Oraban

Vikipediya, açıq ensiklopediya
Jump to navigation Jump to search
Kənd
Picto infobox map.png
Oraban
Seki.PNGŞəki rayonu

41°9′11″N 47°20′9″E / 41.15306°N 47.33583°E / 41.15306; 47.33583Koordinatlar: 41°9′11″N 47°20′9″E / 41.15306°N 47.33583°E / 41.15306; 47.33583


Ölkə Azərbaycan
Rayon Şəki rayonu
Hündürlüyü802 metr
Saat qurşağıUTC+04:00
Əhalisi1.033 nəfər
Poçt indeksiAZ5536[1]
Oraban — yerləşdiyi ərazi Azərbaycan
Oraban

Oraban (əvvəlki adı: Oravan; ləzg. Ураван) — Azərbaycan Respublikasının Şəki rayonunun inzibati ərazi vahidində kənd.

Tarixi[redaktə | əsas redaktə]

Rəvayətə görə Oraban sözünün etimologiyası “ora” və “ban” sözlərinin birləşməsindən ibarətdir. Köçəri tayfa, indiki orabanlıların əcdadları Oraban kəndinin yerləşdiyi əraziyə sübh tezdən, “ora” “xoruz banı” vaxtı çatıb məskən salmışlar və binə etdikləri kəndin adını da Oraban qoymuşdur.[2]

Oraban kəndi Şəkinin qədim yaşayış məskənlərindən biridir. Bunu kəndin yamac hissəsindəki qədim qəbristanlıq da sübut edir. Bu qəbristanlığın islamdan əvvəlki dövlərdə salındığı və buradakı qəbirlərin qədim alban tayfalarına məxsus olduğu ehtimal edilir.

Əvvəlki adı Oravan olmuş və 5 oktyabr 1999-cu ildən dəyişdirilərək Oraban adlandırılmışdır[3].

Coğrafiyası və iqlimi[redaktə | əsas redaktə]

Kəndin ərazisi əsasən yaşıllıqlarla örtülüdür. Meşələrində cüyür, ayı, dovşan, porsux, çaqqal, dələ və s. heyvanlara rast gəlinir. Kəndin qışı soyuq və rütubətli, yayı isə sərin keçir. Dəniz səviyyəsindən 800 metr yüksəklikdə olan kənd rayon mərkəzindən 30 km aralıda yerləşir. Oraban kəndi şərqdən Oğuz rayonunun Muxas kəndi, şimaldan Baş Kəldək kəndi, şimal-qərbdən Baş Küngüt kəndi, cənubdan Meşə massivi ilə əhatələnir. Yay turizmi üçün kəndin yaxşı potensialı var.

Əhalisi[redaktə | əsas redaktə]

187 ev təsərrüfatın olduğu kənddə 1200 nəfərə yaxın insan yaşayır.

İqtisadiyyatı[redaktə | əsas redaktə]

Kənd Baş Kəldək İcra nümayəndəliyi və bələdiyyəsinə tabe olub iqtisadi cəhətdən zəif inkişaf edib. Bunun da əsas səbəbi işsizlik problemidir, Əhalinin əsas dolanışığı əkinçilik, maldarlıq, odunçuluq və s. sahələrdən çıxır. Kənddə mavi yanacağın və müasir asvalt örtüyünün çəkilməməsi də əsas problemlərdən sayılır. Su problemi də kəndin ən böyük problemlərindən sayılır.

Kənddə Bir məktəb, üç çayxana və iki mağaza fəaliyyət göstərir.

İstinadlar[redaktə | əsas redaktə]

  1. Azərpoçt. "İndekslər" (az). www.azerpost.az. Arxivləşdirilib: [1] saytından 2016-04-19 tarixində. http://archive.is/9GAmL. İstifadə tarixi: 2016-04-19.
  2. "Azərbaycan Folkloru Antologiyası. XVIII kitab. Şəki folkloru. III cild" (az). AMEA Folklor İnstitutu. folklorinstitutu.com. 2008. Arxivləşdirilib: [2] saytından 2016-03-16 tarixində. https://web.archive.org/web/20160316130833/http://folklorinstitutu.com/antologiyalar/Antol-18-Seki.pdf. İstifadə tarixi: 2016-08-12.
  3. "Azərbaycan Respublikasının bəzi rayonlarının inzibati-ərazi bölgüsündə qismən dəyişikliklər edilməsi haqqında" Azərbaycan Respublikasının 5 oktyabr 1999-cu il tarixli, 708-IQ nömrəli Qanunu  (azərb.)