  • 1971-ci ildə "Qırmızı Əmək Bayragı" ordeni;
  • 1981-ci ildə "Xalqlar Dostluğu" ordeni;
  • 1986-ci ildə "Lenin" ordeni.
  • 1979-cu ildə ona keçmiş SSRİ-nin "Fəxri Səmərələşdiricisi" adı verilmişdir.

Nurəddin Babayev 2004-cü il dekabrın 5-də Sumqayıt şəhərində vəfat etmişdir.