Pərviz Heydərov

Pərviz Heydərov
Pərviz Telman oğlu Heydərov
Doğum tarixi	19 iyul 1972(1972-07-19)
Doğum yeri	Bakı, Azərbaycan SSR, SSRİ
Vəfat tarixi	29 sentyabr 2026(2026-09-29) (54 yaşında)
Vəfat yeri	Bakı, Azərbaycan
Vəfat səbəbi	ağciyər iltihabı
Dəfn yeri	Çarxana
Təhsili	Azərbaycan Dövlət İqtisad İnstitutu (1995)
Fəaliyyəti	jurnalist, iqtisadçı
Üzvlüyü	Azərbaycan Jurnalistlər Birliyi
Mükafatları

Heydərov Pərviz Telman oğlu (19 iyul 1972, Bakı – 29 sentyabr 2026, Bakı) — azərbaycanlı iqtisadçı, jurnalist.

Həyatı

1972-ci il iyul ayının 19-da Bakı şəhərində anadan olub.

1979–1989-cu illərdə Bakı şəhəri Səbail rayonundakı 219 nömrəli məktəbdə orta təhsil alıb.

1989-cu ildə N. A. Voznesenski adına Leninqrad (indiki Sankt-Peterburq) Maliyyə-İqtisad Universitetinin Bakı filialına daxil olub, 1995-ci ildə Azərbaycan Dövlət İqtisad Universitetini bitirib.

1995-ci ilin sentyabr ayında Azərbaycan Respublikası İqtisadiyyat Nazirliyinin İqtisadi İslahatlar Mərkəzində (indiki İqtisadi İslahatlar Elmi-Tədqiqat İnstitutu) aparıcı mütəxəssis vəzifəsinə işə götürülüb.

Hazırda Azərbaycan Respublikası İqtisadiyyat Nazirliyinin İqtisadi Elmi Tədqiqat İnstitutunun İstehsal sahələri şöbəsində aparıcı elmi işçi vəzifəsində çalışır.

1996-cı ildən ölkə mətbuatında iqtisadi mövzuda məqalələrlə çıxış edir.

3000-dən çox analitik və bir neçə elmi məqalənin müəllifidir.

İlk məqaləsi Kənd Təsərrüfatı Nazirliyinin keçmiş orqanı olan "Həyat" qəzetində çap edilib. "Həyat", "Panorama", 1998-ci ildən müntəzəm olaraq "Ekspress" qəzetində, 2011-ci ildən isə həmçinin ictimai-siyasi xəbərlərdən ibarət müxtəlif internet saytlarında iqtisadi mövzuda məqalələrlə çıxış edir.

Böyük Britaniyanın "Oxfam" Beynəlxalq Humanitar Təşkilatının "Azərbaycanda yoxsulluğun azaldılması" mövzusunda keçirdiyi yazı müsabiqəsinin qaliblərindəndir.

2007-ci ilin mart ayından Azərbaycan Jurnalistlər Birliyinin üzvüdür.

İqtisadi mövzuda məqalələrinə görə Azərbaycan Jurnalistlər Birliyi tərəfindən 2007-ci ildə H. Zərdabi mükafatına layiq görülüb.

Amerika Birləşmiş Ştatlarının qanunvericilik hakimiyyətinin – Konqresin yeganə mübadilə proqramı sayılan və bilavasitə onun tərəfindən maliyyələşdirilən Açıq Dünya Proqramının iştirakçısı olaraq, 2008-ci il oktyabrın 29-dan noyabrın 11-nədək ABŞ-də səfərdə olub.

2003–2011-ci illər ərzində mətbuatda, o cümlədən İqtisadiyyat Nazirliyinin İqtisadi İslahatlar Elmi-Tədqiqat İnstitutunun elmi dərgilərində dərc olunmuş məqalələrindən seçmələrdən ibarət, "İqtisadi yüksəliş problemləri" adlı kitabın müəllifidir.

Azərbaycan Respublikası Prezidenti İlham Əliyevin 21 oktyabr 2014-cü il tarixli Sərəncamı ilə Azərbaycan iqtisadiyyatının inkişafında xidmətlərinə görə "Tərəqqi" medalı ilə təltif edilib.

O, hərəkət məhdudiyyətli olub və həyatını təkərli oturacaqda keçirib.

Pərviz Heydərov 29 sentyabr 2026-cı ildə 54 yaşında pnevmoniya səbəbi ilə vəfat edib. 29 sentyabr tarixində Qəbələ rayonunun Çarxana kəndində dəfn edilmişdir.