Piter Abrahams

Vikipediya, azad ensiklopediya
Naviqasiyaya keç Axtarışa keç
Piter Abrahams
ing. Peter Abrahams
Doğum adı Peter Henry Abrahams Deras
Doğum tarixi
Doğum yeri Vrededorp, CAR
Vəfat tarixi (97 yaşında)
Vəfat yeri Sent Endryu Pariş, Yamayka
Vətəndaşlığı Yamayka
Fəaliyyəti yazıçı, jurnalist, baş redaktor, şair, publisist, redaktor
Əsərlərinin dili ingilis dili
Mükafatları Order of Jamaica
Vikianbarın loqosu Vikianbarda əlaqəli mediafayllar

Piter Henri Abrahams (ing. Peter Henry Abrahams; 19 mart 1919[1]18 yanvar 2017[2][3][…]) — Cənubi Afrika yazıçısı.

Piter Abrahams 3 mart 1919-cu ildə CAR-ın kasıb Vrededorp şəhərciyində doğulmuş, 1939-cu ildə ölkəsini tərk etmişdir. 1956-cı ildə Yamaykaya köçməmişdən əvvəl dənizçi və Londonda jurnalist kimi işləmişdir.

Cənubi Afrikanın məşhur qaradərili yazıçılarından biri olan Piter Abrahamsın əsərləri siyasi və sosial problemlərə, xüsusilə irqçiliyə həsr olunmuşdur. Müəllifin ilk işlərindən biri olan "Kömür oğlan" (1946) hekayəsi tənqidçilərin diqqətini cəlb etdi. Onun irqçilik əleyhinə yazılmış digər əsərləri arasında "Qara vəsiyyət" (1942) hekayələr toplusu və "İldırımlı yollarla" (1948), "Maykl Udomo üçün əklil" (1956), "Gecənin hökmündə" (1965), "Koyabadan baxış" (1985) romanlarını qeyd etmək olar.

1966-cı ildə yazdığı "Bu ada indi" romanı Afrikadan bəhs etməyən yeganə əsəridir, bu əsərdə hadisələr Yamaykada və Karib adalarında baş verir.

Məşhur Azərbaycan bəstəkarı Qara Qarayev 1958-ci ildə Piter Abrahamsın "İldırımlı yollarla" (The Path of Thunder) romanının motivləri əsasında eyniadlı balet yazmışdır.

  1. Абрахамс Питер Генри // Большая советская энциклопедия (rus.): [в 30 т.]. / под ред. А. М. Прохоров 3-е изд. Москва: Советская энциклопедия, 1969.
  2. Literary Icon Peter Abrahams Is Dead. 2017.
  3. Peter Abrahams // Encyclopædia Britannica (ing.).

Keçidlər