Pyetro Cermi

Vikipediya, azad ensiklopediya
Jump to navigation Jump to search
Pyetro Cermi
ing. Pietro Germi
Pietro Germi.jpg Pyetro Cermi
Doğum tarixi 14 sentyabr 1914(1914-09-14)
Doğum yeri Liquriya, Genuya
Vəfat tarixi 5 dekabr 1974 (60 yaşında)
Vəfat yeri Roma
Vəfat səbəbi Hepatit
Vətəndaşlığı
Fəaliyyəti kinorejissor, aktyor, kino prodüseri, ssenarist
Commons-logo.svg Vikianbarda əlaqəli mediafayllar

Pyetro Cermi (14 sentyabr 1914, Liquriya, Genuya5 dekabr 1974, Roma) — italyan kinorejissoru, ssenaristi və aktyoru. Neorealizmin banilərindən biri.[1]

Həyatı[redaktə | əsas redaktə]

Romada Eksperimental kinomərkəzdə əvvəl aktyorluq, sonra rejissorluq şöbələrini bitirmişdir. “Şahid” filmi (1946) rejissor debütü olmuşdur. “Yolunu azmış gənclik” (1947), “Qanun naminə” (1949), “Ümid yolu” (1950, Qərbi Berlin Beynəlxalq kinofestivalının mükafatı) və “Şəhər müdafiə olunur” (1951, Venesiya Beynəlxalq kinofestivalının mükafatı) filmləri Ceymini neorealizmin aparıcı sənətkarlarından biri etmişdir. Neorealizm hərəkatının tənəzzülü dövründə “Takka del Lupodan olan quldur”, “Prezident arvadı” (hər ikisi 1952), “Qısqanclıq” (1953) kommersiya filmlərini çəkmişdir. Ceymi öz filmlərinin həm ssenaristi olmuş, həm də aktyor kimi (“Maşinist”, 1956, San-Sebastyan Beynəlxalq kinofestivalının mükafatı; “İradəsiz kişi”, 1958, psixoloji dramlarında; antifaşist “Lənətə gəlmiş çaşqınlıq”, 1959) yaddaqalan obrazlar yaratmışdır. Onun böyük uğur qazanmış “İtalyansayağı boşanma” (1961, Beynəlxalq Kann kinofestivalının mükafatı, “Oskar” mükafatı), “Aldadılmış və atılmış qadın” (1964), “Xanımlar və cənablar” (1965, Kann Beynəlxalq kinofestivalının baş mükafatı) filmləri “italyansayağı komediya”nın əsasını qoymuşdur. “Əxlaqsız” (1967), “Serafino” (1968, Moskva Beynəlxalq kinofestivalının baş mükafatı), “Şabalıdlar dadlıdır” (1970), “Alfredo, Alfredo” (1971) və s. filmləri var. “Fransaya qaçış”, “Yovanka və başqaları”, “Dodaq boyası”, “La Viaçça” filmlərində çəkilmişdir. 1974-cü ildə “Mənim dostlarım” komediyası üzərində isə başlamış, lakin çəkiliş vaxtı vəfat etmişdir. Filmi M. Moniçelli tamamlamışdır.[1]

Filmləri[redaktə | əsas redaktə]

İstinadlar[redaktə | əsas redaktə]

  1. 1 2 Cermi// Azərbaycan Milli Ensiklopediyası (25 cilddə). — V cild. Bakı, 2009. — Səh.: 225

Xarici keçidlər[redaktə | əsas redaktə]