Pyetro Cermi

Pyetro Cermi
Pyetro Cermi
	it. Pietro Germi
Doğum tarixi	14 sentyabr 1914
Doğum yeri	Genuya, Genuya əyaləti, Liquriya, İtaliya;
Vəfat tarixi	5 dekabr 1974 (60 yaşında)
Vəfat yeri	Roma, Roma əyaləti[d], Latsio, İtaliya;
Vəfat səbəbi	Hepatit
Uşağı	4
Təhsili	Eksperimental Kinematoqrafiya Mərkəzi[d];
Fəaliyyəti	kinorejissor, aktyor, film prodüseri, ssenarist, rejissor, kino aktyoru
Fəaliyyət illəri	1939–1972
Mükafatları
	Vikianbarda əlaqəli mediafayllar

Pyetro Cermi (14 sentyabr 1914, Genuya^[1] – 5 dekabr 1974^[2], Roma) — italyan kinorejissoru, ssenaristi və aktyoru. Neorealizmin banilərindən biri.^[3]

Həyatı

Romada Eksperimental kinomərkəzdə əvvəl aktyorluq, sonra rejissorluq şöbələrini bitirmişdir. "Şahid" filmi (1946) rejissor debütü olmuşdur. "Yolunu azmış gənclik" (1947), "Qanun naminə" (1949), "Ümid yolu" (1950, Qərbi Berlin Beynəlxalq kinofestivalının mükafatı) və "Şəhər müdafiə olunur" (1951, Venesiya Beynəlxalq kinofestivalının mükafatı) filmləri Ceymini neorealizmin aparıcı sənətkarlarından biri etmişdir. Neorealizm hərəkatının tənəzzülü dövründə "Takka del Lupodan olan quldur", "Prezident arvadı" (hər ikisi 1952), "Qısqanclıq" (1953) kommersiya filmlərini çəkmişdir. Ceymi öz filmlərinin həm ssenaristi olmuş, həm də aktyor kimi ("Maşinist", 1956, San-Sebastyan Beynəlxalq kinofestivalının mükafatı; "İradəsiz kişi", 1958, psixoloji dramlarında; antifaşist "Lənətə gəlmiş çaşqınlıq", 1959) yaddaqalan obrazlar yaratmışdır. Onun böyük uğur qazanmış "İtalyansayağı boşanma" (1961, Beynəlxalq Kann kinofestivalının mükafatı, "Oskar" mükafatı), "Aldadılmış və atılmış qadın" (1964), "Xanımlar və cənablar" (1965, Kann Beynəlxalq kinofestivalının baş mükafatı) filmləri "italyansayağı komediya"nın əsasını qoymuşdur. "Əxlaqsız" (1967), "Serafino" (1968, Moskva Beynəlxalq kinofestivalının baş mükafatı), "Şabalıdlar dadlıdır" (1970), "Alfredo, Alfredo" (1971) və s. filmləri var. "Fransaya qaçış", "Yovanka və başqaları", "Dodaq boyası", "La Viaçça" filmlərində çəkilmişdir. 1974-cü ildə "Mənim dostlarım" komediyası üzərində isə başlamış, lakin çəkiliş vaxtı vəfat etmişdir. Filmi M. Moniçelli tamamlamışdır.^[3]

Filmləri

The Fornaretto of Venice (1939)
The Ten Commandments (1945)
Şahid filmi (1946)
Yolunu azmış gənclik (1947)
Qanun naminə (1949),
Fransaya qaçış (1948)
Ümid yolu (1950
Qanuna qarşı (1950)
Şəhər müdafiə olunur (1951)
Prezident arvadı (1952)
Qısqanclıq (1953)
Xanımlar və cənablar (1965)
Dəmiryolçu (1955)
Dodaq boyası
Qətlin təfərrüatları (1959)
İtalyansayağı boşanma (film, 1961) (1961)
Yoldan çıxarılmış və atılmış qız (film, 1964) (ing. Seduced and Abandoned )
Quşlar, arılar və italyanlar (1965)
Əxlaqsız (1967)
Serafino (1968)
Bir ovuc yerfındığı (1970)
Alfredo, Alfredo (1972)

İstinadlar

1 2 Джерми Пьетро // Большая советская энциклопедия (rus.): [в 30 т.]. 3-е изд. Москва: Советская энциклопедия, 1969.
1 2 Bibliothèque nationale de France BnF identifikatoru (fr.): açıq məlumat platforması. 2011.
1 2 Cermi// Azərbaycan Milli Ensiklopediyası (25 cilddə). — V cild. Bakı, 2009. — Səh.: 225

Xarici keçidlər

[_5de3caa4abaeded4-1] 1 2 Джерми Пьетро // Большая советская энциклопедия (rus.): [в 30 т.]. 3-е изд. Москва: Советская энциклопедия, 1969.

[_bb6491907083b52c-2] 1 2 Bibliothèque nationale de France BnF identifikatoru (fr.): açıq məlumat platforması. 2011.

[:0-3] 1 2 Cermi// Azərbaycan Milli Ensiklopediyası (25 cilddə). — V cild. Bakı, 2009. — Səh.: 225

[1]

[2]

[3]