Ovik Dəmirçyan

Vikipediya, açıq ensiklopediya
Jump to navigation Jump to search
Picto infobox music.png
Ovik Dəmirçyan
yun. Χόβιγκ Ντεμιρτζιάν
erm. Հովիկ Դեմիրճյան
Ovik 2017-ci ildə
Ovik 2017-ci ildə
Sənətçi məlumatları
Doğum adı Ovik Dəmirçyan
Doğum tarixi 3 yanvar 1989 (1989-01-03) (29 yaş)
Doğum yeri Nikosiya, Kipr
Vətəndaşlığı Flag of Cyprus.svg Kipr
Peşəsi müğənni

Üslub pop
Musiqi alətipiano, gitara
Fəaliyyət illəri2009–h.h.
VikiAnbarda Commons-logo.svg audio, foto və videofayllar

Ovik Dəmirçyan (yun. Χόβιγκ Ντεμιρτζιάν, erm. Հովիկ Դեմիրճյան; d. 3 yanvar 1989, Nikosiya, Kipr) — milliyətcə erməni olan Kipr müğənnisi. O Kipri 2017 Avroviziya Mahnı Müsabiqəsində təmsil etmişdir.

Həyatı[redaktə | əsas redaktə]

Ovik Dəmirçyan 3 yanvar 1989-cu ildə Kiprin paytaxtı Nikosiya şəhərində erməni ailəsində anadan olmuşdur. Marketinq təhsili alan Ovik, təhsilini başa vurduqdan sonra musiqi karyerasını başlatmaq məqsədi ilə piano və gitarada ifa etməyi öyrənmiş və eyni zamanda caz və vokal dərsləri almışdır.

Musiqi karyerası[redaktə | əsas redaktə]

Ovikin musiqidə ilk uğuru Larnakada keçirilən musiqi yarışmasında ikinci yeri tutmağı olmuşdur. 2009-cu ilin iyun ayında onun "Den mou milas alithina (Istoria exei teleiwsei)" adlı ilk mahnısı təqdim edilmişdir. Daha sonra mahnıya videoklip də çəkilmişdir. Həmin ildə Ovik Yunanıstanın The X Factor musiqi yarışmasında iştirak etmiş və yeddinci yeri qazanmışdır. Yarışmadakı iştirakından sonra müğənni Kiprə geri dönərək, öz karyerasını davam etdirmişdir. 2010-cu ildə Ovik "Ksana", 2012-ci ildə "Mystika" və 2013-cü ildə "Ekho ya mena" sinqllarını çıxarmışdır. O eyni zamanda Yunanıstan, Yaxın Şərq və Rusiyada konsertərdə iştirak etmişdir.

Ovik Yunanıstanın The X Factor musiqi yarışmasında iştirakından sonra 2010-cu ildə Kipri Avroviziya Mahnı Müsabiqəsində təmsil etmək üçün "Goodbye" mahnısı ilə Kiprin milli seçim turunda iştirak etmiş və üçüncü yerdə qərarlaşmışdır. Daha sonra müğənni növbəti dəfə 2015-ci ildə Kiprin Avroviziya üçün keçirdiyi seçim turuna "Stone in a River" mahnısı ilə qatılmış və dördüncü yerə layiq görülərək, yenidən Avroviziyada iştirak hüququnu qazana bilməmişdir.

2016-cı ilin oktyabr ayında Kiprin CyBC telekanalı Ovikin "Gravity" mahnısı ilə Kipri Ukraynanın paytaxtı Kiyevdə keçirilən 2017 Avroviziya Mahnı Müsabiqəsində təmsil edəcəyini açıqlamışdır.[1] Ovik 9 may tarixində baş tutan yarımfinal mərhələsində 14-cü nömrə altında çıxış etmişdir. Nəticədə 164 xalla 5-ci yerdə qərarlaşaraq, final mərhələsinə vəsiqə qazanmışdır. Müsabiqənin finalında bir daha öz mahnısını ifa edən Ovik 26 ölkə təmsilçisinin mübarizə apardığı şouda 68 xal toplayaraq, 21-ci yerdə qərarlaşmışdır.

Diskoqrafiya[redaktə | əsas redaktə]

Sinqllar[redaktə | əsas redaktə]

Mahnı adı İl
"Den mou milas alithina"
(Δεν μού μιλάς αληθινά - ἱστορία έχει τελειώσει)
2009
"Ksana"
(Ξανά)
2010
"Goodbye"
"Mystika"
(Μυστικά)
2012
"Ekho ya mena"
(Εγω Για Μένα)
2013
"Stone in a River" 2015
"Gravity" 2017

İstinadlar[redaktə | əsas redaktə]

  1. "Cyprus: Hovig will fly to Kyiv!". ESCToday. http://esctoday.com/138229/cyprus-hovig-will-fly-kyiv. İstifadə tarixi: 21 oktyabr 2016.
Əvvəlki:
Minus One
"Alter Ego"
Kipr Avroviziya Mahnı Müsabiqəsində
EuroChipre.svg

2017
Sonrakı:
Eleni Fureyra
"Fuego"

Xarici keçidlər[redaktə | əsas redaktə]