Portal:Klassik musiqi/Seçilmiş bioqrafiya
İohann Ştraus (alm. Johann Strauss) — XIX əsrdə yaşamış dünya şöhrətli Avstriyalı bəstəkar. İohann Ştraus vals musiqisinə gətirdiyi yenilikərlə tanınır. XIX əsrdə Avropada vals kralı hesab olunan Ştrausun qazandığı uğurları Avropada az sayda Bəstəkar qazana bilmişdir. Ən məşhur əsəri Mavi Tuna valsıdır. Mavi Tuna əsəri əslində xor üçün yazılmışdır. Xor tərəfindən ifa edilən əsər uğur əldə edə bilməmiş, sonralar Ştraus Mavi Tuna əsərini orkestra üçün bəstələmişdir. Əsas 400 musiqi nömrəsi arasında birinci olmuş və Ştrausa böyük uğur gətirmişdir.İohann Ştraus 1825-ci ildə Avstriyanın paytaxtı Vyana şəhərində anadan olmuşdur. Ştrusun özü ilə eyni adı və soyadı daşıyan atası İohann Ştraus dövrünə görə tanınan musiqici idi. İohann Ştraus Vals musiqisinin yaradıcılarından hesab olunurdu, onun rəhbərlik etdiyi orkestraların verdiyi konsertlər böyük marağa səbəb olurdu. Artıq 1830-ci ildə bütün Avropada valsın simasına çevilən İohann Ştraus övladlarının musiqi ilə məşğul olmasını istəmir və bunu qarşısını bütün vasitələrlə almaq istəyirdi. Bütün cəhtlərə baxmayaraq İohann Ştraus 3 oğlunun dünya şöhrətli musiqici olmasının qarşısını ala bilmədi. İohann Ştrausdan başqa onun Yozef (1827 –1870) və Eduard (1835-1916) adlı qardaşlarıda musiqi fəaliyyətlərini uğurla davam etdirmişdilər.
Məqaləni oxu...