Oruc Zalov

Vikipediya, açıq ensiklopediya
Jump to navigation Jump to search
Oruc Zalov
Oruc Zalov.jpg
bayraqAzərbaycan Respublikası
Daxili İşlər Nazirinin müavini
bayraq
22 fevral 1998 — indiyə kimi

Doğum tarixi 7 dekabr 1952 (1952-12-07) (66 yaş)
Doğum yeri Naxçıvan Muxtar Respublikası
Atası İbrahim Zalov
Uşaqları 3 övladı var
Hərbi xidmət
Rütbəsi polis general-leytenantı

Təltifləri Azərbaycan Bayrağı ordeni - lent (1993-2013).png II dərəcəli "Vətənə xidmətə görə" ordeni

Oruc İbrahim oğlu Zalov (d. 7 dekabr 1952, Naxçıvan şəhəri) — Azərbaycan Respublikası daxili işlər nazirinin müavini,
polis general-leytenantı.

Həyatı[redaktə | əsas redaktə]

Zalov Oruc İbrahim oğlu 1952-ci il dekabrın 7-də Naxçıvan şəhərində anadan olmuşdur. 1978-ci ildə Naxçıvan Dövlət Pedaqoji İnstitutunun tarix fakültəsini, 1990-cı ildə isə SSRİ DİN-in Volqoqrad Ali İstintaq Məktəbini bitirmişdir. Silahlı Qüvvələrin sıralarında müddətli həqiqi hərbi xidmət keçmişdir.

1979-cu ildən daxili işlər orqanlarında xidmət edir. 1994-cü ildə Babək rayon Polis Şöbəsinin rəisi vəzifəsinə irəli çəkilmiş, 1995-1998-ci illər Azərbaycan Respublikası DİN-in Qərargah rəisi vəzifəsində xidmət etmişdir.

Azərbaycan Respublikası Prezidentinin 22 fevral 1998-ci il tarixli 757 nömrəli Sərəncamı ilə Azərbaycan Respublikası daxili işlər nazirinin müavini təyin olunmuşdur.

Azərbaycan Respublikası Prezidentinin 30 dekabr 1999-cu il tarixli 54 nömrəli Fərmanı ilə polis general-mayoru, 17 yanvar 2002-ci il tarixli 647 nömrəli Fərmanı ilə polis general-leytenantı xüsusi rütbəsi verilmişdir.

Cinayətkarlığa qarşı mübarizə işinin təşkilində, dövlətin Konstitusiya və dövlət quruluşunun müdafiəsində, əmin-amanlığın təmin edilməsində uğurlu nəticələrinə görə müxtəlif mükafatlara layiq görülmüşdür.

Azərbaycan Respublikası Prezidentinin 26 dekabr 1995-ci il tarixli 424 nömrəli Fərmanı ilə “Azərbaycan Bayrağı” ordeni ilə təltif olunmuşdur. Ailəlidir. Üç övladı var.[1]

İstinadlar[redaktə | əsas redaktə]

  1. http://www.adam.az/az.php?subaction=showfull&id=1206643515&archive=

Xarici keçidlər[redaktə | əsas redaktə]

  • Azərbayсan Respublikası Daxili İşlər Nazirliyinin saytında Oruc Zalov haqqında səhifə. mia.gov.az  (azərb.)